မြန်မာနိုင်ငံတွင် ကျင်းပနေသည့် Myanmar International Series 2019 ကြက်တောင်ပြိုင်ပွဲ၌ သက်ထားသူဇာက အမျိုးသမီးတဦးချင်း ပွဲတွင် ထိုင်းကြက်တောင်မယ် ဆာရာပွန်ကို နှစ်ပွဲပြတ်ဖြင့် အနိုင်ယူလိုက်သည်။
ပထမပွဲတွင် ၂၁-၁၀ မှတ်ဖြင့်လည်းကောင်း၊ ဒုတိယပွဲတွင် ၂၁- ၁၄ဖြင့် အနိုင်ယူခဲ့ခြင်းဖြစ်သည်။
သက်ထားသူဇာက “သူက ကိုယ်ထက်လည်း ငယ်တယ်။ Rankingကလည်း ကိုယ်ထက်လည်း နည်းတယ်ဆိုတော့ အရမ်းတော့ အားထုတ်ရိုက်တာ မရှိပါဘူး။ ညီမက ဒီအထဲမှာ နိုင်ခြေ အဆင့် ၁ဆိုတော့ ဒီအထဲမှာတော့ အတွေ့အကြုံအရဆိုရင် ညီမက အများဆုံးဖြစ်မယ်။ဒါကြောင့်လည်း ဒီပွဲမှာ နိုင်ခဲ့တာဖြစ်မယ်” ဟု ဧရာဝတီကိုပြောသည်။
ဖခင်ဖြစ်သူ ဦးထွန်းထွန်းဇော်ကလည်း ယခုပွဲတွင် အနိုင်ရမည်ဟု နည်းပြအပါအဝင် ကြက်တောင် အားကစား ဝါသနာရှင်များက သုံးသပ်ထားကြောင်း ပြောသည်။
“တဖက်အားကစားသမားက သူထက် rankingနိမ့်တယ်။သူရဲ့ ကစားနည်းကို ကျေနပ်ပါတယ်။ ကျနော်တို့လည်း ဟိုဘက်က ကစားသမားကို လေ့လာထားတာလည်း ရှိတယ်။ နားတဲ့အချိန်မှာ တော့ ကျနော်ရော နည်းပြပါ သူလိုအပ်ချက်တွေကို အကြံပေးဖြစ်တယ်”ဟု ဆိုသည်။
You May Also Like These Stories:
စိတ်ကို အတည်ငြိမ်ဆုံး ထားတယ်ဆိုတဲ့ သက်ထားသူဇာ ယနေ့ စတင်ယှဉ်ပြိုင်မည်
မြန်မာ့မြေမှာ ရွှေတံဆိပ် မှန်းတဲ့ ကြက်တောင်မယ် သက်ထားသူဇာ
ကြက်တောင်မယ် သက်ထားသူဇာ အတွက် တပ်မတော်မှ ဂုဏ်ပြုချီးမြှင့်
အိုလံပစ်ပြိုင်ပွဲ ဝင်နိုင်ရေး ရုန်းကန်နေရသည့် ကြက်တောင်မယ် သက်ထားသူဇာ
The post သက်ထားသူဇာ ပြိုင်ဘက် ထိုင်းကြက်တောင်မယ်ကို နှစ်ပွဲပြတ် အနိုင်ယူ appeared first on ဧရာဝတီ.