၂၀၀၅ခုႏွစ္ ဖိလစ္ပုိင္ႏုိင္ငံတြင္ က်င္းပခဲ့ ဆီးဂိမ္းၿပိဳင္ပြဲ ျမန္မာႏွင့္ ဗီယက္နမ္အသင္းယွဥ္ၿပိဳင္ေနပုံ (ဓာတ္ပုံ – AP)

အားကစားသည္ ၿငိမ္းခ်မ္းေရး၏ ျပယုဂ္၊ ၿငိမ္းခ်မ္းေရး၏ သေကၤတ၊ ၿငိမ္းခ်မ္းေရး၏ အမွတ္အသား ဟု ဆုိၾကသည္။ ခရစ္ေတာ္မေပၚမီ ဘီစီ ၇၇၆ ခုႏွစ္တြင္ ေရာမ၌ စတင္ခဲ့ေသာ ကမၻာ့အုိလံပစ္ အားကစားၿပိဳင္ပြဲ ေအာင္ႏုိင္သူကုိ သံလြင္ခက္ သရဖူျဖင့္ ဂုဏ္ျပဳခဲ့ၾကသည္။ ျဖစ္ပြားေနသည့္ စစ္ပြဲမ်ား ရပ္တန္႔ခဲ့ၾကသည္။ ေတာပုန္း ဓားျပမ်ားက ပင္လ်င္ အိုလံပစ္ သြားလာလမ္းမ်ားႏွင့္ ေ၀းရာသို႔ ေရွာင္ရွားေပးခဲ့ၾကသည္။

သို႔ရာတြင္ ၁၈၉၆ ခုႏွစ္တြင္ ျပန္လည္ ေမြးဖြား သန္႔စင္ခဲ့သည့္ ေခတ္သစ္ အုိလံပစ္အားကစားပြဲႏွင့္ ေဒသဆုိင္ရာ အားကစား ၿပိဳင္ပြဲမ်ားတြင္မူ ၿငိမ္းခ်မ္းေရး သေကၤတသည္ အႏုတ္လကၡဏာ ျဖစ္ခဲ့ရသည္။ အားကစားပြဲ တပြဲ မဟုတ္ တပြဲ၊ တႀကိမ္ မဟုတ္ တႀကိမ္ အနိ႒ာ႐ံုမ်ား ေပၚေပါက္ခဲ့ရသည္။ ၿငိမ္းခ်မ္းေရးႏွင့္ ဆန္႔က်င္ဘက္ ဆူပူေသာင္းက်န္းမႈ မ်ား၊ ဆႏၵျပမႈမ်ား၊ သပိတ္ေမွာက္မႈမ်ား စသျဖင့္ ၿငိမ္းခ်မ္းေရးခ်ဳိးငွက္ ေတာင္ပံကို ႐ုိက္ခ်ဳိးခဲ့ၾကသည္။

ယင္းတို႔တြင္ အေရွ႕ေတာင္အာရွ ကြ်န္းဆြယ္ အားကစားၿပိဳင္ပြဲႏွင့္ အေရွ႕ေတာင္အာရွ အားကစားၿပိဳင္ပြဲ (SEAP & SEA Games) တုိ႔လည္း ပါ၀င္ခဲ့ၾကသည္။ အေရွ႕ေတာင္ အာရွကြ်န္းဆြယ္ အားကစားၿပိဳင္ပြဲ က်င္းပရန္ ဂ်ပန္ႏုိင္ငံ တိုက်ဳိၿမိဳ႕တြင္ ၁၉၅၈ အာရွ အားကစားေခါင္းေဆာင္မ်ား ေတြ႔ဆံု ေဆြးေႏြးခဲ့ၾကသည္။ ပထမအႀကိမ္ေျမာက္ ကြ်န္းဆြယ္ အားကစားၿပိဳင္ပြဲကုိ ထိုင္းႏိုင္ငံဘန္ေကာက္၌ ၁၉၅၉ ခုႏွစ္တြင္ က်င္းပရန္ အားလံုးက သေဘာတူ ဆံုးျဖတ္ခဲ့ၾကသည္။

ထုိင္းႏုိင္ငံက ၁၉၅၉ ခုႏွစ္ ဒီဇင္ဘာလ ၁၂ ရက္မွ ၁၇ ရက္ အထိ က်င္းပခဲ့သည္။ အေရွ႕ေတာင္ အာရွေဒသတြင္ ၇ ႏုိင္ငံ ရွိေသာ္လည္း အိမ္ရွင္အပါအ၀င္ ၆ ႏုိင္ငံသာ ယွဥ္ၿပိဳင္ခဲ့ၾကသည္။ ကေမၻာဒီးယားက ထုိင္းႏုိင္ငံႏွင့္ ႏွစ္ႏုိင္ငံ နယ္နိမိတ္ အေၾကာင္းျပကာ ႏုိင္ငံေရး အျငင္းပြား ေနၾကသျဖင့္ ၀င္ေရာက္ ယွဥ္ၿပိဳင္ျခင္း မျပဳခဲ့ပါ။ ညီၫြတ္ေရးႏွင့္ ခ်စ္ခ်စ္ခင္ခင္ ဆုိသည္မွာ စာရြက္ေပၚမွာသာ ရွိေနသည္။

စကတည္းက ယဥ္သကို

ၿပိဳင္ပြဲ က်င္းပေနစဥ္ အတြင္း ျပႆနာေပၚလာတာက အိမ္ရွင္ထုိင္း ေဘာ္လီေဘာ အသင္းႏွင့္ ျမန္မာေဘာလီေဘာ အသင္းတို႔ ေနာက္ဆံုး ဗိုလ္လုပြဲတြင္ ျဖစ္သည္။ ပထမ ကြ်န္းဆြယ္ ေဘာ္လီေဘာ ၿပိဳင္ပြဲတြင္ ျမန္မာ၊ ထုိင္း၊ ေတာင္ ဗီယက္နမ္ႏွင့္ လာအုိ အသင္းတို႔သာ ၀င္ေရာက္ယွဥ္ၿပိဳင္ၾကသည္။ ၄ သင္း ပတ္လည္ အမွတ္ေပး စံနစ္ျဖင့္ က်င္းပသည္။ ျမန္မာက ေဘာင္ ဗီယက္နမ္ အသင္းကုိ ၃ ပြဲ ၁ ပြဲ (၁၅-၁၃၊ ၁၁-၁၅၊ ၁၅-၁၉၊ ၁၅-၁၂) ျဖင့္ ႏုိင္သည္။ ထုိင္း ကလည္း လာအုိကုိ သံုးပြဲျပတ္ ႏုိင္သည္။ (၁၅-၉၊ ၁၅-၁၂၊ ၁၅-၁၃) ျဖင့္ ႏုိင္သည္။ ျမန္မာအသင္းက လာအုိ အသင္းကုိ ၃ ပြဲ ၁ ပြဲ (၁၅-၉၊ ၁၅-၉၊ ၁၅-၃) ျဖင့္ ႏုိင္သည္။

ထုိင္းက ေတာင္ဗီယက္နမ္ကုိ ၃ ပြဲ၂ ပြဲျဖင့္ ႏုိင္သည္။ သုိ႔ျဖစ္ရာ အုပ္စု ေနာက္ဆံုးပြဲတြင္ ယွဥ္ၿပိဳင္ ကစားၾကရသည့္ ျမန္မာႏွင့္ ထုိင္းအသင္းတုိ႔၏ ပြဲမွာ ေနာက္ဆံုးဗုိလ္လုပြဲ ျဖစ္သြားသည္။

ျပႆနာ

ဤမွာတင္ ျပႆနာေပၚသည္။ ျမန္မာႏွင့္ ထုိင္းအသင္းတို႔ ကစားၾကရမည့္ ဗုိလ္လုပြဲတြင္ ဒုိင္လူႀကီး၊ အကူဒုိင္လူႀကီး အျဖစ္ ေဆာင္ရြက္ေပးမည့္ ၾကားႏုိင္ငံမ်ားမွ ဒုိင္မ်ား မရွိျခင္းပင္ ျဖစ္သည္၊ အမွန္ဆုိလွ်င္ ၿပိဳင္ပြဲ၀င္ ႏုိင္ငံမ်ား ျဖစ္ၾက သည့္ ေတာင္ဗိယက္နမ္ႏွင့္ လာအိုတို႔က တာ၀န္ယူ ေပးၾကရမည္ ျဖစ္သည္။ သို႔ေသာ္ ႏွစ္ႏုိင္ငံစလံုးက ဒုိင္အျဖစ္ မလုပ္လို ဟု ျငင္းဆန္ခဲ့ၾကသည္။

သို႔ျဖစ္ရာ ျမန္မာႏွင့္ ထုိင္းကစားမည့္ပြဲကုိ ျမန္မာဒုိင္ႏွင့္ ထုိင္းဒိုင္တုိ႔ကသာ တာ၀န္ယူၾကရသည္။ အေပၚဒုိင္ႏွင့္ ေအာက္ဒုိင္ ေနရာ အတြက္ မဲႏႈိက္ရာ ျမန္မာက ေအာက္ဒုိင္၊ ထုိင္းက အေပၚဒိုင္ အျဖစ္ေဆာင္ရြက္ၾကရသည္။

ကစားသမားခ်င္းက ဘာမွ မျဖစ္ဘဲ အေပၚဒုိင္ႏွင့္ ေအာက္ဒိုင္တို႔ အျငင္းပြားမႈ မ်ားေၾကာင့္ ေဘာ္လီေဘာ ၿပိဳင္ပဲြမွာ ၾကည့္မေကာင္းေအာင္ ျဖစ္ခဲ့ရသည္။ ပထမပြဲငယ္တြင္ ထုိင္းအသင္းက အေပၚဒုိင္၏ ေစာင့္မမႈျဖင့္ ၁၂ မွတ္ ၇ မွတ္ျဖင့္ ဦးေဆာင္ေနခ်ိန္တြင္ ျမန္မာေဘာ္လီေဘာ အသင္းက ထပ္မကစားေတာ့ဘဲ ကြင္းထဲမွ ထြက္လာခဲ့ၾကသည္။ ထုိင္းဒိုင္က ထိုင္းအသင္းကုိ အႏုိင္ေပးလုိက္သည္။ ျမန္မာေဘာ္လီေဘာ အသင္းက ဒုတိယဆုကုိ မယူဘဲ ဆႏၵျပခဲ့ၾက သည္။ ျမန္မာအသင္းအဖြဲ႔ ေခါင္းေဆာင္တဦးက အသင္းကုိယ္စား ဒုတိယ ေငြတံဆိပ္ဆုမ်ား လက္ခံခဲ့ရသည္။

လုပ္ပြဲေတြ

၁၉၆၁ ခုႏွစ္တြင္ ဒုတိယ အႀကိမ္ေျမာက္ အေရွ႕ေတာင္အာရွ ကြ်န္းဆြယ္ၿပိဳင္ပြဲကုိ ျမန္မာႏုိင္ငံ ရန္ကုန္တြင္ ဒီဇင္ဘာလ ၁၁ ရက္မွ ၁၆ ရက္အထိ က်င္းပသည္။

ရန္ကုန္ ကြ်န္းဆြယ္ ၿပိဳင္ပြဲသုိ႔ ႏုိင္ငံစံု ပါ၀င္ ယွဥ္ၿပိဳင္ခဲ့သည္။ အိမ္ရွင္ျမန္မာ အမ်ဳိးသား အားကစားသမား ၁၂၀၊ အမ်ဳိးသမီး အားကစားသမား ၂၇ ေယာက္ အုပ္ခ်ဳပ္/ နည္းျပ/ ဒုိင္လူႀကီး/ စာနယ္ဇင္း အဖြဲ႔၀င္ ၃၀ စုစုေပါင္း ၁၇၇ ေယာက္ျဖင့္ အားကစားနည္း ၁၃ မ်ဳိးစလံုးတြင္ ပါ၀င္ယွဥ္ၿပိဳင္ခဲ့သည္။ ေရႊတံဆိပ္ ၃၅ ၊ ေငြတံဆိပ္ ၂၄၊ ေၾကးတံဆိပ္ ၂၆ ျဖင့္ ႏုိင္ငံအလုိက္ ပထမ ရခဲ့သည္။ သုိ႔ရာတြင္ လက္ေ၀ွ႔ႏွင့္ ေဘာလံုးတို႔တြင္ မ်က္ႏွာပ်က္စရာမ်ား ႀကံဳေတြ႔ခဲ့ၾကရ သည္။

လက္ေ၀ွ႔

ရန္ကုန္ ကြ်န္းဆြယ္ပြဲ၊ လက္ေ၀ွ႔ၿပိဳင္ပြဲမ်ား ဒီဇင္ဘာ ၁၁၊ ၁၃ ႏွင့္ ၁၅ ရက္ေန႔မ်ားတြင္ ျပဳလုပ္ခဲ့သည္။ ထုိင္း၊ ကေမၻာဒီးယားႏွင့္ စင္ကာပူ ႏုိင္ငံတို႔မွ ဒုိင္လူႀကီး တဦးစီ ပါ၀င္ခဲ့ၾကသည္။ သုိ႔ျဖစ္ရာ ပြဲတုိင္းတြင္ ၾကားႏုိင္ငံမွ ဒိုင္လူႀကီး ႏွစ္ဦးကုိ တာ၀န္ခ်ထား ႏုိင္သည္။

ပထမအားျဖင့္ ဖလုိင္း၀ိတ္တန္းတြင္ လွၫႊန္႔ (ျမန္မာ) ႏွင့္ ဆူရာတင္မိရာဆပ္ (ထုိင္း) တို႔ ယွဥ္ၿပိဳင္ရသည္။ ဒုိင္လူႀကီး တာ၀န္ ခ်ထားမႈ တရားမွ်တရန္ ဆုိလွ်င္၊ ထုိင္း ဒိုင္ (၁)၊ ျမန္မာဒုိင္ (၂)၊ ကေမၻာဒီးယားႏွင့္ စင္ကာပူမွ ဒုိင္တဦး စီတာ၀န္ေပးသင့္သည္။ သုိ႔ရာတြင္ ထုိကဲ့သို႔ မဟုတ္ဘဲ ယင္းပြဲတြင္ လူႀကီးမ်ား အျဖစ္ ဗုိလ္မႉးေက်ာ္ထြန္း၊ မစၥတာ မက္မုိင္နားစ္၊ ေဒါက္တာ ေဇာ္ထြန္းႏွင့္ ဦးၾကည္လြင္ (အားလံုးျမန္မာ) ႏွင့္ ထုိင္း အမွတ္ေပးဒုိင္ ဗြန္စီတို႔က ေဆာင္ရြက္ သည္။

လွၫႊန္႔က ၄ မွတ္ ၁ မွတ္ျဖင့္ ႏုိင္သည္။ ျမန္မာ ဒုိင္လူႀကီး ၄ ဦးစလံုးက လွၫႊန္႔ကုိ အႏုိင္ေပးျခင္း ျဖစ္သည္။ ႏုိင္သင့္ ႏိုင္ထုိက္၍ ႏုိင္သည္ ထားဦး အမွတ္ေပး ၅ ေယာက္တြင္ ျမန္မာဒိုင္ ၄ ဦးပါေနျခင္းကေတာ့ လူၾကား မေကာင္းပါ၊ အျမင္မေတာ္ပါ။ ျမန္မာ ၄ ေယာက္၊ အျခားႏုိင္ငံမွ တေယာက္ေပါင္း ၅ ေယာက္ျဖင့္ လက္ေ၀ွ႔ပြဲတုိင္းကုိ အမွတ္ေပး သြားခဲ့သည့္ အတြက္ ဗိုလ္လုပြဲ ေရာက္သည့္ ျမန္မာလက္ေ၀ွ႔သမားတုိင္း ေရႊတံဆိပ္ ရခဲ့ၾကသည္။

ေနာက္ထပ္ လက္ေ၀ွ႔ႏွင့္ ပတ္သက္၍ ေျပာစရာ ရွိသည္မွာ ၿပိဳင္ပြဲ၀င္ ၃ ႏုိင္ငံရွိမွသာ ပြဲက်င္းပရမည္ ဟု စည္းကမ္း ရွိေသာ္လည္း ျမန္မာႏွင့္ တျခား တႏုိင္ငံေပါင္း ႏွစ္ႏုိင္ငံတည္း ၿပိဳင္သည့္ ပြဲ ၂ ပြဲပါေနျခင္း ျဖစ္သည္။

ေဘာလံုး

၁၉၅၉ ထုိင္း ကြ်န္းဆြယ္ေဘာလံုးပြဲတြင္ ၀င္ေရာက္ယွဥ္ၿပိဳင္ခဲ့သည့္ ျမန္မာ လက္ေရြးစင္ ေဘာလံုးသင္းမွာ အမွန္အားျဖင့္ ျမန္မာ့ လက္ေရြးစင္အသင္းမဟုတ္၊ အရပ္သား လက္ေရြးသင္းသာ ျဖစ္သည္။ တပ္မေတာ္ ေဘာလံုး သမားမ်ားထဲက ထြန္းေအာင္ တေယာက္သာ ပါသည္။ ၄ သင္းၿပိဳင္ရာ စတုတၳသာရသည္။

၁၉၆၁ ရန္ကုန္ ကြ်န္းဆြယ္ ေဘာလံုးပြဲတြင္မူ ျမန္မာအသင္းက လူစံု တက္စံုျဖင့္ ဖြဲ႔စည္းထားၿပီး ႏုိင္ငံျခား နည္းျပဆရာ ႐ုရွားလူမ်ဳိး ဘုိဇင္ေကာင္ႏွင့္လည္း ေလ့က်င့္ထားသျဖင့္ ျမန္မာလက္ေရြးစင္ ေဘာလံုးအသင္း ေရႊတံဆိပ္ရႏိုင္သည္ ဟု အမ်ားက ေမွ်ာ္လင့္ထားၾကသည္။

၁၉၆၁ ကြ်န္းဆြယ္ ေဘာလံုးပြဲၿပိဳင္ပြဲတြင္ စင္ကာပူမွလြဲ၍ က်န္ေျခာက္ႏုိင္ငံစလံုးပါ၀င္ယွဥ္ၿပိဳင္ၾကသည္။ ျမန္မာ အသင္းက အုပ္စု (ခ) တြင္ မေလးရွား၊ ကေမၻာဒီးယား အသင္းတို႔ႏွင့္ အတူ ကစားရသည္။ ျမန္မာ အသင္းသည္ အုပ္စုတြင္း ပြဲ၌ ကေမၻာဒီးယားကုိ ၄း၁ ဂိုးျဖင့္ ႏုိင္သည္။ ဗဟာဒူး ၂၊ ေက်ာေဇာ ၁၊ စတိုင္လ္ ၁ သြင္းယူျခင္း ျဖစ္သည္။ မေလးရွားအသင္းကုိ ၁း၂ ဂုိးျဖင့္ ႐ံႈးသည္။ ေက်ာ္ေဇာ (၁)။ အုပ္စု ဒုတိယျဖင့္ အႀကိဳဗုိလ္လုပြဲ တက္သည္။ အႀကိဳ ဗိုလ္လုပြဲတြင္ ၁၉၅၉ ကြ်န္းဆြယ္ ခ်န္ပီယံ ေတာင္ဗီယက္နမ္ အသင္းကုိ ၂း၁ ဂုိးျဖင့္ ႏုိင္သည္။ ဗကဒူး ၁၊ ကုိကုိႀကီး ၁။ ဗုိလ္လုပြဲတြင္ မေလးရွားႏွင့္ ၾကည့္ေတြ႔ သည္။ ၀း၂ ဂုိုးျဖင့္ ႐ႈံးသည္။ ဒုတိယသာရသည္။

အေရးယူ

ကြ်န္းဆြယ္ၿပိဳင္ပြဲ က်င္းပၿပီးစီးေသာ အခါ ကြ်န္းဆြယ္ၿပိဳင္ပြဲ က်င္းပေရး ေကာ္မတီဥကၠ႒ ဗိုလ္မႉးခ်ဳပ္ ေအာင္ႀကီးက တပ္မေတာ္ စစ္႐ံုးခ်ဳပ္ ဒဂုန္ရိပ္သာတြင္ သတင္းစာ ရွင္းလင္းပြဲျပဳလုပ္ၿပီး လက္ေ၀ွ႔ အမွတ္ေပးဒုိင္လူႀကီးတဦးႏွင့္ ဗုိလ္လုပြဲတြင္ ကစားခဲ့သည့္ ေဘာလံုးသမား ငါးေယာက္ကုိ ပြဲပယ္ျပစ္ဒဏ္မ်ား ေပးေၾကာင့္ တရား၀င္ေၾကညာခဲ့ သည္။ ၁၉၆၁ ကြ်န္းဆြယ္ၿပိဳင္ပြဲ၀င္ ျမန္မာလက္ေရြးစင္ ေဘာလံုးအသင္းမွာ နာမည္ ႏွစ္ခါပ်က္ခဲ့ရသည္။

ေျပးခုန္ပစ္

အႀကီးအမား မဟုတ္ေသာ္လည္း အေသးအမႊား ကိစၥမ်ားေၾကာင့္ ေျပးခုန္ပစ္တြင္လည္းေ ရႊတံဆိပ္သံုးဆု ဆံုး႐ံႈးခဲ့ရ သည္။ ျမန္မာ တာတုိ အေျပးခ်န္ပီယံ ဂေရစီးကားမွာ စီကတရေခ် (ထုိင္း) ႏွင့္ ပန္း၀င္ဓာတ္ပံု အဆံုးအျဖတ္ျဖင့္ ဒုတိယသာ ရသည္။ စံခ်ိန္မွာ ၁၂ ဒသမ ၈ စကၠန္႔ျဖစ္ၿပီး၊ ဂေရစီကား၏ စံခ်ိန္မွာ ၁၃ စကၠန္႔ ျဖစ္ေနသည္။ ေျပးခုန္ပစ္ ၿပိဳင္ပြဲမ်ား၏ စည္းကမ္းသတ္မွတ္ခ်က္မွာ ပန္း၀င္ဓာတ္ပံုႏွင့္ အ႐ံႈးအႏုိင္ဆံုးျဖတ္ရ လွ်င္ စံခ်ိန္တူေပးရစၿမဲ ျဖစ္သည္။ ယခုေတာ့ စံခ်ိန္မွာ ဒသမ ၂ စကၠန္႔ကြာေနသည္။ ဤစံခ်ိန္အရဆုိလွ်င္ ပန္း၀င္ ဓာတ္ပံုျဖင့္ ဆံုးျဖတ္စရာမလုိေပ။

အမ်ဳိးသမီး မီတာ ၈၀ တန္းေက်ာ္ ေျပးပြဲတြင္ မေလးရွားမွ လီလီတန္က ပန္း၀င္ဓာတ္ပံုျဖင့္ပင္ ဂေရစီကားကုိ ႏုိင္သြား ျပန္သည္။ စံခ်ိန္က်ေတာ့ ကြာဟေနျပန္သည္။ လီလီတန္က ၁၂ ဒသမ ၃၊ ဂေရစီကားက ၁၂ ဒသမ ၄ ျဖစ္ျပန္သည္။

ထုိစဥ္က သတင္းစာမ်ားကေတာ့ ဂေရစီကား ႏွာအဖ်ားျဖင့္ ႐ံႈးသည္ အစား ရင္တဖ်ားပင္ ႐ံႈးသည္ဟု ေရးသားခဲ့ၾက သည္။

တတိယ ဆံုး႐ံႈးရသည့္ ေရႊတံဆိပ္မွာ အမ်ဳိးသမီး မီတာ ၁၀၀ ေလးေယာက္ လက္ဆင့္ကမ္း ေျပးပြဲတြင္ ျဖစ္သည္။ ျမန္မာ၊ ထုိင္းႏွင့္ မေလးရွား သံုးသင္းသာ ၿပိဳင္သည့္ ပြဲျဖစ္သည္။ ပထမလူ မခင္ၾကည္ႏွင့္ ဒုတိယလူ ေမႏွင္းတုိ႔ႏွင့္ တတိယလူ ေနာ္ရီနာျမတို႔ တုတ္ အေျပာင္းအလဲတြင္ လြတ္က်သြား သျဖင့္ ျပန္ေကာက္ ေနရေသာေၾကာင့္ ၿပိဳင္ဘက္မ်ားက ေက်ာ္တက္သြားၿပီး ဂရစီကားမွာ တတိယေနရာမွ လုိက္ေျပးရၿပီး တတိယေၾကး တံဆိပ္တခုသာ ရခဲ့သည္။

ကြ်န္းဆြယ္နိဂံုး

၁၉၅၉ ခုႏွစ္မွာ စတင္က်င္းပခဲ့တဲ့ အေရွ႕ေတာင္အာရွ ကြ်န္းဆြယ္ အားကစားၿပိဳင္ပြဲမွာ ၁၉၇၅ ခုႏွစ္တြင္ နိဂံုးခ်ဳပ္ခဲ့ သည္။ အေရွ႕ေတာင္အာရွေဒသတြင္ ခုႏွစ္ႏုိင္ငံသာ ရွိသည့္အနက္ ကေမၻာဒီးယား၊ လာအုိႏွင့္ ဗိယက္နမ္ ႏုိင္ငံတို႔က ကြ်န္းဆြယ္ အားကစားအဖြဲ႔ခ်ဳပ္မွ ႏုတ္ထြက္သြားၾကသည္။ ၈ ႀကိမ္ေျမာက္ ကြ်န္းဆြယ္ အားကစားၿပိဳင္ပြဲကုိ ျမန္မာ၊ ထုိင္း၊ မေလးရွားႏွင့္ စင္ကာပူႏုိင္ငံတို႔သာ ယွဥ္ၿပိဳင္ခဲ့ၾကရသည္။ အေရွ႕ေတာင္အာရွ ကြ်န္းဆြယ္ အားကစားၿပိဳင္ပြဲ ထုိင္းႏုိင္ငံ (၁၉၅၉) မွစတင္ခဲ့ၿပီး၊ (၁၉၇၅) ခုႏွစ္တြင္ အဆံုးသတ္ခဲ့သည္။

အေရွ႕ေတာင္အာရွ အားကစားပြဲ (ဆီးဂိမ္း) ကုိ မေလးရွားႏုိင္ငံ ကြာလလယ္ပူၿမိဳ႕တြင္ က်င္းပသည္။ အင္ဒုိနီးရွား၊ ဖိလစ္ပိုင္ႏွင့္ ဘ႐ူႏုိင္း ႏိုင္ငံတုိ႔ ပါ၀င္လာခဲ့ၾကသည္။

ဆီးဂိမ္း အစမွာလည္း အဆင္မေခ်ာခဲ့ပါ။ ေဘာလံုးပြဲတြင္ ျဖစ္သည္။ ျမန္မာလက္ေရြးစင္ ေဘာလံုးအသင္းက အႀကိဳ ဗုိလ္လုပြဲတြင္ အိမ္ရွင္မေလးရွားကုိ ၁း၉ ဂိုးျဖင့္ ႐ံႈးသည္။ ျမန္မာအသင္း အတြက္ ေအးေမာင္ေလးက သြင္းသည္။ တဖက္အႀကိဳ ဗိုလ္လုပြဲတြင္ ထုိင္းႏွင့္ အင္ဒုိနီးရွားတုိ႔ ကစားၾကသည္။ ႐ံႈးသြားေသာ အင္ဒိုနီးရွား အသင္းက တတိယေနရာက မကစားၾကသျဖင့္ ျမန္မာအသင္း တတိယရသည္။

ဆီးဂိမ္းၿပိဳင္ပြဲမွာ ျမန္မာ အားကစားေလာက အတြက္ ျပည့္ဖံုးကား တစတစ ခ်လာသည့္ အားကစားပြဲဟု ဆိုရမည္ ျဖစ္သည္။

သို႔ရာတြင္ အင္ဒုိနီးရွား ႏုိင္ငံတြင္ က်င္းပသည့္ ၁၀ ႀကိမ္ေျမာက္ ဆီးဂိမ္းတြင္မူ ျမန္မာႏုိင္ငံက ေရႊတံဆိပ္ ၂၆ ဆုျဖင့္ တတိယေနရာ ရခဲ့ဖူးသည္။ ဖိလစ္ပိုင္၊ မေလးရွား၊ စင္ကာပူတို႔ အထက္တြင္ ရပ္တည္ခဲ့သည္။ ယင္းမွာ ဆီးဂိမ္းတြင္ ျပည္ပထြက္ ယွဥ္ၿပိဳင္ရာ၌ ဤတႀကိမ္တည္းသာ တတိယေနရာ ရရွိခဲ့ျခင္း ျဖစ္သည္။

ေဘာလံုးအသင္း

ျမန္မာ့လက္ေရြးစင္ ေဘာလံုးအသင္းမွာ ႐ံႈး႐ံုသာမက သိကၡာပါ က်ခဲ့ရသည့္ ပြဲလည္း ရွိခဲ့ဖူးသည္။ ၂၀၀၅ ခုႏွစ္ ဖိလစ္ပိုင္ ႏုိင္ငံတြင္ က်င္းပသည့္ ဆီးဂိမ္း ေဘာလံုးၿပိဳင္ပြဲတြင္ ျဖစ္သည္။ ဗီယက္နမ္အသင္းႏွင့္ ျမန္မာအသင္းတို႔ ကစားရသည္။ ဗီယက္နမ္အသင္းက ျမန္မာအသင္းကုိ ၁း၀ ဂုိးျဖင့္ႏုိင္သည္။ ဗီယက္နမ္ အားကစား အာဏာပုိင္မ်ားက ျမန္မာအသင္းကို ၁ ဂိုးတည္း သြင္းျခင္းသည္ လုပ္ပြဲျဖစ္သည္ ဟုဆုိကာ ဗီယက္နမ္ ေဘာလံုးသမားအခ်ဳိ႕အား ေထာင္ခ်သည္ အထိ အျပစ္ေပးခဲ့သည္။

တကယ့္လုပ္ပြဲမွာ ၂၀၀၉ လာအုိဆီးဂိမ္းတြင္ ျဖစ္သည္။ ျမန္မာအသင္းက အင္ဒိုနီးရွားကုိႏိုင္၊ လာအုိႏွင့္ သေရက်သည္။ စင္ကာပူကို ႐ံႈးသည္။ ပြဲကုန္ၿပီး ၄ မွတ္ရထားသည္။ အင္ဒုိနီးရွားႏွင့္သေရ က်ထားသည့္ အသင္းကလည္း ၄ မွတ္ရထားသည္၊ လာအုိကလည္း အင္ဒိုနီးရွားကုိ ႏုိင္ၿပီး ၄ မွတ္ပင္ ရထားသည္။

လာအုိႏွင့္ စင္ကာပူတို႔ ပြဲတြင္ လာအုိ အသင္း႐ံႈးပါက ျမန္မာအသင္း အႀကိဳဗုိလ္လုပြဲ တက္မည္။

သုိ႔ေသာ္ ႏွစ္သင္းစလံုးက ကြင္းလယ္တြင္ ေခြး႐ူးလုပ္တန္းကစားကာ သေရကစားသြားၿပီး တမွတ္စီခြဲ ယူသြားၾက သည္။ ျမန္မာအသင္း အုပ္စုမွ ထြက္ခဲ့ရသည္။ ဆီးဂိမ္း ေဘာလံုး မသမာမႈကုိ မည္သည့္ အဖြဲ႔အစည္းကမွ အေရးယူျခင္း မရွိခဲ့ပါ။

လာအုိဆီးဂိမ္းမွာပင္ ေျပးခုန္ပစ္ ၿပိဳင္ပြဲတြင္ ျမန္မာ အေျပးသမားတဦးက မီတာ ၅၀၀၀ ေျပးပြဲတြင္ ေရႊတံဆိပ္ ရသည္။ ယင္း အေျပးသမားမွာ ျမန္မာစကား မေျပာတတ္႐ံုသာမက ျမန္မာႏုိင္ငံေတာ္ အလံကိုပင္ အထက္ေအာက္ ေျပာင္းျပန္ ကိုင္ထားသည္ကို ကိုယ္ေတြ႔ ျမင္ရသည့္ ျမန္မာမီဒီယာသမားမ်ားက ေျပာခဲ့ၾကသည္။ သက္ဆုိင္ရာ တာ၀န္ရွိသူမ်ား ကမူ မည္သို႔မွ မွတ္ခ်က္ မေပးခဲ့ၾကပါ။

ေနျပည္ေတာ္

၂၀၁၃ ေနျပည္ေတာ္ ဆီးဂိမ္း အၿပီးတြင္လည္း အိမ္ရွင္ ျမန္မာ အတြက္ မ်က္ႏွာပူစရာ ျဖစ္ခဲ့ရေသးသည္။ ျမန္မာ အားကစားသမား ၂ ဦးေဆးက်၍ ေရႊတံဆိပ္ဆု ျပန္လည္ ႐ုပ္သိမ္းခံခဲ့ရျခင္းပင္ ျဖစ္သည္။

မၾကာမီ စင္ကာပူတြင္ က်င္းပေတာ့မည့္ ၂၈ ႀကိမ္ေျမာက္ ဆီးဂိမ္းၿပိဳင္ပြဲကုိ ၿငိမ္းခ်မ္းေရး အႏွစ္သာရ ျပည့္၀ၿပီး ေကာင္းမြန္ေသာ ဆီးဂိမ္း၊ သန္႔ရွင္းေသာ ဆီးဂိမ္း ျဖစ္ေအာင္ ၀င္ေရာက္ ယွဥ္ၿပိဳင္သည့္ ႏုိင္ငံတုိင္းတြင္ တာ၀န္ ရွိပါသည္။     ။

The post အားကစား `လုပ္ပြဲမ်ား´ ရာဇ၀င္ႏွင့္ စင္ကာပူ ဆီးဂိမ္း appeared first on ဧရာ၀တီ.

ယူ ၂၀ ကမၻာ့ဖလားၿပိဳင္ပြဲ၀င္ ျမန္မာအသင္းရႈံးနိမ့္မႈအေပၚ အျမင္မ်ား

နယူးဇီလန္ႏုိင္ငံက အိမ္ရွင္အျဖစ္ လက္ခံက်င္းပလ်က္ရွိေသာ ၂၀၁၅ ယူ ၂၀ ကမၻာ့ဖလားၿပိဳင္ပြဲသုိ႔ ပထမဦးဆုံး အႀကိမ္ ၀င္ေရာက္ ယွဥ္ၿပိဳင္ခြင့္ရရွိခဲ့တဲ့ ျမန္မာလူငယ္ေဘာလုံးအသင္းသည္ ပြဲဦးထြက္ပြဲစဥ္အျဖစ္ အေမရိကန္ အသင္းႏွင့္ ကစား ခဲ့ရာ ၂ ဂုိး ၁ ဂုိးျဖင့္ ရႈံးနိမ့္ခဲ့ၿပီး ဒုတိယပြဲစဥ္အျဖစ္ ယူကရိန္းအသင္းႏွင့္ ယွဥ္ၿပိဳင္ကစားရာတြင္ လည္း ၆ ဂုိး ၊ ဂုိးမရွိျဖင့္ ရႈံး နိမ့္ ခဲ့ရသည္။ ျမန္မာလူငယ္ေဘာလုံးအသင္း ရႈံးပြဲမ်ား ဆက္တုိက္ႀကဳံေတြ႕ရမႈႏွင့္ ပတ္သက္ၿပီး ျပည္တြင္းမွ ေဘာလုံး အားကစား ကၽြမ္းက်င္သူမ်ားကို ဧရာ၀တီသတင္းေထာက္ ထြန္းထြန္းက ေတြ႕ဆုံေမးျမန္းထားပါသည္။

ဦးခင္ေမာင္လတ္

ဥကၠ႒၊ KBZ FC

က်ေနာ္အသင္းကယွဥ္ကစားႏိုင္တယ္ဆိုေပမယ့္ ေရရွည္မွာေတာ့ ကြာလာမွာပဲ၊ ခႏာကိုယ္ အရပ္ အေမာင္း ခ်င္း က ကြာျခားပါတယ္။ ေနာက္သူတို႔က ကမၻာ့အဆင့္ေတြအသင္းေတြျဖစ္တယ္။ သူတို႔နဲ႔ယွဥ္ၿပိဳင္ရတာ ျဖစ္ တ့ဲ အတြက္ ဒီလိုရလဒ္ေတြကို ေမွ်ာ္လင့္ထားပါတယ္။ က်ေနာ္တို႔အေနနဲ႔ သူတို႔ဆီက နည္းစနစ္ေတြကို အတု ယူရ မယ္။ နည္းျပႀကီးရဲ႕ နည္းစနစ္ေတြနဲ႔ပတ္သက္လို႔ေတာ့ ေျပာစရာမရိွပါဘူး။ အေတာ္ေလး ယွဥ္ ကစား သြားႏိုင္တာလည္း ေတ႔ြရပါတယ္။ ပထမဆံုး၀င္ၿပိဳင္ရတာျဖစ္တ့ဲအတြက္ နဂိုကတည္းကလည္း က်ေနာ္ တို႔ အမ်ားႀကီး ေမွ်ာ္လင့္ မထားပါဘူး။ မ်က္ကန္းမ်ိဳးခ်စ္ေတြလို ငါ့အသင္းပဲႏိုင္ရ မယ္ဆိုတာမ်ိဳးဆိုရင္ နဂိုထဲက သြားမၿပိဳင္နဲ႔ေပါ့၊ ဒါပဲရိွပါတယ္။

ဦးေက်ာ္လင္းေထြး

အေထြေထြမန္ေနဂ်ာ၊ ရန္ကုန္ယူႏိုက္တက္ေဘာလံုးအသင္း

က်ေနာ္တို႔အသင္း ရည္မွန္းခ်က္နည္းနည္းႀကီးသလိုျဖစ္သြားတယ္။ အႏိုင္လိုခ်င္စိတ္နဲ႔ဖြင့္ကစားလိုက္တ့ဲအခါ မွာ က်ေနာ္တို႔ခံလိုက္ရတာပဲ။ တဦးခ်င္းကၽြမ္းက်င္မႈေတြ ကစားပံုေတြအားလံုးေကာင္းပါတယ္။ အရပ္အေမာင္း ကြာ ေပမယ့္ သက္လံုပိုင္းမွာလဲ က်ေနာ္တို႔အသင္းက ကေလးေတြ တပြဲလံုးကစားသြားႏိုင္ပါတယ္။ က်ေနာ္တို႔ တိုက္စစ္ဆင္ခ်ိန္မွာ ေကာင္းေကာင္းလိုက္ကစားေပးမယ့္သူေတြ မရိွခ့ဲဘူး။ကစားကြက္အေျပာင္းအလဲေတြ မလုပ္ႏိုင္ခ့ဲဘူး။ အရန္အင္အား လည္း အရမ္းနည္းပါတယ္။ အခုပါသြားတ့ဲအထဲမွာ ေကာင္းေကာင္းကစားႏိုင္တာ ၁၄ ေယာက္ ေလာက္ပဲရိွတယ္။ က်န္တာေတြက အိမ္ျဖည့္သေဘာေလာက္ပဲ။ ေနာက္ပိုင္းဒီလိုၿပိဳင္ပြဲႀကီးေတြ ၀င္ ေရာက္ယွဥ္ၿပိဳင္ႏိုင္ဖို႔အတြက္ လူငယ္ အကယ္ဒမီေတြ အမ်ားႀကီးလုပ္ဖို႔လိုပါတယ္။ အခုကေအာင္ျမင္မႈ ကို ျဖတ္ လမ္းကလိုက္သလိုျဖစ္ေန တယ္။ သူတို႔ အေနနဲ႔ေတာ့ ျမန္မာဆိုတာကို ေနရာေလးတခုဖန္တီး ေပးႏိုင္ခ့ဲ တ့ဲ အတြက္ သူတို႔ရဲ႕ႀကိဳးစားမႈေတြကို ဂုဏ္ျပဳပါတယ္။

ဦးေအးေမာင္ႀကီး

ျမန္မာ့ေဘာလုံးအသင္းလက္ေရြးစင္ေဟာင္း

ဒီေန႔ပြဲအရံႈးက ၆ဂိုးဆိုတာႀကီးကေတာ့ မ်ားပါတယ္။ကစားတာခ်င္း သိပ္မကြာေပမယ့္ က်ေနာ္တို႔ရဲ႕ အားနည္း ခ်က္ ေတြ ကို ယူကရိန္းအသင္းက အသံုးခ်သြားႏိုင္တာပါပဲ။ သူတို႔က လူေရာ၊အားေရာ တင္ကစားလာတ့ဲ အခ်ိန္ မွာ က်ေနာ္တို႔ ကေလး ေတြမရေတာ့ဘူး။ ဒီကနည္းျပႀကီးကလည္း အေတြ႔အႀကံဳရိွတ့ဲနည္းျပပဲေလ၊ ကိုယ့္ အသင္း ရဲ႕အားနည္းခ်က္ ေတြကို ကိုယ္ျပန္ျပီးေ၀ဖန္ဆန္းစစ္မႈေတြ လုပ္ရင္ပိုေကာင္းပါတယ္။ ရံႈးပြဲေတြနဲ႔ ပတ္သက္ လို႔ ျပန္စဥ္းစားၾကဖို႔လိုပါတယ္။ က်ေနာ္တို႔အေနနဲ႔ကေတာ့ အခုလိုၿပိဳင္ပြဲႀကီးေတြ ၀င္ေရာက္ယွဥ္ၿပိဳင္ ခြင့္ ရတ့ဲအတြက္ အေတြ႔အႀကံဳ ေတြ အမ်ားႀကီး ရပါတယ္။ ဒီကပဲ က်ေနာ္တိို႔ရဲ႕ အားနည္းခ်က္ေတြကို ျပင္ဆင္ သြား ရမယ္။ ဒါဆိုရင္ေတာ့ က်ေနာ္ျမန္မာ့ေဘာလံုး အနာဂတ္ မွာ အခုထက္ပိုေကာင္းလာမွာပါ။

ဦးခင္ေမာင္ေထြး (ပ်ဥ္းမနား)

အားကစားကေလာင္ရွင္

ဒီေန႔ပြဲရလဒ္ကေတာ့ ေတာ္ေတာ္စိတ္ပ်က္စရာပါပဲ၊ဘယ္သူမွလဲ လက္ခံခ်င္မွာမဟုတ္ပါဘူး၊ပထမပိုင္းနဲ႔ၿပီးခါ နီးေတြမွာ ေျခရည္တူယွဥ္ကစားႏိုင္ေပမယ့္ ဒုတိယပိုင္းအစမွာ ဘယ္လိုျဖစ္သြားလည္း မသိေတာ့ပါဘူးဗ်ာ။ ကစားသြားတာလည္း ေကာင္းရဲ႕သားနဲ႔။ ပထမရံႈးပြဲကေတာ့ ရံႈးသင့္လို႔ရံႈးတာပဲ၊ သြင္းဂိုးေတြကလည္း မွ်မွ်တတပဲ၊ ယူကရိန္းကိုေတာ့ ကစားရ ခက္မယ္ ဆိုတာ သိေပမယ့္ ၆ဂိုးဆိုတာကေတာ့ အရမ္းမ်ားပါတယ္။ က်ေနာ္အျမင္ကေတာ့ အလယ္ကစားသမားေတြ စုဖြဲ႔မႈ မေကာင္းလို႔ဗ်။

ဂိုးေပးလိုက္ရတာေတြမွာ ဂိုးသမားနဲ႔ေနာက္တမ္းေတြပဲ ရင္ဆိုင္ေနရတာေတြ႕ရတယ္။ ေနာက္ၿပီး လူေကာင္ခ်င္းကြာျခား တ့ဲအတြက္ သူတို႔ယွဥ္လုဖို႔ ယွဥ္ေျပးဖို႔ မရဘူး။ က်ေနာ္တို႔ကေလးေတြက ေသးေသး ညွပ္ညွပ္ ေလး ေတြ။ ႀကံ့ခိုင္ေရး ပိုင္းနဲ႔ပတ္သက္လို႔ တႏိုင္ငံလံုးအတိုင္းအတာနဲ႔ ေျပာရမွာပဲ။ ဘယ္ႏိုင္ငံနဲ႔ယွဥ္ယွဥ္ အားနည္းတာပဲ။ ေဘာလံုး သမား ေလးေတြမွ မဟုတ္ဘူး အားကစားနည္းအားလံုးမွာ ႀကံဳေတြ႔ေနရတာပဲ။ ႀကီးလာမွလုပ္လို႔ကေတာ့ သိပ္ မလြယ္ဘူး။ ငယ္ငယ္ ကတည္းက အာဟာရပိုင္းေကာ ေနထိုင္စားေသာက္မႈ စနစ္တက်နဲ႔ ေလ့က်င့္လုပ္ေဆာင္ၾကရမွာ။ ကိုယ္ခႏၶာ ႀကံ့ခိုင္မႈ အတြက္က ကစားေတြကိုယ္တိုင္လုပ္ၾကရမွာ၊ ႏိုက္ကလပ္သြား ကပြဲသြားတ့ဲ ပံုစံေတြနဲ႔ေတာ့ မရဘူးဗ်။

ကိုယ့္အေၾကာင္းကိုယ္သိၾကေပါ့ဗ်ာ။ လူႀကီးေတြကလည္း အေျခအေနေတြကို သိရမယ္၊ ကေလးေတြဘာျဖစ္ေနလဲ ဘာေတြ လုပ္ေပးရမလဲဆိုတာေပါ့။ ပြဲနီးမွလူ ၁၁ေယာက္ေရြးၿပီးသြားၿပိဳင္တာမ်ိဳးကေတာ့ ဘယ္ေတာ့မွ ေအာင္ျမင္မႈက ရႏိုင္မွာ မဟုတ္ဘူး။ U-20ကေလးေတြနဲ႔ ပတ္သက္လို႔ ျပည္တြင္းက ေျမွာက္စားတာလည္း မ်ားသြားတာပါတာေပါ့၊ က်ေနာ္တို႔လည္းအပါပဲေပါ့၊ က်ေနာ္တို႔ကေလးေတြက အေျမွာက္မခံဘူးဗ်။ ဖိတာလည္း မခံဘူး၊ ေတာ္ေတာ္ ေပါင္းရ သင္းရ ခက္တာ၊ ဘယ္လိုပဲျဖစ္ျဖစ္ နယူးဇီလန္နဲ႔ပြဲကိုေတာ့ ၾကည့္ရဦးမယ္။ အေကာင္းဆံုး တတိယ ေနရာေလးနဲ႔မ်ား ေနာက္တဆင့္ တက္မလားေပါ့။

The post ယူ ၂၀ ကမၻာ့ဖလားၿပိဳင္ပြဲ၀င္ ျမန္မာအသင္းရႈံးနိမ့္မႈအေပၚ အျမင္မ်ား appeared first on ဧရာ၀တီ.

အင္ဒိုနီးရွားႏွင့္ ယွဥ္ၿပိဳင္ကစားေနသည့္ ျမန္မာ ယူ-၂၃ အသင္းကို ေတြ႕ရစဥ္ (ဓာတ္ပုံ – soccermyanmar.com)

စင္ကာပူႏုိင္ငံတြင္ က်င္းပေနသည့္ ၂၈ ႀကိမ္ေျမာက္ အေရွ႕ေတာင္အာရွ ဆီးဂိမ္းေဘာလံုးၿပိဳင္ပြဲတြင္ ျမန္မာ ယူ – ၂၃ ေဘာလံုး အသင္းက အင္ဒိုနီးရွား အသင္းအား ဂိုးျပတ္အႏိုင္ယူၿပီး ၂၇ ႀကိမ္ေျမာက္ ဆီးဂိမ္းရံႈးေႂကြးကို ျပန္ဆပ္ လိုက္သည္။

ဆီဂိမ္းၿပိဳင္ပြဲ အုပ္စု ပထမပြဲစဥ္အျဖစ္ ဇြန္လ ၂ ရက္က ယွဥ္ၿပိဳင္ကစားခ့ဲရာတြင္ ျမန္မာအသင္းက ၄ ဂိုး-၂ ဂိုး ျဖင့္ အင္ဒိုနီးရွားအသင္း ကို အႏိုင္ယူ၍ ပြဲဦးထြက္ အမွတ္ျပည့္ ရယူႏိုင္ခ့ဲသည္။

ျမန္မာႏိုင္ငံက အိမ္ရွင္အျဖစ္ လက္ခံက်င္းပခ့ဲသည့္ ၂၇ ႀကိမ္ေျမာက္ ဆီးဂိမ္းေဘာလံုးၿပိဳင္ပြဲ အုပ္စု ေနာက္ဆံုး ပြဲစဥ္တြင္ ျမန္မာ အသင္းက အင္ဒိုနီးရွားအသင္းကို ရံႈးႏွိမ့္ၿပီး ၿပိဳင္ပြဲမွ ထြက္ခြာခ့ဲရသည္။

ယူ -၂၃ အသင္းနည္ျပခ်ဳပ္ ဦးၾကည္လြင္က“က်ေနာ္တို႔ ဒီေန႔ႏိုင္ပြဲက ပရိသတ္ေတြရဲ႕ အားေပးမႈေၾကာင့္ ရာႏႈန္းျပည့္ ပါ၀င္ပါတယ္”ဟု ပြဲၿပီးသတင္းစာရွင္းလင္းပြဲတြင္ ေျပာၾကားခ့ဲသည္။

ျမန္မာအသင္းက အင္ဒိုနီးရွားအသင္းကို ေျခစြမ္းအသာျဖင့္ ဦးေဆာင္ ကစားခဲ့ၿပီး ပထမပိုင္းတြင္ ရိႈင္းသူရႏွင့္ စည္သူေအာင္တို႔၏ သြင္းဂိုးမ်ား၊ ဒုတိယပိုင္တြင္း စည္သူေအာင္ႏွင့္ ေက်ာ္ဇင္လြင္တို႔၏ အႏိုင္ဂိုးမ်ားျဖင့္ ဂိုးျပတ္ အႏိုင္ရရွိခဲ့ျခင္း ျဖစ္သည္။

ျမန္မာ့ လက္ေရြးစင္ အားကစားသမားေဟာင္း ဦးမ်ိဳးလိႈင္၀င္းက “အင္ဒိုက က်ေနာ့္လက္ထက္ကတည္းက ကစားရခက္တ့ဲ အသင္း ပါ။ မႏိုင္တာလဲ ၾကာၿပီ၊ အခု ေျခစြမ္းေရာ ဂိုးေရာ အသာနဲ႔ အႏိုင္ယူလိုက္တာ ေက်နပ္စရာပါပဲ”ဟု ဧရာ၀တီသို႔ ေျပာသည္။

အုပ္စု ဒုတိယပြဲစဥ္အျဖစ္ အိမ္ရွင္ စင္ကာပူ အသင္းႏွင့္ ဇြန္ ၄ ရက္တြင္ ကစားရမည္ျဖစ္ၿပီး ျမန္မာအသင္း အေနျဖင့္ ထပ္မံ အႏိုင္ ယူ ေက်ာ္ျဖတ္ႏိုင္လိမ့္မည္ဟု ေမွ်ာ္လင့္ထားေၾကာင္းလည္း ဦးမ်ိဳးလိႈင္၀င္းက ဆိုသည္။

ဆီးဂိမ္းၿပိဳင္ပြဲတြင္ ျမန္မာအသင္းသည္ အုပ္စု(က)တြင္ အိမ္ရွင္ စင္ကာပူ၊ အင္ဒိုနီးရွား၊ ကေမၻာဒီးယား၊ ဖိလစ္ပိုင္ အသင္းတို႔ႏွင့္ တအုပ္စုတည္း က်ေရာက္ေနၿပီး အုပ္စု တတိယပြဲစဥ္အျဖစ္ ကေမၻာဒီးယားႏွင့္ လည္းေကာင္း၊ အုပ္စုေနာက္ဆံုးပြဲစဥ္အျဖစ္ ဖိလစ္ ပိုင္ႏွင့္လည္းေကာင္း ယွဥ္ၿပိဳင္ရမည္ ျဖစ္သည္။

အိမ္ရွင္စင္ကာပူႏွင့္ ပြဲစဥ္တြင္ ျမန္မာပရိသတ္မ်ား အေနျဖင့္ လက္မွတ္ခြဲတမ္း တေထာင္ခန္႔သာ ရရိွမည္ျဖစ္ေၾကာင္း၊ အင္ဒိုနီးရွားႏွင့္ ပြဲစဥ္တြင္ ပရိသတ္ ၃၀၀၀ ခန္႔ လာေရာက္ အားေပးခ့ဲေၾကာင္း သိရသည္။

The post ျမန္မာက အင္ဒိုကို ဂိုးျပတ္ျဖင့္ ရံႈးေႂကြးဆပ္ appeared first on ဧရာ၀တီ.

လက္ရွိက်င္းပေနေသာ စကၤာပူ ဆီးဂိမ္းတြင္ အင္ဒိုနီးရွားကို အႏိုင္ဂိုးသြင္းအျပီး ျမန္မာအသင္း

ကမၻာ့ယူ ၂၀ ေဘာလံုးၿပိဳင္ပြဲတြင္ ၀င္ေရာက္ယွဥ္ၿပိဳင္လ်က္ရွိသည့္ ျမန္မာ့ယူ ၂၀ ေဘာလံုးအသင္းမွာ အုပ္စုတြင္း အမွတ္ေပးၿပိဳင္ပြဲသံုးပြဲ ကစားရာ အေမရိကန္အသင္းအား ၁း၂ ဂိုး၊ ယူကရိန္းအသင္းအား ၁း၆ ဂုိး၊ နယူးဇီလန္အသင္းကိုလည္း ၁း၅ ဂုိးျဖင့္ ႐ံႈးနိမ့္ၿပီး ၿပိဳင္ပြဲမွ ထြက္ခဲ့ရသည္။ ျမန္မာယူ ၂၀ လူငယ္ ေဘာလံုးအသင္းမွာ ၃ ပြဲစလံုးတြင္ ပထမ ၄၅ မိနစ္တြင္ သံုးသင္းစလံုးကုိ ေျခရည္တူ ကစားႏုိင္ခဲ့သည္။ အေမရိကန္ႏွင့္ နယူးဇီလန္အသင္းမ်ားကုိ ဂိုးပင္ စတင္သြငး္ႏုိင္ခဲ့သည္။ ဒုတိယပုိင္း ၄၅ မိနစ္က်မွ ေျခက်သြားကာ ႐ံႈးဂုိးမ်ား ဆက္တုိက္ေပးလုိက္ရသည္။

ျမန္မာယူ ၂၀ ေဘာလံုးအသင္းအေၾကာင္း မေဆြးေႏြးခင္ ကမၻာ့ေဘာလံုးအဖြဲ႕ခ်ဳပ္က လူငယ္ေဘာလံုးၿပိဳင္ပြဲမ်ား မည္ကဲ့သုိ႔ စတင္ခဲ့သည္ကုိ တင္ျပလုိပါသည္။

အဆင္ျမင့္ ကမၻာ့ဖလားေဘာလံုးပြဲမ်ားတြင္ ယခင္က အာရွႏွင့္ အာဖရိက ႏုိင္ငံမ်ား လက္ေရြးစင္ ေဘာလံုးအသင္းမ်ား ၀င္ေရာက္ယွဥ္ၿပိဳင္ရန္ ခက္ခဲသျဖင့္ FIFA ဥကၠ႒ တဦးျဖစ္သူ ဂ်ဳိးဟာယာဗီလန္(ခ်)က သက္တမ္းအလုိက္ ေဘာလံုးၿပိဳင္ပြဲမ်ား က်င္းပေပးရန္ စီစဥ္ခဲ့ျခင္း ျဖစ္သည္။

ယထမဆံုး ကမၻာ့လူငယ္ ေဘာလံုးၿပိဳင္ပြဲအမည္ျဖင့္ လူငယ္ေဘာလံုးပြဲ စတင္က်င္းပသည္။ ၁၉၇၇ ခုႏွစ္တြင္ တူနီးရွားႏုိင္ငံတြင္ စတင္က်င္းပခဲ့သည္။ အိမ္ရွင္တူနီးရွား အပါအ၀င္ ႏုိင္ငံေပါင္း ၁၆ ႏုိင္ငံမွ လူငယ္အသင္း မ်ား ပါ၀င္ယွဥ္ၿပိဳင္ခဲ့သည္။

ဆုိဗီယက္ျပည္ေထာင္စုက ဥ႐ုေဂြးအသင္းတို႔ ပထမအႀကိဳဗုိလ္လုပြဲ ပြဲခ်ိန္ျပည့္ ဂုိးမရွိသေရက်သည္။ ပင္နယ္တီဂိုးျဖင့္ အ႐ံႈးအႏုိင္ ဆံုးျဖတ္ရာတြင္ ဆုိဗီယက္ျပည္ေထာင္စုအသင္း ၄း၃ ျဖင့္ ႏုိင္ၿပီး ဗုိလ္လုပြဲ တတ္သည္။ မက္ဆီကုိႏွင့္ ဘရာဇီးအသင္းတို႔ ပြဲခ်ိန္အတြင္း တဂုိးစီ သေရက်သည္။ မက္ဆီကုိ အသင္းက ပင္နယ္တီ ဂုိး ၅း၄ ဂုိးျဖင့္ ႏုိင္ၿပီး ဗုိလ္လုပြဲတတ္သည္။

၁၉၇၇ ခုႏွစ္ ဇူလုိင္လ ၁၀ ရက္ေန႔တြင္ ကစားသည့္ ဗုိလ္လုပြဲတြင္လည္း ပြဲခ်ိန္အတြင္း ၂ ဂုိးစီသေရက်ေနသျဖင့္ ပင္နယ္တီဂုိးျဖင့္ပင္ ဆံုးျဖတ္ရာ ဆုိဗီယက္ျပည္ေထာင္စုအသင္းက ၉း၈ ဂိုးျဖင့္ ႏုိင္သည္။ ပထမဆံုးအႀကိမ္ က်င္းပသည့္ ကမၻာ့လူငယ္ဖလား ေဘာလံုးၿပိဳင္ပြဲ ခ်န္ပီယံျဖစ္သည္။

တတိယေနရာလုပြဲတြင္ ဘရာဇီးႏွင့္ ဥ႐ုေဂြး ၄ ဂုိးစီသေရက်ေနသျဖင့္ ပူးတြဲတတိယဆုရသည္။ ပထမဆံုး အႀကိမ္ က်င္းပသည့္ ကမၻာ့လူငယ္ဖလား “WORLD YOUTH CUP” ဗုိလ္လုပြဲသုိ႔ ပရိသတ္ ၅၀၀၀ သာ ၾကည့္႐ႈၾကသည္။

ယူ ၁၇ ပြဲ

ကမၻာ့လူငယ္ဖလား ေဘာလံုးၿပိဳင္ပြဲက်င္းပၿပီး ၇ ႏွစ္အရွိတြင္ ကမၻာ့ယူ ၁၇ တံခြန္စိုက္ေဘာလံုးၿပိဳင္ပြဲ က်င္းပ သည္။ ၁၉၈၅ ခုႏွစ္ ဇူလိုင္ ၂၈ မွ ၾသဂုတ္လ ၁၁ ရက္အထိ တ႐ုတ္ျပည္သူ႔သမၼတႏုိင္ငံ ဘီဂ်င္းၿမိဳ႕တြင္ က်င္းပသည္။ ဗိုလ္လုပြဲတြင္ ႏိုင္ဂ်ီးရီးယားက အေနာက္ဂ်ာမနီကို ၂း၁ ဂုိးျဖင့္ ႏိုင္ၿပီး ပထမဆံုး ကမၻာ့ယူ ၁၇ ေဘာလံုး ခ်န္ပီယံျဖစ္သည္။

ယူ ၂၀

ျမန္မာယူ ၂၀ အသင္းပါ၀င္ယွဥ္ၿပိဳင္ခဲ့သည့္ ကမၻာ့ယူ ၂၀ ဖလား တံခြန္စုိက္ၿပိဳင္ပြဲမွာ မူလကမၻာ့လူငယ္ဖလား ေဘာလံုးၿပိဳင္ပြဲအမည္ေျပာင္း၍ ၂၀၀၇ ခုႏွစ္ကမွ စတင္က်င္းပခဲ့သည္။

ယူ ၂၀ ကမၻာ့ဖလား ေဘာလံုးပြဲလက္ရွိ ခ်န္ပီယံအသင္းမွာ ျပင္သစ္ ယူ ၂၀ အသင္းျဖစ္သည္ သုိ႔ေသာ္ ၂၀၁၅ ၿပိဳင္ပြဲတြင္မူ ဥေရာပဇုန္မွ ေျခစစ္ပြဲမေအာင္သျဖင့္ လက္ရွိကစားေနသည့္ ၂၀၁၅ ကမၻာ့ယူ ၂၀ ဖလားေဘာလံုး ပြဲတြင္ ပါ၀င္ယွဥ္ၿပိဳင္ျခင္း မရွိပါ။

အာရွယူ ၁၉

အာရွေဘာလံုးအဖြဲ႕ခ်ဳပ္ (AFC) က ႀကီးမွဴးက်င္းပသည့္ လူငယ္ေဘာလံုးၿပိဳင္ပြဲမွာ FIFA က ႀကီးမွဴးက်င္းပသည့္ လူငယ္ေဘာလံုးၿပိဳင္ပြဲထက္ ၁၈ ႏွစ္ တိတိ ေစာသည္။

၁၉၅၉ ခုႏွစ္တြင္ မေလးရွားႏိုင္ငံ ၀န္ႀကီးခ်ဳပ္ မစၥတာ ဘန္ကူအဗၺဒူလ္ရာမန္ဇာ အႀကံေပးခ်က္အရ အာရွလူငယ္ ေဘာလံုးၿပိဳင္ပြဲကုိ ပထမဆံုးအႀကိမ္အျဖစ္ မေလးရွားႏုိင္ငံက အိမ္ရွင္အျဖစ္ လက္ခံက်င္းပခဲ့သည္။

အာရွတုိက္မွ လူငယ္ေဘာလံုးအသင္း ၁၆ သင္း ပါ၀င္ယွဥ္ၿပိဳင္ခဲ့ၾကသည္။ ၿပိဳင္ပြဲကုိ ၁၉၅၉ ခုႏွစ္မွ ၁၉၇၈ ခုႏွစ္အထိ ႏွစ္စဥ္က်င္းပခဲ့သည္။ ၁၉၈၀ ျပည့္ႏွစ္မွစကာ ၂ ႏွစ္တႀကိမ္က် က်င္းပခဲ့သည္။ လက္ရွိတြင္ အာရွေဘာလံုးအဖြဲ႕ခ်ဳပ္၏ အျခားေသာ ေဘာလံုးပြဲမ်ားကဲ့သုိ႔ပင္ အဆင့္ႏွစ္ဆင့္ျဖင့္ က်င္းပလ်က္ရွိသည္။

ပထမအဆင့္မွာ ၿပိဳင္ပြဲအသင္းမ်ား စစ္ပြဲျဖစ္သည္။ ဒုတိယအဆင့္မွာ ေျခစစ္ေအာင္ အသင္းမ်ား၏ ေနာက္ဆံုး ဗုိလ္လုပြဲ ပြဲစဥ္မ်ားျဖစ္သည္။

ျမန္မာႏွင့္ အာရွလူငယ္

ျမန္မာလူငယ္ လက္ေရြးစင္ေဘာလံုးအသင္းသည္ အာရွလူငယ္ ေဘာလံုးၿပိဳင္ပြဲ စတင္က်င္းပသည့္ ၁၉၅၉ ခုႏွစ္ ကတည္းက စတင္ယွဥ္ၿပိဳင္ခဲ့သည္။

ပထမဆံုးအႀကိမ္ၿပိဳင္ပြဲတြင္ အသင္းအခ်င္းခ်င္း ေျခစစ္ပြဲကစားေစၿပီး ႏိုင္သင္းမ်ားကုိ ေရႊဖလား အုပ္စု၊ ႐ံႈးသင္းမ်ားကုိ ေငြဖလားအုပ္စုဟု အဆင့္ခြဲျခားသတ္မွတ္သည္။

ျမန္မာ့လူငယ္အသင္းသည္ ေဟာင္ေကာင္အသင္းကို ၀း၁ ဂုိးျဖင့္ ႐ံႈးၿပီး၊ ေငြဖလားအုပ္စုတြင္ကစားရသည္။ ထုိင္း၊ စင္ကာပူ၊ ဖိလစ္ပိုင္၊ သီဟုိ (သီရိလကၤာ) အသင္းတုိ႔ႏွင့္ အတူကစားရသည္။ ထုိင္းအသင္းႏွင့္ ရမွတ္ျခင္းတူေသာ္လည္း ဂုိးကြာဟခ်က္ျဖင့္ ဒုတိယအဆင့္ၿပိဳင္ပြဲတြင္ ဒုတိယသာရရွိခဲ့ သည္။

၁၉၆၁ ျပည့္ႏွစ္ ၿပိဳင္ပြဲကုိ မေလးရွားႏုိင္ငံမွာပင္ က်င္းပသည္။ ျမန္မာလူငယ္အသင္း ေအာင္ျမင္မႈ မရရွိခဲ့ပါ။ ျမန္မာလူငယ္ေဘာလံုးအသင္း ေအာင္ျမင္သည့္ႏွစ္မွာ ၁၉၆၁ ခုႏွစ္တြင္ ျဖစ္သည္။ တတိယအႀကိမ္ေျမာက္ အာရွလူငယ္ေဘာလံုးပြဲကုိ ထုိင္းႏုိင္ငံ ဘန္ေကာက္ၿမိဳ႕တြင္ က်င္းပသည္။ ျမန္မာႏွင့္ အင္ဒုိနီးရွားအသင္းတုိ႔ ဂုိး မရွိသေရက်ၿပီး ပူးတြဲပထမရသည္။

ထုိင္းႏုိင္ငံမွာပင္ က်င္းပသည့္ အာရွလူငယ္ေဘာလံုးပြဲ ၆၂ တြင္မူ ျမန္မာလူငယ္အသင္း ေအာင္ျမင္မႈမရခဲ့ပါ။ ၆၃ အာရွလူငယ္ေဘာလံုးၿပိဳင္ပြဲကုိ မေလးက (မေလးရွား) ႏုိင္ငံမွာပင္ က်င္းပသည္။ ေနာက္ဆံုး ဗိုလ္လုပြဲတြင္ ျမန္မာႏွင့္ ေတာင္ကိုရီးယားအသင္း ၂ ဂုိးစီသေရက်ၿပီး ပူးတြဲ ပထမရသည္။ ၁၉၆၄ ေတာင္ဗီယက္ အာရွလူငယ္ေဘာလံုးပြဲေနာက္ဆံုး ဗိုလ္လုပြဲတြင္ ျမန္မာႏွင့္ အစၥေရး ဂုိးမရွိသေရက်ၿပီး ပူးတြဲပထမရသည္။

ဂ်ပန္ႏုိင္ငံ တုိက်ဳိၿမိဳ႕တြင္ ျပဳလုပ္သည့္ ၁၉၆၅ လူငယ္ေဘာလံုးၿပိဳင္ပြဲတြင္ ျမန္မာအသင္းဗိုလ္လုပြဲတတ္သည္ အစၥေရး အသင္းကို ၀း၅ ဂုိးျဖင့္ ႐ံႈးၿပီး ေငြတံဆိပ္္သာရသည္။ ၁၉၆၆ ခုႏွစ္ ဖိလစ္ပုိင္၌ က်င္းပသည့္ အာရွလူငယ္ေဘာလံုးၿပိဳင္ပြဲတြင္ ျမန္မာႏွင့္ အစၥေရးတုိ႔ပင္ ဗိုလ္လုၾကရသည္။ တဂိုးစီသေရက်သည္။ ပူးတြဲခ်န္ပီယံျဖစ္သည္။ ၁၉၆၇ အာရွလူငယ္ေဘာလံုးၿပိဳင္ပြဲကုိ ထိုင္းႏိုင္ငံတြင္ က်င္းပသည့္ အစၥေရးအသင္းက အင္ဒုိနီးရွားအသင္းကို ၃း၀ ဂုိးျဖင့္ ႏုိင္သည္။ ပထမရသည္။ ျမန္မာအသင္းက စင္ကာပူအသင္းကုိ ၄း၀ ဂုိးျဖင့္ ႏိုင္ၿပီး တတိယရသည္။

ေတာင္ကိုရီးယားႏုိင္ငံတြင္ ၁၉၆၈ ခုႏွစ္တြင္ က်င္းပသည့္ အာရွလူငယ္ေဘာလံုးၿပိဳင္ပြဲ ဗိုလ္လုပြဲတြင္ ျမန္မာလူငယ္အသင္းက မေလးရွားလူငယ္အသင္းကုိ ၄း၀ ဂုိးျဖင့္ ႏုိင္သည္။ ေရႊတံဆိပ္ရသည္။ ေတာင္ ကိုးရီးယားႏွင့္အစၥေရးတုိ႔က ပူးတြဲတတိယရသည္။ ထုိင္းႏုိင္ငံတြင္ ၁၉၆၉ ခုႏွစ္တြင္က်င္းပသည့္ ပြဲတြင္ ျမန္မာႏွင့္ ထိုင္းတုိ႔က ၂ ဂုိးစီသေရက်ၿပီး ပူးတြဲပထမရသည္။

၁၉၇၀ ျပည့္ႏွစ္ ဖိလစ္ပုိင္ပြဲတြင္ ျမန္မာက အင္ဒိုနီးရွားအသင္းကုိ ၃း၀ ဂုိးျဖင့္ ႏုိင္သည္။ ပထမရသည္။ ၁၉၇၁ ဂ်ပန္ပြဲတြင္မူ ျမန္မာလူငယ္ အသင္းသည္ ဂ်ပန္လူငယ္အသင္းကုိ ၂း၁ ဂုိးျဖင့္ ႏုိင္ၿပီး တတိယရသည္။ ၇၁ ခုႏွစ္သည္ ျမန္မာအသင္း အတြက္ ေနာက္ဆံုးႏွစ္ပင္ျဖစ္သည္။ ႏွစ္ေပါင္း ၄၄ ၾကာမွ ျမန္မာလူငယ္အသင္း အာရွေဘာလံုးဇာတ္ခံုေပၚသုိ႔ ျပန္တတ္ႏုိင္သည္။

၂၀၁၄ ခုႏွစ္တြင္ ျမန္မာႏုိင္ငံတြင္ က်င္းပသည့္ အာရွယူ ၁၉ တံခြန္စုိက္ၿပိဳင္ပြဲမ်ား၌ အုိမင္ႏွင့္ သေရ၊ ထုိင္းအသင္းကို ၃း၀ ဂုိးျဖင့္ႏုိင္သည္။ အီရန္ကုိ ၀း၂ ဂုိးျဖင့္ ႐ံႈးသည္။ ကြာတားဖုိင္နယ္၌ ယူေယးတီး အသင္းကုိ ၁း၀ ဂုိးျဖင့္ ႏုိင္သည္။ အႀကိဳဗိုလ္လုပြဲတြင္ ကာတာအသင္းကို ၂း၃ ဂုိးျဖင့္ ႐ံႈးသည္။ ဥဇဘက္ကစၥတန္ အသင္းႏွင့္ အထူးပူးတြဲတတိယရသည္။ ၂၀၁၅ ကမၻာ့ဖလား ယူ ၂၀ ေဘာလံုးပြဲတြင္ အာရွတုိက္ ကိုယ္စားျပဳ၍ ယွဥ္ၿပိဳင္ခြင့္ရသည္။

ပြဲဦးထြက္ အေမရိကန္အသင္းကုိ ၁း၂ ဂုိးျဖင့္ ႐ံႈးသည္။ ပြဲဦးထြက္ ကစားသည့္ေျခစြမ္းအရ တစံုတရာ အတုိင္းအတာအထိ ေအာင္ျမင္မႈရမည္ဟု ေမွ်ာ္မွန္ထားၾကေသာ္လည္း ယူကရိန္းကုိ ၀း၆ ဂုိး၊ နယူးဇီလန္ကုိ ၁း၅ ဂုိးျဖင့္ ႐ံႈးနိမ့္မႈမ်ားက အမ်ား၏ ေမွ်ာ္လင့္ထားမႈမ်ားကုိ ပ်က္ျပားေစခဲ့သည္။ သို႔ရာတြင္ ကမၻာ့အဆင့္သုိ႔ ပထမဆံုး၀င္ေရာက္ကစားခြင့္ရျခင္းကပင္လ်င္ ျမန္မာေဘာလံုးေလာက၏ ေအာင္ျမင္မႈ လမ္းစေပၚၿပီဟု ဆုိရမည္ျဖစ္သည္။

ျမန္မာယူ ၂၃

၁၉၇၇ ခုႏွစ္တြင္ စတင္ခဲ့သည့္ အေရွ႕ေတာင္အာရွ အားကစားပြဲေတာ္ ေဘာလံုးၿပိဳင္ပြဲ၀င္ ျမန္မာ့လက္ေရြးစင္ ေဘာလံုးအသင္းမ်ားသည္ တႀကိမ္တခါမွ ေရႊတံဆိပ္မရၾကဘူးေသးပါ။ လက္ရွိစင္ကာပူ ဆီးဂိမ္း(စ) တြင္ မူ အင္ဒုိနီးရွားအသင္းကုိ ၄း၂ ၊ အိမ္ရွင္စင္ကာပူအသင္းကို ၂း၁ ဂုိးျဖင့္ အႏုိင္ရထားသည္။ လက္ရွိေျခစြမ္းအရ ဗိုလ္လုပြဲေရာက္ႏုိင္သည္။ ဆီးဂိမ္း(စ) ေဘာလံုး ေရႊတံဆိပ္ ရ မရ ဗီယက္နမ္ အႀကိဳဗုိလ္လုပြဲရလဒ္တို႔က အေျဖေပးသြားမည္ဟု ထင္သည္။

The post ျမန္မာ လူငယ္ေဘာလံုးအသင္း လာရာလမ္း appeared first on ဧရာ၀တီ.

စင္ကာပူတြင္ ေအာင္ပြဲခံေနေသာ ျမန္မာပရိသတ္မ်ား

စင္ကာပူႏုိင္ငံတြင္ က်င္းပေနသည့္ ၂၈ ႀကိမ္ေျမာက္ အာဆီယံ ဆီးဂိမ္းအားကစားၿပိဳင္ပြဲတြင္ ျမန္မာေဘာလုံးအသင္းသည္ ဆီမီးဖုိင္နယ္တြင္ ဗီယက္နမ္ေဘာလုံးအသင္းႏွင့္ ယွဥ္ၿပိဳင္ကစားခဲ့ၿပီး ၂ ဂုိး ၁ ဂုိးျဖင့္ အႏုိင္ရရွိခဲ့ကာ ဗိုလ္လုပြဲ တက္ေရာက္ သြားခဲ့ၿပီျဖစ္သည္။ ဗိုလ္လုပြဲ တက္ေရာက္သြားၿပီျဖစ္ေသာ ျမန္မာေဘာလုံးအသင္းအတြက္ ဂုဏ္ျပဳ စကားသံမ်ားကုိ ဧရာ၀တီ သတင္းေထာက္ ထြန္းထြန္းက ေမးျမန္းထားပါသည္။

ဦးခင္ေမာင္ေထြး (ပ်ဥ္းမနား)
အားကစားကေလာင္ရွင္

ဒီေန႔ပြဲႏိုင္တာ ေကာင္းတယ္၊ကံတရားကလည္း ပါတာေပါ့၊ က်ေနာ္တို႔အသင္းက ဂိုးသမားေလးအရမ္းေကာင္း ခ့ဲလို႔ ႏိုင္တာ ျဖစ္တယ္၊ ခံစစ္ပိတ္ကစားဖို႔ျပင္ဆင္ခ့ဲေပမယ့္ မၿပီျပင္ဘူး၊ေနာက္မွာ ေနရာေတြထပ္ေနတယ္၊ ေဘာ လံုးက ထြက္ရမယ့္ေနရာေတြမွာ မထြက္ဘူး၊ ဒါကစိုးရိမ္စရာပါ၊ ေနာက္ပြဲအတြက္ဆို ဒီထက္ပိုႀကိဳးစားရလိမ့္မယ္္၊ ဒီေန႔ႏိုင္ပြဲ အတြက္ ပရိတ္သတ္အားလံုးေပ်ာ္ၾကတ့ဲအထဲ ျပည္တြင္းက ပရိတ္သတ္ေတြေပ်ာ္ရတာကို ပို၀မ္းသာ တယ္။

ရန္ကုန္မွာလည္း တီဗီဘုတ္ေတြေထာင္ၿပီး ျပၾကတယ္၊ ဒါေတြက အျမတ္ပဲ။ ေနာက္တခုက ပြဲၿပီးခါနီး အ၀ါကတ္ေတြ အျပခံ ရတာနဲ႔ပတ္သက္လို႔လည္း က်ေနာ္အသင္းပဲလုပ္တာမဟုတ္ပါဘူး၊ အသင္းတိုင္းလုပ္ၾကတာပါပဲ၊ ဒါေပမယ့္ က်ေနာ္တို႔က နည္းနည္း ပိုမ်ားသြားတာပါ။ ဒါဟာ တဖက္အသင္းကို စိတ္ဓာတ္စစ္ဆင္ေရးေတာ့ ရတာေပါ့၊ သိပ္မ်ားသြားရင္ေတာ့ မေကာင္း ဘူး၊ အ၀ါေတြ အရမ္းမ်ားတာက စိုးရိမ္ စရာေကာင္းပါတယ္၊ ဒါကို တာ၀န္ရိွသူေတြက ေသခ်ာေျပာျပဖို႔လိုတယ္။ က်ေနာ္တို႔ ကေလးေတြမွာလဲ စိုးရိမ္စိတ္မ်ားေနတ့ဲပံုစံျဖစ္ေနတယ္။ အ့ဲအတြက္ သူတို႔ကိုလည္း အျပစ္တင္ လို႔မရ ဘူး။

သူတို႔ကအခုမွ ႏိုင္ငံတကာၿပိဳင္ပြဲ ကစားေနရတာပါ။ ဒီအဆင့္အထိ လုပ္ႏိုင္တာကိုပဲ သူတို႔ကို ေက်းဇူး တင္ပါတယ္။ ဗိုလ္လုပြဲမွာ ဗိုလ္စြဲဖို႔ဆိုရင္ေတာ့ ဒီထက္ပိုႀကိဳးစားရလိမ့္မယ္။ ပရိတ္သတ္ေတြေၾကာင့္လည္း ႏိုင္ေခ် မ်ား ပါတယ္။က်ေနာ့အေနနဲ႔ေတာ့ ႏိုင္မယ္လို႔ေသခ်ာေပါက္ မေျပာရဲပါဘူး။ က်ေနာ္တို႔ ျမန္မာႏိုင္ငံအေနနဲ႔လည္း လက္ေရြးစင္ ၃ သင္းစလံုး ႏိုင္ငံတကာၿပိဳင္ပြဲေတြမွာ တၿပိဳင္တည္း ၀င္ၿပိဳင္ႏိုင္ဖို႔ မလုပ္ႏိုင္ေသးပါဘူး။ ဒီၾကားထဲကပဲ ယူ-၂၃ အသင္း က ဆီးဂိမ္း မွာ ဒီေလာက္လုပ္ႏိုင္လာတာကိုပဲ ေက်းဇူးတင္ပါတယ္။

ဦးဆန္း၀င္း
မန္ေနဂ်ာ၊ ခ်င္းယူႏိုက္တက္အသင္း

ဘာပဲေျပာေျပာ ကေလးေတြႀကိဳးစားကစားခ့ဲၾကတယ္၊ အ့ဲလိုႀကိဳးစားမႈနဲ႔မႈအတူ ကံတရားကလည္း ကိုယ့္ဘက္ ပါလာတာပါပဲ။ သူတို႔ေတြ ပြဲၿပီးသည္အထိ ႏိုင္လိုစိတ္ျပင္းတ့ဲအတြက္ အႏိုင္ရရိွခ့ဲတာပဲ။ ဗီယက္နမ္ ဆိုတာကလည္း အာဆီယံမွာအင္အားႀကီးအသင္းတသင္းပဲေလ။ သူတို႔ကသာမွန္းသိလို႔ ဖြင့္အစားလာတ့ဲ အခါ ဒီလိုပဲခံစစ္ကေန ပိတ္ၿပီးတုံ႔ျပန္ကစားရတာပါပဲ။ အ့ဲလိုကစားတ့ဲေနရာမွာ အမွားေလးေတြလည္း ျဖစ္တတ္ပါတယ္။ ဗိုလ္လုပြဲမွာ က်ေနာ္ အသင္း ဗိုလ္စြဲဖို႔အတြက္ဆိုရင္ ဒီထက္ပိုႀကိဳးစားၾကရပါမယ္။ တဖက္က ထိုင္းတက္လာမယ္ဆိုရင္ သူက ဗီယက္နမ္လို မဟုတ္ဘူး။ အၿငိမ္ေဆာ့တ့ဲအသင္းပဲ။ က်ေနာ္တို႔အေနနဲ႔ အခုလိုပဲ ႏိုင္လိုစိတ္ျပင္းျပင္းနဲ႔ ႀကိဳးစားကစာၾကမယ္ဆိုရင္ အႏိုင္ရရိွမွာပါ။ ဒီေန႔ႏိုင္ပြဲအတြက္ေတာ့့ က်ေနာ္ေပ်ာ္ေနပါတယ္။

ဦး၀င္းသူမိုး
နည္းစနစ္ ဒါရုိက္တာ၊ ရန္ကုန္ယူႏုိက္တက္အသင္း

က်ေနာ္တို႔အသင္း ကစားပံုမွန္ကန္ခ့ဲတယ္၊ ဗီယက္နမ္က အသင္းေကာင္းတသင္းျဖစ္တ့ဲအတြက္ ခံစစ္ပိုင္းကို ျပင္ဆင္ၿပီး ကစားသြားတာ ေကာင္းပါတယ္။ ဂိုးသမားလည္း အရမ္းေကာင္းခ့ဲပါတယ္။ ဒါေပမယ့္ ခံစစ္ကေန တိုက္စစ္ကို ေကာင္တာ ကစားတ့ဲေနရာမွာေတာ့ ေသခ်ာမလုပ္ႏိုင္ခ့ဲၾကဘူး။ ဒီေန႔ႏိုင္ပြဲအတြက္ အဓိကက်တ့ဲ အခ်က္ကေတာ့ စကၤာပူက ပရိ္သတ္ ေတြနဲ႔ တႏိုင္ငံလံုးက ပရိတ္သတ္ေတြပဲ။ သူတို႔ေၾကာင့္ပဲ အုပ္စုအဆင့္ပြဲေတြမွာ အႏိုင္ရခ့ဲတယ္လို႔ ေျပာလို႔ရပါတယ္။ ဒါေတြက ကစားသမားေတြအတြက္ ေစ့ေဆာ္မႈေတြပါ။ ကေလးေတြရဲ႕ စိတ္ဓာတ္ပိုင္းမွာလည္း ေကာင္းမြန္ၿပီး ေနာက္ဆံုး အထိ မဆုတ္မနစ္ကစားသြားၾကတာ ေတြ႔ရတယ္။ တဖက္မွာက ထိုင္းကတက္လာႏိုင္ေခ်မ်ားေနတယ္။ ထိုင္းသာ တက္လာခ့ဲရင္ သူတို႔က ကစားသမားအားသာတယ္၊ ဒါေပမယ့္လည္း ေဘာလံုးမွာ ဘာမဆိုုျဖစ္သြား ႏိုင္ပါတယ္။ ကံၾကမၼာကေတာ့ က်ေနာ္တို႔အလွည့္ေပးလာေတာ့မယ္ ေမွ်ာ္လင့္ပါတယ္။ ကစားသမားေလးေတြရဲ႕ မဆုတ္မနစ္ ကစားတတ္တ့ဲ စိတ္ဓာတ္ေၾကာင့္ ဗိုလ္လုပြဲမွာလည္း အႏိုင္ရမယ္လို႔ ေမွ်ာ္လင့့္ထားပါတယ္။

ဦးခင္ေမာင္လတ္
ဥကၠ႒၊ KBZ FC

ဒီေန႔ပြဲမွာ ဗီယက္နမ္အသင္းက ကစားတာသြားတာ သာပါတယ္၊ က်ေနာ္တို႔က နည္းဗ်ဴဟာပိုင္းမွာ သာသြားတာပါ။ ဒီပြဲမွာ အဓိကက်ခ့ဲတာက ဂိုးသမားပါ။ သူက ေသခ်ာေပါက္ဂိုးႏိုင္တ့ဲ ၅ႀကိမ္ေလာက္ကို ကာကြယ္သြားႏိုင္တာပါ။ တခုပဲ မေကာင္း လိုက္တာက ပြဲၿပီးခါနီးမွာ အခ်ိန္ဆြဲလို႔ အ၀ါကတ္ေတြအျပခံလုိက္ရ တာပါ။ ေနာက္ပြဲေတြအတြက္ မေကာင္းပါဘူး။ က်ေနာ္ အေနနဲ႔လည္း ဒါမ်ိဳးကိုမႀကိဳက္ဘူး။ အခ်ိန္ဆြဲခ်င္ရင္ တျခားနည္းေတြနဲ႔ အခ်ိန္ဆြဲလို႔ရပါတယ္။ အခ်ိန္ပိုေလး မိနစ္ေလာက္မွာ သံုး၀ါေလာက္အျပခံလိုက္ရတာ မျဖစ္သင့္ေတာ့ပါဘူး။ ဒီလိုအက်င့္ေတြဟာ ျမန္မာေနရွင္နယ္လိဂ္ (MNL)မွာ လည္း ျဖစ္ေနတာေတြရိွပါတယ္။ ေနာက္ၿပီး က်ေနာ္တို႔အသင္းမွာက ပထမကစားသမားနဲ႔ အရန္ ကစား သမားေတြရဲ႕အရည္အေသြး ကြာျခားမႈရိွတ့ဲ အတြက္ ဒီအ၀ါကတ္ျပခံရတာေတြ ေနာက္ပြဲပါသြားမွာ စိုးရိမ္ပါတယ္။ ဗိုလ္လုပြဲ မွာေတာ့ တဖက္က အင္ဒိုနီးရွား အသင္းတက္လာရင္ေတာ့ အႏိုင္က က်ေနာ္တို႔လက္ထဲမွာ ၉၀ ရာခိုင္ႏႈန္း ေလာက္ရိွပါတယ္။ ဒီအဆင့္ေတြေရာက္လာၿပီဆိုရင္ မန္ေနဂ်ာေတြရဲ႕ အားၿပိဳင္တ့ဲအဆင့္ျဖစ္လာပါၿပီ။ ဒီေန႔လို နည္းဗ်ဴဟာ အတိုင္း က်ေနာ္တို႔ေကာင္းေကာင္းကစားႏိုင္ရင္ေတာ့ ဗိုလ္စြဲႏိုင္ေခ်မ်ားပါတယ္။ က်ေနာ္အေနနဲ႔လည္း ဗိုလ္စြဲဖို႔ကို ဆုေတာင္းေနပါတယ္။

ဦးမ်ိဳးလိႈင္၀င္း
ျမန္မာေဘာလုံးလက္ေရြးစင္ကစားသမားေဟာင္း

က်ေနာ္တို႔ကေလးေတြ တပြဲထက္တပြဲ ေကာင္းေကာင္းကစားလာႏိုင္ပါတယ္။ ဒါေပမယ့္ ဒီေန႔ႏိုင္ပြဲမွာေတာ့ ကံတရား ရဲ႕ေဖးမမႈလည္း ပါခ့ဲပါတယ္။ နည္းျပကစားခိုင္းတ့ဲ နည္းဗ်ဴဟာအတိုင္း သူတို႔ေတြေကာင္းေကာင္း ကစာႏိုင္ခ့ဲတယ္လို႔ ေျပာရမွာပါ။ ကိုယ့္ထက္အင္အားႀကီးတ့ဲ ဗီယက္နမ္အသင္းကို တပြဲလံုး မာမာထန္ထန္နဲ႔ ခံစစ္ကေနကစားသြားၿပီး အႏိုင္ ရရိွခ့ဲတာပါ။ သူတို႔ရဲ႕ ႏိုင္လိုစိတ္နဲ႔ ပြဲတပြဲကို အာရံုစူးစိုက္မႈအျပည့္နဲ႔ ကစားေနတ့ဲ အတြက္ ဒီႏွစ္ဆီးဂိမ္းၿပိဳင္ပြဲမွာ ပရိသတ္ အားလံုးရဲ႕ ေမွ်ာ္လင့္ခ်က္ျဖစ္တ့ဲ ေရႊတံဆိပ္ကို ရယူႏိုင္မွာပါ။ ခုလိုဗိုလ္လုပြဲအထိေရာက္ေအာင္ ႀကိဳးစားကစားေပးခ့ဲၾကတ့ဲ ယူ-၂၃ အသင္းအတြက္လည္း ဂုဏ္ယူပါတယ္။

ကိုသိဒၵိေအာင္
လက္ေ၀ွ႔အားကစားသမားေဟာင္း

က်ေနာ္တို႔ျမန္မာအသင္း ဒီေန႔အႏိုင္ရခ့ဲတ့ဲအတြက္ အရမ္းေကာင္းပါတယ္။ က်ေနာ္တို႔အသင္း ကစားတာနိမ့္ေပမယ့္ တပြဲလံုး ေကာင္းေကာင္း ကစားသြားႏိုင္လို႔ အႏိုင္ရရိွတာလို႔ အႏိုင္ရခ့ဲတာလို႔ပဲ ေျပာရမယ္။ ဒါေပမယ့္ ပြဲၿပီးခါနီးမွာ အခ်ိန္ဆြဲ တ့ဲပံုစံမ်ိဳးေတြကိုေတာ့ အားမေပးပါဘူး။ ဒီလိုမ်ိဳးက ကမၻာ့အဆင့္ ကစားသမားေတြေတာင္ လုပ္ေနၾက တာပဲဆိုေပမယ့္ ၾကည့္ေကာင္းေအာင္လုပ္ဖို႔ေတာ့လိုပါတယ္။ ဒီေန႔ပြဲမွာ နည္းနည္းမ်ားသြားတယ္ေတာ့ခင္တယ္၊ ဒါဟာႏိုင္ငံ တႏိုင္အေနနဲ႔ေရာ ရွက္စရာေကာင္းပါတယ္။ဒီလိုမ်ိဳးေတြ မလုပ္ေစခ်င္ပါဘူး။ ေနာက္ၿပီးဗိုလ္လုပြဲမွာလဲ ဘယ္အသင္းပဲ တက္လာလာ ခက္ခက္ခဲခဲကစားရမွာပါ။ ထိုင္းတက္လာရင္ေတာ့ ပိုခက္မွာပါ။ ဗိုလ္စြဲမစြဲတာ ႏုိင္တာ မႏိုင္တာကို ထားဦး။ က်ေနာ္တို႔ျမန္မာအသင္း ဒီေန႔ကစားသြားတ့ဲပံုအတိုင္းပဲ အေကာင္းဆုံး ယွဥ္ၿပိဳင္သြားႏိုင္ဖို႔ေမွ်ာ္လင့္ပါတယ္။ ျမန္မာတေယာက္အေနနဲ႔ေတာ့ ဗိုလ္စြဲခ်င္ပါတယ္။

The post ဗုိလ္လုပြဲ တက္ေရာက္ သြားသည့္ ျမန္မာ အသင္းအတြက္ ဂုဏ္ျပဳစကားသံမ်ား appeared first on ဧရာ၀တီ.

(၀ဲမွယာ) ဂုိးသမား ေက်ာ္ဇင္ၿဖိဳး၊ အလယ္တန္း ကစားသမား စည္သူေအာင္တုိ႔ကို ေငြတံဆိပ္ရယူသည့္ အခမ္းအနားတြင္ အျခား အသင္းသားမ်ားႏွင့္အတူ ေတြ႕ရစဥ္ (ဓာတ္ပုံ – MFF)

စင္ကာပူႏုိင္ငံမွာ က်င္းပခဲ့တဲ့ ၂၈ ႀကိမ္ေျမာက္ အေရွ႕ေတာင္အာရွ အားကစားၿပိဳင္ပြဲ၊ ေဘာလုံးအားကစား ၿပိဳင္ ပြဲ မွာ ယူ-၂၃ ျမန္မာေဘာလုံးလက္ေရြးစင္အသင္းက ဗိုလ္လုပြဲအထိ တက္ေရာက္ႏုိင္ခဲ့ပါတယ္။ ဗိုလ္လုပြဲမွာ ထုိင္း အသင္းကုိ ၃ ဂုိး၊ ဂုိးမရွိနဲ႔ ရႈံးနိမ္ခဲ့ၿပီး ဒုတိယေငြတံဆိပ္ဆုနဲ႔သာ ေက်နပ္ခဲ့ရေပမယ့္ ဆီးဂိမ္းကာလ တ ေလွ်ာက္ လုံးမွာ ေျခစြမ္းျပ ကစား ခဲ့ၾကတဲ့ ေဘာလုံးေငြၾကယ္ပြင့္ေတြလည္း ေပၚထြက္လာခ့ဲပါတယ္။

ဂုိးသမား ေက်ာ္ဇင္ၿဖိဳး

ဇြန္လ ၁၃ ရက္ေန႔ ကစားခဲ့တဲ့ အႀကိဳဗိုလ္လုပြဲစဥ္မွာ ျမန္မာေဘာလုံးအသင္းက ဗီယက္နမ္အသင္းနဲ႔ ယွဥ္ၿပိဳင္ ကစားခဲ့ၿပီး ၂ ဂုိး ၁ ဂုိးနဲ႔ အႏုိင္ရရွိခဲ့ပါတယ္။ ဒါေပမယ့္လည္း ဗီယက္နမ္အသင္းက ဂုိးသြင္းခြင့္ ၅ ႀကိမ္ ထက္ မနည္း ရရွိခဲ့ၿပီး အဲဒီပြဲမွာ ျမန္မာဂုိးသမား ေက်ာ္ဇင္ၿဖိဳးက အေသအလဲ ခုခံကာကြယ္ႏိုင္ခဲ့တာေၾကာင့္ ျမန္မာ အသင္း အႏုိင္ရရွိခဲ့ၿပီး ဗိုလ္လုပြဲ တက္ႏုိင္ခဲ့ပါတယ္။

အလားတူ ဇြန္လ ၁၅ ရက္ေန႔ ဗိုလ္လုပြဲစဥ္အျဖစ္ ထုိင္း အသင္းနဲ႔ ျမန္မာအသင္းကစားခဲ့ၿပီး ထုိင္းအသင္းက ျမန္မာအသင္းထက္ ေဘာလုံးစြမ္းရည္ ၊ တဦးခ်င္း စြမ္းရည္ သာလြန္ေနခဲ့ပါတယ္။ ဗိုလ္လုပြဲစဥ္မွာ ျမန္မာ အသင္း ဂုိးပုိင္နက္ထဲကုိ ထုိင္းအသင္းက အပုိင္ဂုိးသြင္းမႈေတြ အႀကိမ္ ႀကိမ္ တုိက္စစ္ဆင္ႏုိင္ခဲ့ေပမယ့္ ျမန္မာ ဂုိးသမား ေက်ာ္ဇင္ၿဖိဳးရဲ႕ ကာကြယ္ႏုိင္မႈေၾကာင့္ အပုိင္ဂုိးေတြ ထုိင္းအသင္း မရလုိက္ႏုိင္ပါဘူး။ ဗိုလ္လုပြဲစဥ္ရဲ႕ ပထမပုိင္း အထိ ထုိင္းအသင္းက ျမန္မာဘက္ကို ဂုိးမသြင္းႏုိင္ခဲ့ ပါဘူး။

ဗိုလ္လုပြဲစဥ္ရဲ႕ ဒုတိယပုိင္းမွာလည္း ထုိင္းအသင္းက ၃ ဂုိး သြင္းခဲ့ေပမယ့္လည္း ဂုိးသမားေက်ာ္ဇင္ၿဖိဳးသာ လက္စြမ္းမျပႏုိင္ခဲ့ရင္ ထုိင္းအသင္းက ျမန္မာအသင္းကို အနည္းဆုံး ၇ ဂုိးေလာက္နဲ႔ ႏုိင္မယ့္ပုံပါပဲ။ ဆီးဂိမ္း ပြဲစဥ္တေလွ်ာက္ လက္စြမ္းျပခဲ့တဲ့ ဂုိးသမားက ပထမဦးစားေပး ဂိုးသမား ေက်ာ္ဇင္ၿဖိဳးကေတာ့ ျမန္မာ ေနရွင္နယ္လိဂ္မွာပါ၀င္ကစားေနတဲ့ မေကြးယူႏိုက္တက္အသင္းရဲ႕ ငယ္ေမြးျခံေပါက္ ကစားသမားတစ္ဦးပဲ ျဖစ္ပါတယ္။

ေက်ာ္ဇင္ၿဖိဳး၏ ဇာတိမွာ ပဲခူးတိုင္းေဒသႀကီး ေရႊေတာင္ၿမိဳ႕ျဖစ္ၿပီး ဖခင္ ဦးေက်ာ္လွ။မိခင္ ေဒၚမိမိခိုင္ တို႔က ၁၉၉၄ခုႏွစ္ ေဖေဖာ္၀ါရီလ ၁ရက္ေန႔မွာ ေမြးဖြားခ့ဲတာ ျဖစ္ပါတယ္။ ဖခင္ျဖစ္သူမွာ ရဲ၀န္ထမ္း တဦးျဖစ္ခ့ဲတ့ဲ အတြက္ ငယ္စဥ္က ေရႊေတာင္ၿမိဳ႕နယ္ ရဲစခန္း၀င္းအတြင္းမွာပဲ ေနထိုင္ခ့ဲတာျဖစ္ပါတယ္။

ေနာက္ပိုင္းမွာေတာ့ ရန္ကုန္အားကစားသိပံၸေက်ာင္းသို႔ တက္ေရာက္ခ့ဲၿပီး ၂၀၁၀ခုႏွစ္တြင္ မေကြးယူႏိုက္တက္ အသင္း က စာခ်ဳပ္ခ်ဳပ္ဆို ေခၚယူခ့ဲျခင္းျဖစ္ပါတယ္။သူ႔အေနနဲ႔ အသက္အရြယ္အလိုက္ ျမန္မာ့လက္ေရြးစင္ အသင္း အျဖစ္ ယူ-၁၈အသင္း၊လက္ေရြးစင္အသင္းႀကီးေတြမွာ ေရြးခ်ယ္ခံခ့ဲရၿပီး ၂၀၁၄ခုႏွစ္မွာက်င္းပတ့ဲ ဘရူးႏိုင္း ဖိတ္ေခၚဖလားၿပိဳင္ပြဲမွာ ၀င္ေရာက္ယွဥ္ခ့ဲပါတယ္။

ေက်ာ္ဇင္ၿဖိဳးဟာ အိမ္ေထာင္ဘက္ျဖစ္တ့ဲ မစုစုငယ္နဲ႔ဲ ၂၀၁၂ခုႏွစ္၊ဒီဇင္ဘာလ ၁၂ရက္ေန႔မွာ လက္ထပ္ခဲ့ၿပီး သမီးတဦးဖခင္လည္းျဖစ္ပါတယ္။ ေက်ာ္ဇင္ၿဖိဳးမွာ ေမြးခ်င္း၅ေယာက္ရိွၿပီး အမ ၂ေယာက္၊အကို ၁ေယာက္နဲ႔ ညီ၁ေယာက္ရွိပါတယ္။

လက္ရိွမွာ ရန္ကုန္တိုင္းေဒသႀကီး။ ေျမာက္ဒဂံုၿမိဳ႕နယ္၊ ေက်ာင္းလမ္းတြင္ ေနထိုင္လ်က္ရိွၿပီး မၾကာခင္ မေကြးယူႏိုက္တက္အသင္းကုိ ေျပာင္းေရႊ႕ဖို႔ အစီအစဥ္ရွိတယ္လို႔ သိရပါတယ္။

ဂုိးသြင္း အမ်ားဆုံးဆုရွင္ စည္သူေအာင္

ဆီးဂိမ္းကာလတေလွ်ာက္လုံး ဂုိးအမ်ားဆုံး ဆုရွင္အျဖစ္ ျမန္မာ ယူ ၂၃ အသင္းမွ စည္သူေအာင္က ထုိင္း အသင္း မွ Chananan Pombuppha၊ ဗီယက္နမ္အသင္းမွ Vo Huy Toan နဲ႔အတူ ပူးတြဲ ရပ္တည္ ႏုိင္ခဲ့ပါ တယ္။ စည္သူေအာင္အေနနဲ႔ ဆီးဂိမ္းၿပိဳင္ပြဲအတြင္းမွာ အင္ဒိုနီးရွားအသင္းကို ၂ဂိုး၊ ဖိလစ္ပိုင္အသင္းကို ၁ဂိုး၊ ကေမၻာဒီးယား အသင္းကို ၁ဂိုး၊ ဗီယက္နမ္အသင္းကို ၁ဂိုး စုစုေပါင္း သြင္းဂိုး ၅ဂိုးသြင္းယူခ့ဲကာ ၿပိဳင္ပြဲတြင္ ဂိုးသြင္း အမ်ားဆံုး ကစားသမားတဦးျဖစ္လာခဲ့တာပါ။

စည္သူေအာင္ကေတာ့ ျမန္မာေနရွင္နယ္လိဂ္ကလပ္ ရတနာပံုယူႏိုက္တက္အသင္းရဲ႕ ကစား သမား တဦးပဲ ျဖစ္ပါတယ္။ စည္သူေအာင္ကို ၁၉၉၆ခုႏွစ္ ေအာက္တိုဘာလ ၁၆ရက္ေန႔ အဖ ဦးျမင့္စိုး၊ အမိ ေဒၚျမင့္ၾကည့္ တို႔က ေမြးဖြားခ့ဲတာျဖစ္ၿပီး တဦးတည္းေသာ သားျဖစ္ပါတယ္။ မိဘမ်ားကေတာ့ ပရိေဘာဂလုပ္ငန္း လုပ္ကိုင္ ၾကပါတယ္။

ရန္ကုန္ယူႏိုက္တက္အသင္းရဲ႕ လူငယ္ကစားသမားေဟာင္းတဦးျဖစ္တ့ဲ စည္သူေအာင္ဟာ ၂၀၁၄ခုႏွစ္ ျမန္မာေနရွင္နယ္လိဂ္ေဘာလံုးၿပိဳင္ပြဲ ဒုတိယရာသီ၀က္မွာ ရတနာပံုကိုအသင္းကို ေျပာင္းေရြ႕ခ့ဲတာျဖစ္ပါတယ္။

ျမန္မာယူ-၁၉ လက္ေရြးစင္အျဖစ္ ၂၀၁၃ခုႏွစ္က အင္ဒိုနီးရွားႏိုင္ငံမွာ က်င္းပခ့ဲတ့ဲ AFF ေဘာလံုးၿပိဳင္ပြဲကို ယွဥ္ ၿပိဳင္ ကစားခ့ဲၿပီး ၂၀၁၄ခုႏွစ္ ဖိလစ္ပိုင္ႏိုင္ငံက အိမ္ရွင္အျဖစ္လက္ခံက်င္းပခ့ဲတ့ဲ AFF Peace Cup ေဘာလံုး ၿပိဳင္ပြဲကိုလည္း ျမန္မာ့လက္ေရြးစင္အျဖစ္ ယွဥ္ၿပိဳင္ကစားထားခ့ဲပါတယ္။

စည္သူေအာင္အေနနဲ႔ ရန္ကုန္ယူႏိုက္တက္အသင္းကစားအျဖစ္လည္း AFC ေဘာလံုးၿပိဳင္ပြဲကို ၂၀၁၂၊ ၂၀၁၃၊ ၂၀၁၄ ခုႏွစ္တို႔တြင္ ၀င္ေရာက္ယွဥ္ၿပိဳင္ကစားခ့ဲၿပီး ၂၀၁၅ခုႏွစ္ AFC ၿပိဳင္ပြဲကိုေတာ့ ရတနာပံုအသင္း ကစား တဦး အျဖစ္ ယွဥ္ၿပိဳင္ကစားခ့ဲပါတယ္။

The post စင္ကာပူ ဆီးဂိမ္းမွ ထြက္ေပၚလာေသာ ေဘာလုံးေငြၾကယ္ပြင့္မ်ား appeared first on ဧရာ၀တီ.

ေရႊတံဆိပ္ဆုရ အားကစားသမားမ်ား ပံုတူေၾကး႐ုပ္ ျပဳလုပ္ေနေသာ ဦးေက်ာ္ေက်ာ္မင္း(ဓာတ္ပံု – နန္းဆိုင္ႏြမ္/ဧရာ၀တီ)

ေရႊတံဆိပ္ဆု ရရွိထားသည့္ အားကစားသမားမ်ား၏ ပံုတူ ေၾကး႐ုပ္ ထုလုပ္၍ ေနျပည္ေတာ္ရွိ အားကစား စိတ္ဓာတ္ျမႇင့္တင္ေရး ခန္းမတြင္ ထားရွိသြားမည္ ျဖစ္ေၾကာင္း သိရသည္။

ေရႊတံဆိပ္ဆု ၄ ဆု ႏွင့္ ၄ ဆုအထက္ ရရွိထားသည့္ အားကစားသမား ၄၉ ဦး၏ ပံုတူကို ေၾကးပန္းပု ထုလုပ္သြားမည္ ျဖစ္ေၾကာင္း၊ အနာဂတ္ မ်ိဳးဆက္သစ္မ်ားႏွင့္ ျပည္သူမ်ားကို အားကစား ေရႊေခတ္တေခတ္ ရွိခဲ့သည္ကုိ သိရွိေစရန္အတြက္ ထုလုပ္ရျခင္း ျဖစ္ ေၾကာင္း ေၾကးပန္းပု ပညာရွင္ ဦးေက်ာ္ေက်ာ္မင္းက ဧရာဝတီကို ေျပာသည္။

“ျပခန္းတခု တည္ေဆာက္ၿပီး ေရႊေခတ္ အားကစားသမားေတြကို ပံုတူထုၿပီး ျပတုိက္ထဲ ထားမယ္ဆုိတဲ့ Project တခု ေပၚလာ တယ္။ ေလာေလာဆယ္ ျပတိုက္ကို ၃၀ ေက်ာ္ ပို႔ၿပီးသြားပါၿပီ”ဟုလည္း ဦးေက်ာ္ေက်ာ္မင္းက ဆုိသည္။

၂၀၁၅ ခုနစ္အတြင္း အားကစား ဝန္ႀကီးဌာနမွ ေနျပည္ေတာ္တြင္ အားကစား စိတ္ဓာတ္ျမွင့္တင္ေရး ခန္းမတခုကို တည္ေဆာက္ ေပးခဲ့ျခင္း ျဖစ္ေၾကာင္း သိရသည္။

ထိုသို႔ ေၾကး႐ုပ္တု ထုလုပ္မႈႏွင့္ ပတ္သက္ၿပီး တာေဝးအေျပးသမား ေရႊတံဆိပ္ဆုရွင္ ဦးေအာင္သန္းက“က်ေနာ့္အေနနဲ႔ ဒီလုိပံုတူ ပန္းပုထုေပးတဲ့အတြက္ အရမ္းဝမ္းသာတယ္။ ဒီလုိလုပ္တာ ပထမဆံုးအႀကိမ္ ျဖစ္တဲ့အတြက္လည္း ဝမ္းသာပါတယ္။ ဒီလုိ မ်ိဳးဆက္သစ္ေတြ ေမြးထုတ္ဖုိ႔ က်ေနာ္တို႔ ႐ုပ္တုေတြကို ေနျပည္ေတာ္ အားကစားျပတိုက္မွာ ထားၿပီးေတာ့ ၾကည့္ရံုနဲ႔ မ်ိဳးဆက္သစ္ လည္း ဆုတံဆိပ္ မရႏိုင္ဘူး”ဟု ဧရာဝတီကို ေျပာသည္။

လက္ရွိ မ်ိဳးဆက္သစ္ အားကစားသမားမ်ား၏ ေလ့က်င့္မႈကို ၾကည့္မည္ဆိုပါက အလြန္အားနည္းေနၾကေၾကာင္း၊ လူငယ္မ်ား၏ အားကစားစိတ္ဓာတ္ အားနည္းလာမႈသည္ ပညာေရးစနစ္ႏွင့္လည္း သက္ဆုိင္ေနေၾကာင္း၊ ေက်ာင္းမ်ားတြင္ အားကစားၿပိဳင္ပြဲမ်ား ကစားကြင္းမ်ား ထားရွိသင့္ေၾကာင္းလည္း ဦးေအာင္သန္းက ဆက္ေျပာသည္။

ေၾကးပန္းပုမ်ား ထုလုပ္မႈ မၿပီးစီးေသးသျဖင့္ ေနျပည္ေတာ္ရွိ အားကစားစိတ္ဓာတ္ ျမွင့္တင္ေရး ခန္းမအား ဖြင့္လွစ္မႈ မျပဳႏုိင္ေသးေၾကာင္း သိရသည္။

မၾကာေသးခင္က က်င္းပခဲ့သည့္ စင္ကာပူ ဆီးဂိမ္းၿပိဳင္ပြဲတြင္ ျမန္မာႏိုင္ငံ၏ အားကစား တာ၀န္ရွိသူမ်ားက ေရႊတံဆိပ္ဆု ၄၀ ႏွင့္ ၅၀ အၾကား ရရွိႏိုင္မည္ဟု ခန္႔မွန္းထားေသာ္လည္း ေရႊတံဆိပ္ ၁၂ ခုသာ ရရွိခဲ့သည္ကို ေတြ႔ရသည္။

ျမန္မာႏိုင္ငံသည္ ႏိုင္ငံအလိုက္ အဆင့္တြင္လည္း တတိယျဖင့္သာ (၁၉၇၉ ခုႏွစ္ က) အျမင့္ဆုံး ျဖစ္ခဲ့သည္။ ျပည္ပၿပိဳင္ပြဲမ်ား၌ ေရႊတံဆိပ္ အနည္းဆုံး ရရွိခဲ့သည္ႏွစ္မွာ ၁၉၉၀ ျပည့္ႏွစ္ျဖစ္ၿပီး ဘရူႏိုင္းႏိုင္ငံ၌ ျပဳလုပ္သည့္ ဆီးဂိမ္းၿပိဳင္ပြဲတြင္ ေရႊတံဆိပ္ ၃ ဆုသာ ရခဲ့ျခင္း ျဖစ္ေၾကာင္း အား/ကာ ၀န္ႀကီးဌာန မွတ္တမ္းမ်ားအရ သိရသည္။

The post ေရႊတံဆိပ္ဆုရ အားကစားသမားမ်ား ပံုတူေၾကး႐ုပ္ ေနျပည္ေတာ္တြင္ ထားရွိမည္ appeared first on ဧရာ၀တီ.

ေျပးခုန္ပစ္ နည္းမ်ား စာအုပ္ေရးသားသူ ဦးထြန္းၿငိမ္း

စာေရးသူ ငယ္စဥ္ အထက္တန္းေက်ာင္းသား ဘ၀ “အားကစား” ကို အ႐ူးအမူး ျဖစ္ခဲ့စဥ္က အားကစားနည္းမ်ားကို စနစ္တက် ျပသမည့္ ဆရာမ်ား မရွိၾက။ အားကစား ၀ါသနာပါေသာ ဆရာမ်ား၏ သြန္သင္မႈကို ခံယူကာ ကိုယ့္နည္း ကိုယ့္ဟန္ျဖင့္ ေလ့က်င့္ခဲ့ရသည္။ ခ႐ိုင္ ကိုယ္လက္ႀကံ့ခိုင္ေရးမႉး (ပထမပတ္) တက္စဥ္တုန္း ကလည္း ေျပးခုန္ပစ္၊ ေရကူး၊ လက္ေ၀ွ႔၊ အေလးမ၊ ေဘာလုံး၊ ေဘာ္လီေဘာ၊ ကြ်မ္းဘား၊ ဘက္စကက္ေဘာ စသည့္ အားကစားနည္းမ်ားကို အေျခခံအဆင့္တြင္ စနစ္တက် သင္ယူခဲ့ရပါသည္။ အားကစားနည္း ၁၁ မ်ဳိးခန္႔ကို ၁ ႏွစ္ နီးပါးခန္႔ သင္ယူရာတြင္ အေျခခံ အဆင့္ထက္ ပိုမိုနားလည္ တတ္ကြ်မ္းဖို႔ ခက္ခဲပါသည္။

သို႔ျဖစ္ရာ ခ႐ိုင္ကိုယ္လက္ႀကံ့ခိုင္ေရး စည္း႐ံုးေရးမႉး တေယာက္အေနျဖင့္ အဆင့္ျမင့္ အားကစားနည္းမ်ားကို တတ္ကြ်မ္းဖုိ႔ လိုအပ္လာ သျဖင့္ ျပင္ပမွ အားကစား နည္းပညာ စာအုပ္မ်ားကို ရွာေဖြ ေလ့လာရာတြင္ ေတြ႔ေတာ့ ေတြ႔ပါ၏။ အမ်ားစုမွာ အဂၤလိပ္ ဘာသာျဖင့္ ျပဳစုထားသည့္ စာအုပ္မ်ားကိုသာ ေတြ႔ေနရပါသည္။ ေက်ာင္းထြက္ လက္မွတ္ရ (SLC) ေအာင္ျမင္ၿပီးစ ေက်ာင္းသားတပိုင္း ကိုယ္လက္ႀကံ့ခိုင္ေရးမႉးငယ္ တေယာက္ အတြက္ အဂၤလိပ္ ဘာသာျဖင့္ ျပဳစုထားသည့္ အားကစား နည္းစနစ္မ်ားကို ေလ့လာရာတြင္ အခက္အခဲရွိသည္ ကေတာ့ အမွန္ပင္ ျဖစ္ပါသည္။ ထိုသို႔ အဂၤလိပ္စာ မတတ္ တတတ္ျဖင့္ အဂၤလိပ္လို ေရးသား ျပဳစုထားသည့္ နည္းစနစ္ စာအုပ္မ်ားျဖင့္ လုံးလည္လိုက္ ေနခိုက္တြင္ ျမန္မာဘာသာျဖင့္ ေရးသား ျပဳစုထားသည့္ အားကစားနည္း စနစ္ စာအုပ္တအုပ္ ထြက္ေပၚ လာပါသည္။ စာအုပ္၏ အမည္မွာ ေျပးခုန္ပစ္ နည္းမ်ားဟူ၍ ျဖစ္ပါသည္။ ေရးသားျပဳစုသူက ကာယဗလ ထြန္းၿငိမ္းဆိုသူ ျဖစ္သည္။ ထုတ္ေ၀သူကေတာ့ ဗလစဌာနခ်ဳပ္၊ ကာယဗလဌာန အတြက္၊ စီးပြားေရးဌာနမွ ထုတ္ေ၀ျခင္း ျဖစ္သည္။

ယခုေခတ္ လူငယ္ အမ်ားစုက ဗလစ ဆိုသည့္ စကားလုံး၏ အရွည္ေကာက္ကို နားလည္သိရွိၾကမည္ မထင္ပါ။ ဗစလ ဟူသည္မွာ ဗမာႏိုင္ငံလုံးဆိုင္ရာ လူငယ္မ်ား အစည္းအ႐ံုး ျဖစ္သည္။ ဂ်ပန္ေခတ္တြင္ အာရွလူငယ္မ်ား အစည္းအ႐ံုး အျဖစ္ စတင္ ဖြဲ႔စည္းခဲ့ၿပီး ဂ်ပန္မ်ား စစ္ရႈံးၿပီးေနာက္ ျမန္မာႏိုင္ငံ၏ လြတ္လပ္ေရး အႀကိဳကာလတြင္ ျမန္မာႏိုင္ငံ လုံးဆိုင္ရာ လူငယ္မ်ား အစည္းအ႐ံုးဟု ေျပာင္းလဲမွည့္ေခၚ ဖြဲ႔စည္းထားသည့္ လူငယ္အဖြဲ႔အစည္းတရပ္ ျဖစ္သည္။ ယခုေခတ္ အဖြဲ႔အစည္းမ်ား အထူးသျဖင့္ NGO အရပ္ဘက္အဖြဲ႔အစည္းမ်ားတြင္ မေတြ႔ရေသာ အသုံးအႏႈန္းတခု ျဖစ္သည့္ ကာယဗလဌာနကိုလည္း ေတြ႔ၾကရမည္ ျဖစ္သည္။ စာေရးသူတို႔ ငယ္စဥ္က ေက်ာင္းသားသမဂၢ မ်ားပင္လွ်င္ ကာယဗလမႉးမ်ားကို ထည့္သြင္း ဖြဲ႔စည္းေလ့ ရွိၾကသည္။

စာအုပ္ကို ျပဳစုသူ ကာယဗလ ထြန္းၿငိမ္း ဆိုသူမွာ ထိုစဥ္က ဗလစဌာနခ်ဳပ္ ကာယဗလဌာန တာ၀န္ခံေကာင္း ျဖစ္သည္။ ထိုေခတ္ အစိုးရ ကိုယ္တိုင္က ကမၻာ့ႏိုင္ငံ အသီးသီးသို႔ အားကစားႏွင့္ ကာယပညာ ဘာသာရပ္မ်ား ေလ့လာဆည္းပူးရန္ ဦးေမာင္ေမာင္ကေလး၊ ဦးေဇာ္၀ိတ္တို႔ႏွင့္ အတူေစလႊတ္ျခင္း ခံရသူ၊ အေလးမ အားကစားနည္း တြင္ ျမန္မာႏိုင္ငံ၌ မိမိ ကုိယ္အေလးခ်ိန္ထက္ ႏွစ္ဆ မႏိုင္ခဲ့သူ အေလးမ ခ်န္ပီယံ၊ အင္းလ်ားကန္ျဖတ္ ေရကူးႏိုင္သူ၊ ေရွးေခတ္ ေကာလိပ္ကြ်မ္းဘား လက္ေရြးစင္၊ လိုအပ္လ်င္ ဂိုးဖမ္းတတ္သူ တဦး ျဖစ္ခဲ့သည္။

တပ္မေတာ္တြင္ ၀င္ေရာက္ခဲ့ၿပီး ဗိုလ္မႉးအဆင့္ထိ တာ၀န္ ထမ္းေဆာင္ခဲ့သူ၊ ဗိုလ္သင္တန္းေက်ာင္း ကာယဗလဌာန ဌာနမႉး၊ အားကစားႏွင့္ ကာယပညာဌာန ညြန္ၾကားေရးမႉးခ်ဳပ္ တာ၀န္ ထမ္းေဆာင္ခဲ့သူျဖစ္သည္။

ရွားပါးေသာ

ျမန္မာႏိုင္ငံ၏ ရွားပါးေသာ စြယ္စုံရ (စာေတြ႔၊ လက္ေတြ႔) အားကစား ပညာရွင္မ်ား ထဲတြင္ တဦးအပါအ၀င္ ျဖစ္သူ၏ ႏုစဥ္က ေရးသားျပဳစုခဲ့ေသာ ေျပးခုန္ပစ္ နည္းစနစ္မ်ား စာအုပ္ကို ၂၀၁၅ ခုႏွစ္ထဲ ေရာက္မွ အဖိုးတန္ စာအုပ္ေကာင္း မ်ားကို စုေဆာင္းရာတြင္ ေမြ႔ေလ်ာ္သူ သားႀကီးျမတ္သက္က ၀ယ္ယူေပးသျဖင့္ လက္ခံရရွိခဲ့ျခင္း ျဖစ္ပါသည္။ ဆရာ ထြန္းၿငိမ္း၏ ေျပးခုန္ပစ္ နည္းမ်ား စာအုပ္ကို ၁၉၅၂ ခုႏွစ္ ေဖေဖာ္၀ါရီလထဲတြင္ ထုတ္ေ၀ခဲ့ျခင္း ျဖစ္ရာ ယခုဆိုလ်င္ ႏွစ္ေပါင္း ၆၃ ႏွစ္ ေက်ာ္ခဲ့ၿပီ ျဖစ္သည္။

ဆရာထြန္းၿငိမ္း တပ္မေတာ္တြင္ အမႈထမ္းစဥ္က လည္းေကာင္း၊ အား/ကာ ညြန္ခ်ဳပ္ အျဖစ္ တာ၀န္ယူစဥ္က လည္းေကာင္း၊ ဆရာထြန္းၿငိမ္း၏ အားကစား တပည့္သားေျမး အားလုံးက တပ္မေတာ္ရာထူးကိုေရာ၊ အား/ကာ ညြန္ခ်ဳပ္ ရာထူးကိုေရာ မေခၚေ၀ၚၾကဘဲ ဆရာ အျဖစ္သာ အသိအမွတ္ျပဳၾကၿပီး ဆရာထြန္းၿငိမ္း ဟူ၍သာ ႐ိုေသစြာ ေခၚေ၀ၚခဲ့ၾက ပါသည္။

ယင္းစာအုပ္တြင္ ျမန္မာႏိုင္ငံ၏ ပထမဦးဆုံးေသာ အမ်ဳိးသား ကိုယ္လက္ႀကံ့ခိုင္ေရးေကာင္စီ၊ ညြန္ၾကားေရး၀န္ ဦးေမာင္ေမာင္ကေလး၊ စည္း႐ံုးေရးမႉးခ်ဳပ္ ဦးေဇာ္၀ိတ္ႏွင့္ အတြင္းေရးမႉး မစၥတာဟက္စကင္းစ္ တို႔က အမွာစာမ်ား ေရးသားခဲ့ပါသည္။

ယင္း အမွာစာမ်ားထဲတြင္ တူညီေသာ ဦးတည္ခ်က္တရပ္ ပါရွိေနပါသည္။ ဆရာ ဦးေမာင္ေမာင္ကေလး၏ အမွာစာ တြင္ “ဤစာအုပ္ကို စီစဥ္ ေရးသားခ်ိန္မွာပင္ က်ေနာ္သည္ အားကစား လိုက္စားသူမ်ား အစား ၀မ္းသာမိပါသည္။ အဘယ့္ေၾကာင့္ ဆိုေသာ္ ဤစာအုပ္မ်ဳိးသည္ကား ေျပးခုန္ပစ္ေလာကတြင္ အၿမဲလိုအပ္ေနေသာ နည္းနိသွ်ဟု ဆိုႏိုင္ ေလာက္ပါသည္။ အထူး အဖိုးတန္သည့္ အခ်က္သည္ကား ဤေျပးခုန္ပစ္ ေလာကသည္ ျပည္ေထာင္စု ျမန္မာႏုိင္ငံေတာ္တြင္ ပထမအႀကိမ္ ျမန္မာစာေပျဖင့္ ထြက္ေပၚလာျခင္း ျဖစ္ပါသည္။ ၀ါသနာပိုးမ်ားသည္ ဆိုင္ရာ ဘာသာရပ္ႏွင့္ စပ္လ်ဥ္းလွ်င္ ႏိုင္ငံတုိင္းမွ နည္းမ်ားကို လိုလားၾက၏။ သို႔ေသာ္ ဘာသာစကား အခက္အခဲေၾကာင့္ မ်ားစြာေသာ အတားအဆီးမ်ားကို ႀကဳံေတြ႔ေနရ၏။

ဤကိစၥႏွင့္ ပတ္သက္၍ က်ေနာ္ႏွင့္ တကြ ကိုထြန္းၿငိမ္းႏွင့္ ကိုေဇာ္၀ိတ္ပါ ႏုိင္ငံျခားသို႔ လွည့္လည္၍ အားကစား လုပ္ငန္းမ်ားကို လိုက္လံ ၾကည့္ရႈစဥ္က ေနာ္ေ၀ (Norway)၊ ဆြီဒင္ (Sweden)၊ ေဟာ္လန္ (Holland) ႏွင့္ ျပင္သစ္ (France) ႏိုင္ငံမ်ားသို႔ ေရာက္ခဲ့ၾက၏။ ထုိႏိုင္ငံမ်ားသည္ ေျပးခုန္ပစ္ ေလာကတြင္ အလြန္ထူးခၽြန္သည့္ အေၾကာင္းမ်ား ကို သိၿပီးသည့္အေလွ်ာက္ ၎တို႔ထံမွ ဗဟုသုတ ရရွိရန္ အားခဲကာ ဆိုက္ေရာက္ခဲ့ေသာ အခါ အထက္ပါ ႏိုင္ငံတိုင္း တြင္ သက္ဆုိင္ရာ ပုဂိဳလ္မ်ားသည္ ေစတနာမ်ားစြာျဖင့္ ၎တို႔၏ နည္းစနစ္ စာေစာင္ အတို၊ အရွည္မ်ား ေ၀ငွသည္မွာ သယ္၍ပင္ မႏုိင္ေလာက္ေအာင္ ရရွိခဲ့ၾကပါသည္။

သို႔ေသာ္ ဘာသာရပ္မ်ားမွာ ၎တို႔စာေပျဖင့္ ေရးသားထား ေသာေၾကာင့္ က်ေနာ္တို႔ တေတြမွာ တလုံးမွ နားမလည္ျခင္း ေၾကာင့္ ခဲေလသမွ် သဲေရက်ခဲ့ရ ပါေၾကာင္း၊ ယခု ျမန္မာျပည္မွာလည္း ေျပးခုန္ပစ္ႏွင့္ ပတ္သက္၍ ႏိုင္ငံျခား ပါရဂူႀကီးမ်ား အဂၤလိပ္ဘာသာျဖင့္ ထုတ္ေ၀သည့္ စာေပမ်ားလည္း ေျမာက္ျမားစြာ ရွိပါ၏။ သို႔ေသာ္ ထုိ ေျပးခုန္ပစ္ ေလာကတြင္ ရွိေသာ ၀ါသနာအိုးမ်ားထဲမွ ဆယ္ရာခုိင္ႏႈန္း ေလာက္သာ အဓိပၸာယ္သိေအာင္ ဖတ္ရႈ ေလ့လာႏိုင္ၾက ေပမည္။

ထုိေၾကာင့္ ကာယဗလ ထြန္းၿငိမ္း၏ စာအုပ္ ထြက္ေပၚျခင္းသည္ ေျပးခုန္ပစ္ေလာက အတြက္ အထူးအဘိုးတန္၍ ျပည္ေထာင္စု တ၀န္းလုံး အတြက္ အသုံးျပဳႏုိင္ၿပီးလ်င္ ကစားခုန္စား ဘက္တြင္လည္း ေန႔ခ်င္းညခ်င္း ဆိုသလို တိုးတက္မႈမ်ား ေတြ႔ျမင္ရလိမ့္မည္ ဟု ယုံၾကည္မိပါေၾကာင္း’’

ဆရာထြန္းၿငိမ္း၏ ေျပးခုန္ပစ္နည္းမ်ား စာအုပ္ကို ဆရာ ဦးေမာင္ေမာင္ကေလးက အမွာစာ ေရးသားရာတြင္ ျမန္မာ အားကစား ေလာက အတြက္ အလြန္တရာမွ အေရးႀကီးေသာ သတင္းေပးပို႔မႈ တရပ္ ပါ၀င္ေနသည္ကို စာေရးသူ ေတြ႔ရွိမိပါသည္။

ယင္းမွာ ေခတ္မီအားကစား ပညာရပ္မ်ားကို ျမန္မာဘာသာျဖင့္ ျပဳစုထုတ္ေ၀ေရးပင္ ျဖစ္ပါသည္။ ျမန္မာႏိုင္ငံတြင္ ျမန္မာေဘာလုံး ပညာရွင္မ်ား ျဖစ္သည့္ ဆရာၿငိမ္း၊ ႏုိင္ငံျခား နည္းျပဆရာမ်ား ျဖစ္ၾကသည့္ မစၥတာ ဘိုဇင္ေကာ့ဖ္၊ မစၥတာ ဇိုနင္တို႔ ျပဳစုသည့္ ေဘာလုံးနည္းစနစ္၊ ဆိုဗီယက္ အေလးမနည္းျပဆရာ ျပဳစုသည့္ အေလးမနည္းပညာ စာအုပ္ေလာက္သာ ရွိခဲ့ဖူးသည္။

ဆရာစိန္မ်ဳိးျမင့္ ျပဳစုသည့္ အေျခခံေဘာ္လီေဘာ ကစားနည္း၊ စာေရးသူ ဘာသာျပန္သည့္ အေျခခံေဘာလုံးပညာ စာအုပ္မ်ား ေလာက္သာ ျမန္မာဘာသာႏွင့္ ျပဳစုသည့္ အားကစား နည္းစနစ္ စာအုပ္မ်ား ရွိေနသည္။ ျမန္မာအားကစား တိုးတက္လိုလွ်င္ ႏိုင္ငံတကာ အားကစားနည္းမ်ားကို ျမန္မာမႈျပဳ၍ ထုတ္ေ၀ျခင္းသည္လည္း အေရးႀကီးေသာ အခန္း က႑မွ ပါ၀င္ေနပါသည္။ ယင္းကြက္လပ္ကို ျဖည့္တင္းမည့္သူမ်ား အျမန္ေပၚေပါက္ပါေစ။ ။

The post အားကစားနည္းစနစ္ စာအုပ္မ်ားနဲ႔သာ ယေန႔ အားကစားကို ျမွင့္တင္ေပးႏိုင္မည္ appeared first on ဧရာ၀တီ.

၂၀၁၃ ဆီးဂိမ္းတြင္ ျမန္မာ အသင္း႐ႈံးသျဖင့္ မီး႐ိႈ႕ေသာင္းက်န္းေနေသာ ေဘာလုံးပြဲ ပရိသတ္တခ်ိဳ႕ (ဓာတ္ပံု – စိုင္းေဇာ္ / ဧရာဝတီ)

စင္ကာပူႏိုင္ငံတြင္ က်င္းပခဲ့သည့္ ၂၈ ႀကိမ္ေျမာက္ အေရွ႕ေတာင္အာရွ အားကစားပြဲ ေဘာလုံးၿပိဳင္ပြဲတြင္ ၀င္ေရာက္ယွဥ္ၿပိဳင္ခဲ့သည့္ ျမန္မာ ယူ-၂၃ လက္ေရြးစင္ ေဘာလုံးအသင္း ကစားခဲ့သည့္ အုပ္စုတြင္း ၃ ပြဲ၊ အႀကိဳဗိုလ္လုပြဲ ၁ ပြဲ၊ ေနာက္ဆုံး ဗိုလ္လုပြဲတို႔ကို ၾကည့္ရႈ အားေပးၾကသည့္ စင္ကာပူေရာက္ ျမန္မာလူမ်ဳိးတို႔၏ ျမန္မာလူမ်ဳိး ပီသစြာ ယဥ္ယဥ္ေက်းေက်း အားေပးမႈမ်ားေၾကာင့္ စင္ကာပူဆီးဂိမ္း၏ ထူးျခားျဖစ္စဥ္မ်ားထဲတြင္ တခု အပါအ၀င္အျဖစ္ ႏိုင္ငံျခား၊ အထူးသျဖင့္ စင္ကာပူႏိုင္ငံထုတ္ မီဒီယာမ်ားထဲတြင္ ထည့္သြင္း ေဖာ္ျပခံရျခင္း ျဖစ္သည္။

အထူးသျဖင့္ ထိုင္းအသင္းႏွင့္ ေနာက္ဆုံးဗုိလ္လုပြဲ ကစားရာတြင္ ၃ ဂိုးျပတ္ ရႈံးနိမ့္ေနသည့္ တိုင္ေအာင္ ျမန္မာ ႏိုင္ငံေတာ္သီခ်င္းအား တညီတညြတ္တည္း သံၿပိဳင္သီဆိုၾကသည္။ ႏိုင္ငံေတာ္အလံ ႀကီးငယ္မ်ားကို အားရပါးရ ေ၀ွ႔ယမ္းျပသၿပီး ယူ-၂၃ ေဘာလုံးသမားကေလးမ်ားကို အားေပး ဂုဏ္ျပဳခဲ့ၾကသည္။ ဒိုင္လူႀကီးညစ္၍ အၾကမ္းဖက္ၾက စတမ္းဆိုလ်င္ ထိုင္းႏွင့္ ပြဲတြင္ ျမန္မာအသင္းဘက္သို႔ ပင္နယ္တီ ဆင့္ကဲေပးျခင္းကို ဒိုင္ညစ္သည္ ဆို၍ စင္ကာပူေရာက္ ျမန္မာေဘာလုံးခ်စ္ ပရိသတ္မ်ား ေရဗူးႏွင့္ မေပါက္၊ ခဲႏွင့္ မပစ္ေပါက္ၾကပါ။ စင္ကာပူတြင္ ဂုဏ္သိကၡာ ျမင့္မားခဲ့ရသည့္ ျမန္မာေဘာလုံး ပရိသတ္၏ သန္႔ရွင္းစြာ အားေပးမႈႏွင့္ ဖီလာဆန္႔က်င္ဘက္ျဖစ္ေသာ ေဘာလုံးပြဲၾကည့္ ပရိသတ္မ်ား၏ ဆူပူရမ္းကားသည့္ ေဘာလုံးပြဲတပြဲ ျပည္တြင္း အမ်ဳိးသားလိဂ္ (MNL) ေဘာလုံးၿပိဳင္ပြဲ တပြဲတြင္ ျဖစ္ပြားခဲ့သည္။ ယူ-၂၀ ကမၻာ့ေဘာလုံးပြဲႏွင့္ ဆီးဂိမ္း ယူ-၂၃ ေဘာလုံးပြဲမ်ားေၾကာင့္ ေခတၱရပ္နားထားရသည့္ အမ်ိဳးသားလိဂ္ လက္က်န္ပြဲစဥ္မ်ားကို ဇူလိုင္လ ၅ ရက္ေန႔က ျပန္လည္ ယွဥ္ၿပိဳင္ ကစားခဲ့ၾက သည္။

ေတြ႔ၾကၿပီ

ယင္းပြဲစဥ္မ်ား အနက္ မဟာၿပိဳင္ဘက္ႀကီးမ်ား ျဖစ္ၾကသည့္ ရန္ကုန္ယူႏိုက္တက္ FC ႏွင့္ ရတနာပုံ ယူႏိုက္တက္ FC တို႔သည္ ရတနာပုံအသင္း၏ အိမ္ကြင္းျဖစ္သည့္ ဗထူးကြင္းတြင္ ယွဥ္ၿပိဳင္ကစားသြားခဲ့ၾကသည္။ ႏွစ္သင္းစလုံးတြင္ ယူ-၂၀၊ ယူ-၂၃ ႏွင့္ လက္ေရြးစင္ အသင္းႀကီးမွ ေဘာလုံးသမား ပါ၀င္ကစားသြားခဲ့ၾကသျဖင့္ ပြဲကစားပုံမွာ အဆင့္တန္း ျမင့္လွသည္။ အထူးသျဖင့္ ယူ-၂၀ ႏွင့္ ယူ-၂၃ တို႔မွ လက္ေရြးစင္ ကစားသမားေလးတို႔၏ ေျခစြမ္းေျခစကို မ်က္၀ါးထင္ထင္ ၾကည့္ရႈခဲ့ရသည္။ သို႔ရာတြင္ ယင္းေဘာလုံးပြဲကို ႀကီးၾကပ္ရသည့္ ကြင္းလယ္ဒိုင္လူႀကီး၏ လုပ္ေဆာင္ခ်က္မ်ားမွာ အထူးအားနည္းလွသည္။ ႏွစ္သင္းစလုံး ျပစ္ဒဏ္မ်ား က်ဴးလြန္ေနၾကျခင္းကို လ်စ္လ်ဴရႈထားသည္ကို ေတြ႔ျမင္ရသည္။

ဒိုင္လူႀကီး၏ အဆုံးအျဖတ္မ်ား အေပၚကို အေျခခံ၍ ႏွစ္သင္းစလုံးမွ ေဘာလုံးသမားအခ်ဳိ႕ လိုအပ္သည္ထက္ လြန္ကဲ၍ ၾကမ္းၾကမ္းတမ္းတမ္း ကစားသြား ၾကသည္။ ယင္းကဲ့သို႔ ကစားသည္ကို ေတြ႔ျမင္ၾကေသာ ႏွစ္သင္းစလုံးမွ ႏိုင္ငံျခားသား နည္းျပဆရာမ်ားက ေဘာလုံးပြဲ စည္းကမ္းကို ေဖာက္ဖ်က္ကာ အကူဒိုင္လူႀကီးႏွင့္ ကြင္းလယ္ဒိုင္လူႀကီး တို႔အား ေစာဒကတက္ၾကသည္ ကိုလည္း ႐ုပ္ျမင္သံၾကားမွ တိုက္႐ိုက္ျပသသည္ကိုလည္း ၾကည့္ရႈလုိ္က္ရသည္။ ယင္း ႏိုင္ငံျခားသား နည္းျပဆရာ ႏွစ္ဦး၏ လုပ္ရပ္သည္ ေဘာလုံးသမားမ်ား သာမက ပြဲၾကည့္ပရိသတ္မ်ားကိုပါ ေျမွာက္ထုိး ပင့္ေကာ္ ျပဳလုပ္သကဲ့သို႔ ျဖစ္ေနသည္။ အထူးသျဖင့္ ရတနာပုံအသင္းက စတင္ဂိုးသြင္းယူခဲ့ေသာ္လည္း ရန္ကုန္ အသင္းက ေခ်ပဂိုးႏွင့္ အႏိုင္ဂိုးမ်ား သြင္းယူသြားေသာအခါ ရတနာပုံအသင္းကို အားေပးသည့္ မႏၲေလး ပရိသတ္မ်ား ယမ္းပုံမီးက် ျဖစ္ကုန္ၾကသည္။

ထုံးစံအတိုင္း ခဲပ်ံ၊ ပုလင္းပ်ံ၊ ေရဗူးပ်ံ၊ ဖိနပ္ပ်ံမ်ား ျဖစ္ကုန္ၾကေတာ့သည္။ ေဘာလုံးပြဲ ေကာင္းတပြဲ ပ်က္စီးသြားေတာ့ သည္။ ျပႆနာျဖစ္တိုင္း ဆူပူရမ္းကားသည့္ ေဘာလုံးအားေပးသည့္ ပရိသတ္အခ်ဳိ႕အေပၚ အျပစ္တင္ေနၾကျခင္းမွာ မွားသည္။ ဘာေၾကာင့္ ပရိသတ္မ်ား ဤကဲ့သို႔ ျပဳမူေနရျခင္း အေၾကာင္းကို စူးစမ္းရွာေဖြ ေလ့လာသင့္ၾကသည္။

ႏုိင္ငံတကာၿပိဳင္ပြဲ

ျမန္မာႏိုင္ငံတြင္ ၂၀၁၅ ခုႏွစ္ အတြင္း ႏုိင္ငံတကာ ေဘာလုံးၿပိဳင္ပြဲမ်ား လက္ခံက်င္းပရန္ ျမန္မာႏိုင္ငံ ေဘာလုံးအဖြဲ႔ခ်ဳပ္မွ စီစဥ္လ်က္ရွိသည္။ ယင္းၿပိဳင္ပြဲမ်ားတြင္ ကိုယ့္အသင္းရႈံးတိုင္း ပရိသတ္က မခံမရပ္ ျဖစ္ေနၾကမည္ ဆိုလ်င္ ေကာင္းက်ဳိးထက္ ဆိုးက်ဳိးက ပုိမို မ်ားလာႏိုင္ေပသည္။

ျမန္မာႏိုင္ငံသည္ အာရွေဘာလုံးအဖြဲ႔ခ်ဳပ္တြင္ လည္းေကာင္း၊ ဖီဖာတြင္ လည္းေကာင္း၊ အမည္ဆိုး စာရင္း၀င္ႏိုင္ငံ တႏိုင္ငံ ျဖစ္ေနရသည္။ ကမၻာ့ဖလား ေျခစစ္ပြဲအတြက္ အိုမန္ႏွင့္ ကစားသည့္ပြဲတြင္ ၁ ဂိုးရႈံးေနသည့္ ျမန္မာ အသင္းဘက္သို႔ ကြင္းလယ္ဒိုင္လူႀကီးက ပင္နယ္တီေပးရာမွ အစျပဳ၍ မလိုလားအပ္ေသာ ဆူပူမႈမ်ား ျဖစ္ပြားခဲ့သည္။ ဖီဖာက ျမန္မာေဘာလုံး အဖြဲ႔ခ်ဳပ္အား ပြဲပယ္ျပစ္ဒဏ္ႏွင့္ ဒဏ္ေငြတပ္ ႐ိုက္ခဲ့သည္။ ပြဲပယ္ျပစ္ဒဏ္ဆိုသည္မွာ ၂၀၁၈ ကမၻာ့ဖလားပြဲ အတြက္ ေျခစစ္ပြဲတြင္ ျမန္မာႏိုင္ငံအား ၀င္ေရာက္ယွဥ္ၿပိဳင္ခြင့္ ပိတ္ပင္ခဲ့သည္။ ျမန္မာႏိုင္ငံ ေဘာလုံး အဖြဲ႔ခ်ဳပ္က အယူခံ၀င္ေတာ့မွ ဒဏ္ေၾကးေငြကို မေလ်ာ့ေပါ့ေသာ္လည္း ပြဲပယ္ျပစ္ဒဏ္ကိုမူ ကမၻာ့ဖလား ေျခစစ္ပြဲတပြဲ အိမ္ရွင္အျဖစ္ လက္ခံက်င္းပခြင့္ကို ပိတ္ပင္ခဲ့သည္။

ထိုနည္းတူစြာ အာရွေဘာလုံးအဖြဲ႔ခ်ဳပ္ကလည္း အာရွ ယူ-၁၉ တံခြန္စိုက္ ေဘာလုံးၿပိဳင္ပြဲကို ျမန္မာႏိုင္ငံက လက္ခံ က်င္းပခဲ့ရာ အုပ္စုတြင္း ယီမင္ႏွင့္သေရ၊ ထုိင္းကို အႏိုင္ရၿပီး၊ အီရန္ရႈံးသည္။ ကြာတားဖိုင္နယ္ တက္ရသည္။ ယင္းကြာတားဖိုင္နယ္တြင္ ယူေအအီး အသင္းကို သန္းပိုင္သြင္းေသာ ဂိုး ၁ ဂိုးတည္းျဖင့္ အႏုိင္ရသည္။ ျမန္မာ ယူ-၁၉ အသင္း ကမၻာ့ ယူ-၂၀ ေဘာလုံးၿပိဳင္ပြဲ ၀င္ေရာက္ယွဥ္ၿပိဳင္ခြင့္ ရသည္ကုိ သိေသာ ျမန္မာပရိသတ္ႀကီးက ကြင္းအတြင္းသို႔ ၀င္၍ ေအာင္ပြဲခံခဲ့ၾကသည္။ ယင္းသို႔ ေအာင္ပြဲခံမႈေၾကာင့္ အာရွေဘာလုံးအဖြဲ႔ခ်ဳပ္က ျမန္မာႏိုင္ငံ ေဘာလုံးအဖြဲ႔ခ်ဳပ္ကို ဒဏ္ေငြသာမက အာရွေဘာလုံး အဖြဲ႔ခ်ဳပ္က ႀကီးမွဴးက်င္းပေသာ ေဘာလုံးပြဲတြင္ ပါ၀င္ယွဥ္ၿပိဳင္မည့္ ျမန္မာအသင္း ကြင္းပိတ္ ျပစ္ဒဏ္ကိုပါ ခ်မွတ္ခဲ့သည္။ ျပည္တြင္း၌ တပြဲ မကစားရန္ ကြင္းပိတ္ျပစ္ဒဏ္ကို ခ်မွတ္ျခင္းခံခဲ့ရသည္။

အထက္ပါ ျဖစ္စဥ္ ႏွစ္ရပ္ကို ေလ့လာၾကည့္လွ်င္ ရႈံး၍လည္း ဆူပူ၍ မရ၊ ႏုိင္ေသာ္လည္း ေပ်ာ္ရႊင္လို႔ မရ၊ ဥပေဒက ဥပေဒပင္ ျဖစ္သည္။ ဖီဖာ ခ်မွတ္ထားသည့္ ေဘာလုံးဆိုင္ရာ စည္းမ်ဥ္းစည္းကမ္း ဥပေဒမ်ားကို ဖီဖာအဖြဲ႔၀င္ ႏိုင္ငံတိုင္းက လိုက္နာက်င့္သုံးရသည္။ ထုိနည္းတူစြာပင္ ျမန္မာႏိုင္ငံ ေဘာလုံးအဖြဲ႔ခ်ဳပ္က သတ္မွတ္ထားသည့္ စည္းမ်ဥ္း စည္းကမ္းမ်ားကို ျမန္မာေဘာလုံး အဖြဲ႔ခ်ဳပ္ႏွင့္ ဆက္သြယ္ထားေသာ ေဘာလုံးကလပ္အသင္းမ်ား အားလုံးက တေလးတစား လိုက္နာၾကဖို႔ေတာ့လိုသည္။

ျပည္တြင္း လိဂ္ၿပိဳင္ပြဲမ်ားတြင္ အိမ္ကြင္း အေ၀းကြင္းစနစ္ျဖင့္ ကစားလ်က္ရွိရာ အိမ္ခံအသင္းမ်ားက စည္းမ်ဥ္း စည္းကမ္း ဥပေဒမ်ားကို တိတိက်က် လုိက္နာက်င့္သုံးေပးၾကဖို႔ လိုသည္။ ယခုအခါ ျမန္မာႏိုင္ငံတြင္ ရန္ကုန္၊ ေနျပည္ေတာ္၊ မႏၲေလး၊ မုံရြာ၊ ပုသိမ္ႏွင့္ ေတာင္ႀကီးၿမိဳ႕တို႔တြင္ သက္ဆုိင္ရာ ကလပ္အသင္းမ်ားက အိမ္ရွင္အျဖစ္ လက္ခံက်င္းပၾကရမည္ ျဖစ္သည္။

လာမည့္ ဇူလိုင္လ ၁၇ ရက္ေန႔ကစကာ Ooredoo MNL 2015 ဒုတိယ အေက်ာ့ ပြဲစဥ္မ်ားကို စတင္ေတာ့မည္ ျဖစ္သည္။ ယခု ျပႆနာျဖစ္ပြားခဲ့သည့္ ရန္ကုန္ယူႏိုက္တက္ အသင္းႏွင့္ ရတနာပုံအသင္းတို႔သည္ ႏို၀င္ဘာလ ၁၈ ရက္ေန႔တြင္ ရန္ကုန္အိမ္ကြင္းတြင္ ယွဥ္ၿပိဳင္ကစားၾကရမည္ ျဖစ္သည္။ ယခုကဲ့သို႔သာ အျပန္အလွန္ အၿငိဳးအေတးႀကီးမားစြာ ရွိေနခဲ့က်လွ်င္ ယင္းေန႔ပြဲအတြက္ စာေရးသူကမူ ယခု ကတည္းက ႀကိဳတင္ပူပန္ ေနမိခဲ့သည္။ ယခု ဇူလုိင္ ၅ ရက္ေန႔က ျဖစ္ပြားခဲ့ေသာ ျဖစ္စဥ္မ်ဳိး မည္သည့္ အိမ္ခံကြင္းမ်ားတြင္ မျဖစ္ပြားေစရန္ ႀကိဳတင္ျပင္ဆင္ စဥ္းစားထားသင့္ၾကၿပီ ျဖစ္သည္။

မလိုလားအပ္ေသာ ကိစၥမ်ား ျဖစ္ပြားၿပီးသည့္ေနာက္ ေနာက္မွလိုက္၍ ေျဖရွင္းေပးရျခင္းမ်ဳိးမွာ မွန္ကန္ေသာ လုပ္ရပ္ မဟုတ္ဟု စာေရးသူကေတာ့ ယုံၾကည္သည္။ ျမန္မာႏိုင္ငံ၏ ေဘာလုံးအဆင့္အတန္း ျပန္လည္တိုးတက္ေရးမွာ ယခုအခ်ိန္တြင္ ပြင့္ဖူးစ အရြယ္ သီးကင္းစ အရြယ္မွ်သာ ရွိေသးသည္။ ေရႊေခတ္ကို ျပန္လည္ေရာက္ရွိေရး အတြက္ ေရွ႕ေလွ်ာက္ရမည့္ ခရီးလမ္းမွာ ယခုကဲ့သုိ႔ေသာ အားကစား စိတ္ဓာတ္မ်ိဳးႏွင့္ မည္သို႔မွ မဆက္စပ္သည့္ အျပဳအမူ၊ အက်င့္အႀကံမ်ားကို အားလုံးက တာ၀န္သိစြာျဖင့္ ေရာင္ရွားၾကဖို႔လိုသည္။ ယခု ဗထူးကြင္း ျဖစ္စဥ္ကို ၿခဳံငုံသုံးသပ္ရ လွ်င္ –
(၁) ဒိုင္လူႀကီးမ်ား၏ ကိုင္တြယ္မႈ အား အလြန္နည္းသည္။
(၂) ေဘာလုံးသမား အခ်ဳိ႕၏ ႏုိင္လိုစိတ္ ျပင္းျပစြာျဖင့္ အလြန္အကၽြံ ယွဥ္ၿပိဳင္ကစားသြားၾကသည္ကို ေတြ႔ရသည္။
(၃) ဗထူးေဘာလုံးကြင္းမွာ ႏိုင္ငံတကာအဆင့္မီ မီတာ ၄၀၀ ေျပးလမ္းပါ အားကစားကြင္းတကြင္း မဟုတ္သျဖင့္ အားကစားသမားမ်ားႏွင့္ ပြဲၾကည့္ပရိသတ္တို႔ ထိေတြ႔မႈ နီးကပ္လြန္းအားႀကီးသည္။
(၄) လုံၿခဳံေရး ႀကိဳတင္ကာကြယ္မႈ အားနည္းသည္။ ပြဲၾကည့္ပရိသတ္မ်ား ေဘာလုံးကြင္းအတြင္းသို႔ မလိုလားအပ္ေသာ ပစၥည္းမ်ား သယ္ေဆာင္လာျခင္းကို ႀကိဳတင္ တားဆီးႏုိင္ျခင္း မရွိသည္ကိုပင္ ေလ့လာေတြ႔ရွိရသည္။

အထူးေရးသား တင္ျပလိုသည္မွာ စင္ကာပူေရာက္ ျမန္မာလူမ်ဳိးမ်ား ျမွင့္တင္ေပးခဲ့ေသာ အားကစားႏွင့္ စပ္လ်ဥ္းသင့္ ႏုိင္ငံေတာ္၏ ဂုဏ္သိကၡာကို ျပည္တြင္းမွေန၍ ဖ်က္လိုဖ်က္ဆီး မလုပ္ၾကပါရန္ အႏူးအညြတ္ ေမတၱာရပ္ခံလိုက္ရပါသည္။

The post ရန္ကုန္ ယူႏိုက္တက္ FC နဲ႔ ရတနာပုံ ယူႏိုက္တက္ FC ပရိသတ္ေတြ ရွက္ဖြယ္ appeared first on ဧရာ၀တီ.

ၿပီးခဲ့သည့္ ဇူလိုင္ ၅ ရက္က ရတနာပံု အသင္းႏွင့္ ရန္ကုန္ ယူႏိုက္တက္ အသင္းတို႔၏ ပြဲစဥ္မွ ျဖစ္ရပ္မ်ားအား ျမန္မာႏိုင္ငံ ေဘာလံုး အဖြဲ႔ခ်ဳပ္ စည္းကမ္း ထိန္းသိမ္းေရး ေကာ္မတီမွ ဇူလိုင္ ၉ ရက္တြင္ ၾကားနာ စစ္ေဆးမႈမ်ား ျပဳလုပ္ခဲ့ၿပီးေနာက္ ေအာက္ပါ အတိုင္း ဆံုးျဖတ္လိုက္သည္။

ျမန္မာႏိုင္ငံ ေဘာလံုးအဖြဲ႔ခ်ဳပ္မွ ႀကီးမွဴးက်င္းပလွ်က္ ရွိသည့္ Ooredoo MNL 2015 (M-1) ေဘာလံုးၿပိဳင္ပြဲ ပြဲစဥ္ (၆၆) အျဖစ္ (၅.၇.၂၀၁၅)ရက္ေန႔ မႏၱေလးၿမိဳ႕၊ ဗထူး အားကစားကြင္းတြင္ ရတနာပံု အသင္းႏွင့္ ရန္ကုန္ ယူႏိုက္တက္ အသင္းတို႔ ယွဥ္ၿပိဳင္ကစားခဲ့သည့္ ပြဲစဥ္တြင္ ျဖစ္ေပၚခဲ့သည့္ ျဖစ္စဥ္မ်ားႏွင့္ ပတ္သက္၍ စည္းကမ္း ထိန္းသိမ္းေရး ေကာ္မတီသည္ (၉.၇.၂၀၁၅)ရက္ေန႔ (၁၃း၀၀) နာရီ အခ်ိန္တြင္ ျပဳလုပ္သည့္ အစည္းအေ၀း ပြဲ၌ ယင္းေဘာလံုး ပြဲႏွင့္ ပတ္သက္၍ တာ၀န္ရွိသည့္ သက္ဆိုင္သူမ်ား၏ အစီရင္ခံစာမ်ားကို ဖတ္ရႈေလ့လာျခင္း၊ ရုပ္ျမင္သံၾကားမွ တဆင့္ အနီးကပ္ ၾကည့္ရႈၾကၿပီးေနာက္ ယင္းပြဲတြင္ ျဖစ္ပြားခဲ့သည့္ ျဖစ္စဥ္မ်ားႏွင့္ ပတ္သက္၍ ေလ့လာေတြ႔ရွိခ်က္မ်ားမွ ေအာက္ပါအတိုင္း ေတြ႕ရွိရပါသည္။

(က) ယင္းေန႔ပြဲကို လာေရာက္ ၾကည့္ရႈခဲ့ၾကေသာ ပရိသတ္မ်ားထဲမွ အခ်ိဳ႔ေသာ ပရိသတ္ အနည္းငယ္က ကစားေနသည့္ ကြင္းအတြင္းသို႔ ခဲမ်ား၊ ဖိနပ္စုတ္မ်ား၊ ေရသန္႔ဗူးမ်ား၊ ပုလင္းမ်ား၊ ပန္းအိုးကြဲမ်ားျဖင့္ မၾကာခဏ ပစ္ေပါက္ ေနၾကသည္ကို ေတြ႕ရွိရပါသည္။

(ခ) ယင္းပါဲတြင္ တာ၀န္က်ေသာ ကြင္းလယ္ဒိုင္၊ အကူဒိုင္လူႀကီးႏွင့္ အရံဒိုင္လူႀကီးမ်ား ႀကီးၾကပ္ကြပ္ကဲမႈ အားနည္းသည္ကို ေတြ႕ရွိရပါသည္။

(ဂ) ရတနာပံု အသင္းနည္းျပ Mr. Desaeyere Rene Oscar Anna ႏွင့္ ရန္ကုန္ ယူႏိုက္တက္ အသင္းမွ နည္းျပ Mr. Miodrag Jesic တို႔ႏွစ္ဦးသည္ ဒိုင္လူႀကီးမ်ားအား အႀကိမ္ႀကိမ္ အခါခါ ဥပေဒျပင္ပမွ ေစာဒက တက္ၾကသည္ကို ေတြ႕ရွိရပါသည္။

ပြဲအတြင္း အခ်င္းမ်ားေနသည့္ ႏွစ္ဘက္ နည္းျပမ်ား

(ဃ) ပြဲကစားခ်ိန္ (၇၉) မိနစ္တြင္ ရန္ကုန္ယူႏိုက္တက္ အသင္းမွ နံပါတ္(၈) ၾကည္လင္းသည္ ရတနာပံု အသင္းမွ ကစားသမား နံပါတ္ (၂၆) ရဲကိုဦးအား အႏၱရာယ္ ရွိစြာ ကန္ေၾကာက္ခဲ့သည္ကို ေတြ႕ရွိရပါသည္။ ယင္းျဖစ္ရပ္တြင္ ကြင္းလယ္ဒိုင္လူႀကီး ဦး၀င္းေက်ာ္ဦးမွ ရန္ကုန္ယူႏိုက္တက္ အသင္းမွ နံပါတ္(၈) ၾကည္လင္းအား အနီကဒ္ ျပစ္ဒဏ္ ျပသခ်မွတ္ရမည့္ အစား ႏွစ္ဦးစလံုးကို အ၀ါကတ္ ျပသည္ကို ေတြ႕ရွိရပါသည္။

(င) လံုၿခံဳေရး အတြက္ ထားရွိေသာ ပိုက္မ်ား ႀကိဳးေပါက္ပ်က္စီးေနသည္ကုိ ေတြ႕ရွိရပါသည္။

(စ) ယင္းသို႔ျဖစ္စဥ္မ်ား ျဖစ္ေနစဥ္ အတြင္း တာဝန္ရွိသည့္ လံုၿခံဳေရးမ်ားက တားဆီး ကာကြယ္မွဳ နည္းပါးသည္ကို ေတြ႕ျမင္ရပါသည္။

အထက္ပါ အခ်က္အလက္မ်ားကို ေလ့လာေတြ႕ရွိရၿပီးေနာက္ စည္းကမ္း ထိန္းသိမ္းေရး ေကာ္မတီက ေအာက္ေဖာ္ျပပါ အတိုင္း အေရးယူ အျပစ္ေပးရန္ တညီတညြတ္တည္း ဆံုးျဖတ္ခဲ့ပါသည္။

၁) ယင္းပြဲတြင္ လာေရာက္ ၾကည့္ရႈခဲ့ၾကေသာ ပရိသတ္အခ်ိဳ႕၏ ျပဳမူေဆာင္ရြက္ခဲ့ျခင္း အေပၚ အိမ္ရွင္ ရတနာပံု အသင္းမွ တာ၀န္ရွိသျဖင့္ ဒဏ္ေၾကးေငြ ၁,၀၀၀,၀၀၀ိ/ (က်ပ္ တစ္ဆယ္သိန္း) ေပးေဆာင္ရန္ႏွင့္ ေနာက္ထပ္ ရတနာပံု အသင္း အိမ္ရွင္အျဖစ္ ကစားသည့္ ပြဲအား ယခုကဲ့သို႔ မလိုလားအပ္ေသာ ျဖစ္စဥ္မ်ား မျဖစ္ပြားေစရန္ ရတနာပံု အသင္းအေနျဖင့္ မိမိပရိသတ္မ်ားကို ပိုမိုစည္းရံုးအသိပညာေပး ေဆာင္ရြက္သြားၿပီး အလားတူ ျဖစ္စဥ္မ်ိဳး ထပ္မံ မျဖစ္ေစရန္ တာ၀န္ယူရမည္ ျဖစ္သည္။ အကယ္၍ တာ၀န္မယူႏိုင္ဟု ဆိုပါက အနီးကပ္ဆံုး ပြဲအား ကြင္းေျပာင္း၍ က်င္းပရန္။

(၂) ယင္းပြဲတြင္ တာ၀န္ယူခဲ့ၾကသည့္ ဒိုင္လူႀကီး (၄)ဦး ႀကီးၾကပ္ကြပ္ကဲမႈ အားနည္းသျဖင့္ ဒိုင္လူႀကီး ဌာနမွ လိုအပ္သလို အေရးယူရန္ ဆံုးျဖတ္သည္။

(၃) ယင္းပြဲတြင္ နည္းျပအျဖစ္ ေဆာင္ရြက္ခဲဲ့သည့္ ရတနာပံု အသင္းမွ Mr. Desaeyere Rene Oscar Anna ႏွင့္ ရန္ကုန္ ယူႏိုက္တက္ အသင္းမွ Mr. Miodrag Jesic တို႔သည္ ယင္းေန႔ပြဲတြင္ ဒိုင္လူႀကီးမ်ားအား ဥပေဒ ျပင္ပမွ ေန၍ ေျပာဆိုဆက္ဆံ ေစာဒကတက္ၾကေသာေၾကာင့္ ၎တို႔ႏွစ္ဦးအား တစ္ဦးလွ်င္ ဒဏ္ေၾကးေငြ ၅၀၀,၀၀၀ိ/ (က်ပ္ ငါးသိန္း) စီ ေပးေဆာင္ရန္၊ ရတနာပံု အသင္းမွ ၾကံ့ခိုင္ေရးနည္းျပ Mr. Joseph မွလည္း လူႀကီးလူေကာင္း မဆန္စြာ ျပဳမူေနခဲ့သျဖင့္ ေနာက္ေနာင္ ယခုကဲ့သို႔ မျပဳမူရန္ ေနာက္ဆံုးအႀကိမ္အျဖစ္ သတိေပးရန္။

(၄) ရန္ကုန္ ယူႏိုက္တက္ အသင္းမွ နံပါတ္(၈) ၾကည္လင္းအား စည္းကမ္းထိန္းသိမ္းေရးမူ အပိုဒ္(၃)ႏွင့္ (၁၃) အရ Ooredoo MNL 2015 (M-1) အမွတ္ေပး ၿပိဳင္ပြဲတြင္ အနီးကပ္ဆံုး (၂)ပြဲပယ္ ျပစ္ဒဏ္ က်ခံေစရန္ႏွင့္ ဒဏ္ေၾကးေငြ ၂၀၀,၀၀၀ိ/ (က်ပ္ ႏွစ္သိန္း) ေပးေဆာင္ရန္။

(၅) ဗထူးကြင္းတြင္ လံုၿခံဳေရးမ်ားကို ယခုထက္ပိုမို၍ အေရးယူ ေဆာင္ရြက္ထားရန္ သတိေပးသည္။

သို႔ျဖစ္ပါ၍ ျမန္မာႏိုင္ငံ ေဘာလံုးအဖြဲ႔ခ်ဳပ္ စည္းကမ္းထိန္းသိမ္းေရး ေကာ္မတီ၏ ဆံုးျဖတ္ခ်က္အား လိုက္နာပါရန္ အေၾကာင္းၾကား အပ္ပါသည္။

ခင္ေမာင္ေထြး
(ဥကၠဌ၊ စည္းကမ္းထိန္းသိမ္းေရး ေကာ္မတီ)

The post ရတနာပုံႏွင့္ ရန္ကုန္ပြဲစဥ္ ျဖစ္ရပ္ကုိ စည္းကမ္း ထိန္းသိမ္းေရးက အေရးယူၿပီ appeared first on ဧရာ၀တီ.

ျမန္မာႏွင့္ ၾသစေၾတးလ် အမ်ိဳးသမီး ေဘာလံုးအသင္းတို႔ ၂၀၁၃ ခုႏွစ္၊ စက္တင္ဘာ ၁၈ ရက္ေန႔က ခ်စ္ၾကည္ေရး ယွဥ္ၿပိဳင္ေနစဥ္ (ဓာတ္ပံု – ေဂ်ပိုင္ / ဧရာ၀တီ)

ျမန္မာႏုိင္ငံတြင္ အမ်ဳိးသမီးလိဂ္ ေဘာလံုးၿပိဳင္ပြဲမ်ားကို ၂၀၁၆ ခုႏွစ္ ႏွစ္ဆန္းပိုင္းတြင္ စတင္ က်င္းပသြားရန္ ျမန္မာႏုိင္ငံ ေဘာလံုးအဖြဲ႔ခ်ဳပ္က စီစဥ္ေနသည္ဟု ၾကားသိရသည္။

ျမန္မာ အမ်ဳိးသမီး လက္ေရြးစင္ ေဘာလံုးအသင္းသည္ ၁၉၉၅ ခုႏွစ္ အေရွ႕ေတာင္အာရွ အားကစားပြဲတြင္ ထည့္သြင္း က်င္းပသည့္ အမ်ဳိးသမီး ေဘာလံုးၿပိဳင္ပြဲတြင္ ၀င္ေရာက္ ယွဥ္ၿပိဳင္ခဲ့သည္။ ယင္းသို႔ ယွဥ္ၿပိဳင္ၿပီးေနာက္ ႏွစ္ေပါင္း ၂၀ တိတိ ၾကာျမင့္ၿပီး ေနာက္ ၂၀၁၆ ခုႏွစ္၊ ႏွစ္ဆန္းက်မွသာ အမ်ဳိးသမီးလိဂ္ ေဘာလံုးၿပိဳင္ပြဲကို စတင္က်င္းပရန္ ျပင္ဆင္ ေနျခင္းပင္ ျဖစ္သည္။

အမ်ဳိးသမီးမ်ား ေဘာလံုးကစားျခင္းကို ေလ့လာသည့္အခါ အာရွတြင္ လည္းေကာင္း၊ ကမၻာတြင္ လည္းေကာင္း ျမန္မာ ႏိုင္ငံသည္ အေစာဆံုး က်သည္ဟု ဆိုႏိုင္ပါသည္။ အဘယ္ေၾကာင့္ ဆိုေသာ္ ၁၉၅၅ ခုႏွစ္ကတည္းက အမ်ိဳးသမီး ေဘာလံုး ၿပိဳင္ပြဲမ်ား စတင္ႏိုင္ခဲ့ ေသာေၾကာင့္ ျဖစ္သည္။ ယင္းႏွစ္တြင္ အမ်ဳိးသား ကိုယ္လက္ႀက့ံခိုင္ေရး ေကာင္စီ၊ အမ်ဳိးသမီး ကို္ယ္လက္ႀကံ့ခိုင္ေရး ခ႐ုိင္အဆင့္ ႀက့ံခိုင္ေရး စည္း႐ံုး ေရးမႉး သင္တန္းသူမ်ားကုိ အထက္ ျမန္မာျပည္ႏွင့္ ေအာက္ ျမန္မာျပည္ အမ်ဳိးသမီး ေဘာလံုးသင္းမ်ား အျဖစ္ ၂ သင္းဖြဲ႔စည္းကာ ေအာင္ဆန္း အားကစားၿပိဳင္၀င္း၌ ကစားခဲ့ၾကျခင္း ျဖစ္သည္။ ယင္းမွ စ၍ ျမန္မာႏုိင္ငံတြင္ အမ်ိဳးသမီး ေဘာလံုးပြဲမ်ား စတင္ခဲ့ေသာ္လည္း ႏွစ္အနည္းငယ္ အၾကာတြင္ အမ်ိဳးသမီးမ်ား ေဘာလံုး ကစားျခင္းကို ပိတ္ပင္ခံခဲ့သည္။

ဇရာအုိတုိ႔ ဖ်က္

အမ်ိဳးသမီး ေဘာလံုးၿပိဳင္ပြဲမ်ားကို အားေပးသူ ပရိသတ္မ်ား အတန္အသင့္ ရွိခဲ့သည္။ အမ်ဳိးသမီး ေဘာလံုး အသင္းမ်ား လည္း အထူးသျဖင့္ ခ႐ုိင္ ၿမိဳ႕ႀကီးတုိင္းတြင္ ဖြဲ႔စည္းႏုိင္ခဲ့ၾကသည္။ သို႔ရာတြင္ ရန္ပံုေငြပြဲ အေၾကာင္းျပကာ၊ အမ်ဳိးသမီးမ်ား ႏွင့္ ဇရာအို အမည္ခံ ဇရာ မအုိတအုိ လူႀကီးမင္းမ်ားႏွင့္ မိန္းမပ်ဳိေလးမ်ား ကစားသည့္ ေဘာလံုးပြဲမ်ား ေခတ္စားလာခဲ့ သည္။

ဇရာအုိေဘာလံုး အသင္းမွာ ဌာနဆုိင္ရာ အႀကီးအကဲ အမ်ားစုျဖင့္ ဖြဲ႔စည္းထားၾကသည့္ အသင္းမ်ား ျဖစ္သည္။

ယင္းဇရာအုိႏွင့္ ကညာပ်ဳိ ေဘာလုံးပြဲမ်ားမွာ အမ်ဳိးသမီးမ်ား ေဘာလံုးပညာ တိုးတက္ေရး အတြက္ မည္သုိ႔မွ် အေထာက္ အကူ မျဖစ္ခဲ့ပါ။ အေပ်ာ္သေဘာမ်ဳိး၊ ေဖ်ာ္ေျဖခံ သေဘာမ်ဳိး သက္ေရာက္ခဲ့သည္။ ေတာ္လွန္ေရး ေကာင္စီ အစုိးရ အာဏာသိမ္းၿပီးေနာက္ အမ်ဳိးသမီးမ်ား ေဘာလံုးကစားျခင္းကို ပိတ္ပင္ခဲ့သည္။

အမွန္က ဇရာအုိေရာ ဇရာမအုိတာေရာ အစုိးရ၀န္ထမ္းမ်ား အမ်ဳိးသမီးမ်ားႏွင့္ ေဘာလံုး မကစားရဟု တားျမစ္ ခဲ့လွ်င္ ေဘာလံုးေရစီးေၾကာင္း ရပ္တန္႔သြားဖြယ္ရာ မရွိပါ။ သို႔ရာတြင္ ၁၉၉၀ ျပည့္ ၀န္းက်င္တြင္ အမ်ဳိးသမီး ေဘာလံုး အသင္းမ်ား ျပန္လည္ေပၚထြက္လာသည္။ ေရႊဘုိ၊ မႏၲေလး၊ ျပင္ဦးလြင္၊ ေတာင္ႀကီး၊ ေက်ာက္ပန္းေတာင္း ၿမိဳ႕မ်ားမွ အမ်ဳိးသမီး ေဘာလံုးအသင္းမ်ား မသိမသာ ေပၚထြက္လာခဲ့ၾကျခင္း ျဖစ္သည္။

ေအာက္ ျမန္မာျပည္တြင္ လည္းေကာင္း၊ ေတာင္ငူ၊ သထံု၊ ရန္ကုန္ ၿမိဳ႕တို႔တြင္ အမ်ဳိးသမီး ေဘာလံုးအသင္းမ်ား ဖြဲ႔စည္း လာၾကၿပီး၊ အခ်င္းခ်င္း ခ်စ္ၾကည္ေရး ပြဲမ်ား၊ မိတ္ဆက္ပြဲမ်ား ကစားလာ ၾကသည္။

ပဲခူးၿမိဳ႕တြင္ ကစားခဲ့ၾကသည္။ ေတာင္ငူႏွင့္ သထံုအမ်ဳိးသမီးအသင္းတုိ႔ ကစားသည့္ အမ်ဳိးသမီး ေဘာလံုး အသင္းကုိ ထုိစဥ္က ပဲခူးတုိင္း ေဒသပါတီ ဥကၠ႒ႏွင့္ တုိင္း လံုၿခံဳေရးႏွင့္ အုပ္ခ်ဳပ္ေရး ေကာ္မတီ (လအက) ဥကၠ႒တို႔ ကိုယ္တုိင္ တတ္ေရာက္ အားေပး ခ့ဲၾကသည္။

ဆီးဂိမ္းႏွင့္ အမ်ဳိးသမီးပြဲ

ျမန္မာႏုိင္ငံတြင္ အမ်ဳိးသမီးမ်ား ေဘာလံုးကစားျခင္း ျပန္လည္ ထြန္းကားလာေအာင္၊ အေရွ႕ေတာင္အာရွ အားကစား ၿပိဳင္ပြဲက တြန္းအားေပးခဲ့ျခင္း ျဖစ္သည္။ ထုိင္းႏုိင္ငံ ဇင္းမယ္တြင္ က်င္းပခဲ့သည့္ ၁၉၉၅ အေရွ႕ေတာင္အာရွ အားကစား ၿပိဳင္ပြဲတြင္ ပထမဆံုး အႀကိမ္ စတင္ က်င္းပခဲ့သည့္ အမ်ဳိးသမီးေဘာလံုးၿပိဳင္ပြဲတြင္ ပါ၀င္ယွဥ္ၿပိဳင္ရန္ အတြက္ အမ်ဳိးသမီး ေဘာလံုး ၿပိဳင္ပြဲမ်ားကုိ တရား၀င္ က်င္းပႏုိင္ခဲ့သည္။

ႏွစ္ ၂၀ ေနာက္က်

အေရွ႕ေတာင္ အာရွ အားကစားပြဲတြင္ ေဘာလံုး အားကစား ထည့္သြင္း က်င္းပျခင္းမွာ အာရွအမ်ဳိးသမီး တံခြန္စုိက္ ေဘာလံုးၿပိဳင္ပြဲ စတင္ က်င္းပသည္ထက္ ႏွစ္ေပါင္း ၂၀ တိတိၾကာမွ် ေနာက္က်ခဲ့သည္။

ပထမဆံုး အႀကိမ္ေျမာက္အာရွတံခြန္စုိက္ အမ်ဳိးသမီး ေဘာလံုးၿပိဳင္ပြဲကုိ ၁၉၇၅ ခုႏွစ္တြင္ ေဟာင္ေကာင္၌ ျပဳလုပ္ခဲ့သည္။ နယူးဇီလန္ အသင္းက ပထမရၿပီး ထုိင္းႏုိင္ငံက ဒုတိယရသည္။ အာရွ အမ်ဳိးသမီး ေဘာလံုး အဖြဲ႔ခ်ဳပ္ စတင္ ဖြဲ႔စည္းၿပီး ၇ ႏွစ္ အၾကာမွာ အာရွတံခြန္စုိက္ အမ်ဳိးသမီး ေဘာလံုးၿပိဳင္ပြဲ က်င္းပႏုိင္ျခင္း ျဖစ္သည္။ အာရွ အမ်ဳိးသမီးေဘာလံုး အဖြဲ႔ခ်ဳပ္ (Asia Ladies Football Confederation) ကို ၁၉၆၈ ခုႏွစ္ ဧၿပီလတြင္ စတင္ ဖြဲ႔စည္းခဲ့သည္။

အာရွ အမ်ဳိးသမီးေဘာလံုး ၿပိဳင္ပြဲေအာင္ျမင္စြာ က်င္းပခဲ့ၿပီးသည့္ ေနာက္ အာရွအမ်ဳိးသမီး ေဘာလံုး ၿပိဳင္ပြဲကုိ ၂ ႏွစ္လွ်င္ တႀကိမ္က် က်င္းပရန္ ဆံုးျဖတ္ခဲ့ၾကသည္။ သို႔ျဖင့္ ဒုတိယ အႀကိမ္ေျမာက္ အမ်ဳိးသမီး ေဘာလံုးၿပိဳင္ပြဲ ၁၉၇၇ ခုႏွစ္တြင္ တ႐ုတ္ (တုိင္ေပ) တြင္ က်င္းပခဲ့ရာ တ႐ုတ္ (တုိင္ေပ) က ထုိင္းအသင္းကုိ ၃း၁ ဂုိးျဖင့္ ႏုိင္သည္။

ထုိင္းအမ်ဳိးသမီး အသင္း

အာရွ အမ်ဳိးသမီးေဘာလံုး စတင္လႈပ္ရွားခ်ိန္တြင္ အေရွ႕ေတာင္အာရွႏိုင္ငံမ်ားထဲမွ ထုိင္းအမ်ဳိးသမီးအသင္း တသင္းတည္း သာ ပါ၀င္ခဲ့ဟန္ ရွိသည္။

ထုိင္း အမ်ဳိးသမီး ေဘာလံုးအသင္းသည္ ၁၉၇၅ ႏွင့္ ၁၉၇၇ ခုႏွစ္၊ ၁၉၈၁ ၿပိဳင္ပြဲ သံုးရပ္တြင္ ဒုတိယရခဲ့ၿပီး။ ထုိင္းႏုိင္ငံတြင္ က်င္းပသည့္ ၅ ႀကိမ္ေျမာက္ အာရွ အမ်ဳိးသမီး ေဘာလံုးၿပိဳင္ပြဲ (၁၉၈၃) တြင္ မူ ပထမ ရရွိခဲ့ သည္။ ၂ ႏွစ္လွ်င္ တႀကိမ္က် က်င္းပခဲ့ရာမွ ၆ ႀကိမ္ေျမာက္ အာရွ အမ်ဳိးသမီး ေဘာလံုးပြဲကုိ ၁၉၈၃ ခုႏွစ္ ၿပိဳင္ပြဲ အၿပီး ၃ ႏွစ္အၾကာ ၁၉၈၆ ခုႏွစ္တြင္ ေဟာင္ေကာင္ၿမိဳ႕၌ က်င္းပခဲ့သည္။

အာရွ အမ်ဳိးသမီး ေဘာလံုးၿပိဳင္ပြဲ သြင္ျပင္လကၡဏာ ျပယုဂ္ ေျပာင္းသြားသည့္ႏွစ္ပင္ ျဖစ္သည္။ တ႐ုတ္ႏွင့္ ဂ်ပန္ အမ်ဳိးသမီး ေဘာလံုးအသင္းမ်ား စတင္ ပါ၀င္ယွဥ္ၿပိဳင္ လာၾကသည္။ တ႐ုတ္အသင္းက ဂ်ပန္ အမ်ဳိးသမီး အသင္းကုိ ၂း၀ ဂုိးျဖင့္ ႏုိင္ၿပီး ေရႊတံဆိပ္ရခဲ့သည္။

ျမန္မာအမ်ဳိးသမီး

ျမန္မာႏုိင္ငံတြင္ ပထမဆံုးေသာ အမ်ဳိးသမီးေဘာလံုးပြဲကုိ ၁၉၅၅ ခုႏွစ္တြင္ တရား၀င္ စတင္ခဲ့သည္။ ၁၉၅၅ ခုႏွစ္ ဇူလုိင္လ ၁၆ တြင္ ေအာင္ဆန္း အားကစားၿပိဳင္၀င္း၌ ကစားခဲ့ျခင္းျဖစ္သည္။ ျမန္မာႏုိင္ငံတြင္ အမ်ဳိးသမီးမ်ား ေဘာလံုး ကစားျခင္းကုိ စတင္ခဲ့ၾကသည့္ အမ်ဳိးသမီးမ်ားမွာ အမ်ဳိးသမီး အားကစားမႉး သင္တန္းသူမ်ား ျဖစ္ၾကသည္။

အထက္ျမန္မာျပည္

အထက္ျမန္မာျပည္ အသင္းတြင္ (ဂုိး) အင္ဖန္ဂ်နာ၊ (၂ ေယာက္တန္း) စုစုဦး (မင္းဘူး)၊ စိန္စိန္၀င္း (ေရႊဘုိ)၊ (၃ ေယာက္ တန္း) စိန္စိန္ (သရက္)၊ မခင္ေဌး (ဗန္းေမာ္)၊ ရင္ရင္( ခ်င္း၀ိေသသတုိင္း)၊ ေရွ႕တန္း ၅ ေယာက္၊ ညိဳညိဳ (မံုရြာ)၊ ေအးေအးဆင့္ (ဗန္းေမာ္)၊ ခင္ခင္ေထြး (ဗန္းေမာ္)၊ ဂေရစီကား (မမုိးေအး) (ဗန္းေမာ္) ႏွင့္ မနန္းရင္ (ေတာင္ႀကီး) တို႔ ျဖစ္ၾကသည္။

ေအာက္ျမန္မာျပည္

ေအာက္ျမန္မာျပည္ ကိုယ္စားျပဳ အမ်ဳိးသမီး ေဘာလံုးအသင္းတြင္ ပါ၀င္ကစားၾကသူမ်ားမွာ (ဂုိး) မခင္ရီ (ပဲခူး)၊ (၂ ေယာက္တန္း) စန္းယုျမင့္ (ေျမာင္းျမ)၊ မယ္ဗမာ ခင္စန္းၾကြယ္ (ရန္ကုန္)၊ (၃ ေယာက္တန္း) မေငြတင္ (သံတြဲ)၊ မအုန္းၾကည္ (ထား၀ယ္)၊ မတင္ရီ (လိြဳင္ေကာ္)၊ (၅ေယာက္တန္း) မ်ဳိးျမင့္ၾကည္( ရန္ကုန္)၊ ျဖဴျဖဴ (အင္းစိန္)၊ လီလီၾကာညႊန္ (ရန္ကုန္)၊ ေနာ္ခူး (ဘားအံ) ၊ စုစု (သံလ်င္) တုိ႔ ျဖစ္ၾကသည္။

ယင္းပြဲတြင္ အထက္ျမန္မာျပည္ အမ်ဳိးသမီး အသင္းက ၂ ဂုိး၊ ဂုိးမရွိျဖင့္ အႏုိင္ရခဲ့သည္။ ဤသည္ကိုေလ့လာၾကည့္လွ်င္ ျမန္မာႏိုင္ငံ၌ အမ်ဳိးသမီး အားကစား ျဖစ္ထြန္းမႈမွာ ၁၉၇၅ ခုႏွစ္တြင္ စတင္သည့္ အာရွတံခြန္စုိက္ အမ်ဳိးသမီး ေဘာလံုးၿပိဳင္ပြဲ ထက္ ႏွစ္ေပါင္း ၂၀ ထိေစာသည္ကို ေတြ႔ရသည္။

ဆီးဂိမ္း

အေရွ႕ေတာင္အာရွ အားကစားပြဲကုိ ၁၉၇၇ ခုႏွစ္တြင္ “ကြ်န္းဆြယ္” အမည္ေျပာင္း၍ စတင္ခဲ့သည္။ ၁၈ ႏွစ္ တိတိ အၾကာက်မွ အမ်ဳိးသမီး ေဘာလံုးၿပိဳင္ပြဲကုိ ၁၉၉၅ ခုႏွစ္ ဒီဇင္ဘာတြင္ စတင္က်င္းပခဲ့သည္။ သုိ႔ျဖစ္ရာ အာရွအမ်ဳိးသမီး ေဘာလံုးၿပိဳင္ပြဲ ပထမဆံုး စတင္က်င္းပၿပီး ႏွစ္ေပါင္း ၂၀ ၾကာတြင္ အာဆီယံ ေဒသတြင္ ျမန္မာ့ ႏုိင္ငံထက္ ႏွစ္ေပါင္း ၄၀ တိတိၾကာမွ အာဆီယံ ေဒသတြင္း အမ်ဳိးသမီးေဘာလံုးပြဲ စတင္က်င္းပျခင္း ျဖစ္သည္။

ျမန္မာအမ်ဳိးသမီးအသင္း

၁၉၉၅ ခုႏွစ္က်မွ စတင္၍ က်င္းပသည့္ အာဆီယံေဒသတြင္း အမ်ဳိးသမီး ေဘာလံုးၿပိဳင္ပြဲတြင္ ျမန္မာ လက္ေရြးစင္ အမ်ဳိးသမီးအသင္း စတင္ပါ၀င္ခဲ့သည္။ အမ်ဳိးသမီး ကလပ္အသင္း ၿပိဳင္ပြဲမ်ား မရွိေသး သျဖင့္ တုိင္းႏွင့္ ျပည္နယ္ အမ်ဳိးသမီး ေဘာလံုးၿပိဳင္ပြဲမွ တဆင့္လက္ေရြးစင္ ကစားသမားမ်ားကုိ ေရြးခ်ယ္ဖြဲ႔စည္းခဲ့ၿပီး၊ ဆီးဂိမ္း အမ်ဳိးသမီး ေဘာလံုးၿပိဳင္ပြဲ စတင္ ပါ၀င္ယွဥ္ၿပိဳင္ခဲ့ျခင္း ျဖစ္သည္။

ပထမဆံုး ျမန္မာလက္ေရြးစင္ အမ်ဳိးသမီး ေဘာလံုးသမားမ်ားမွာ၊ ၀ါ၀ါမိုး၊ ခင္ေမသန္း၊ ျမျမခုိင္ (ခ) ေဗဒါ၊ ျမင့္ျမင့္လႈိင္၊ ေအးေအးေမာ္၊ ညိဳညိဳေအာင္၊ ရင္ရင္ဦး၊ တင္ေအးႀကိဳင္၊ မျမရီ၊ သီတာေအး၊ ကိုလွ၊ ရင္မုိးေအး၊ ဦးလာၾကြယ္၊ စန္းစန္းၾကဴ၊ ႏုႏုခုိင္၀င္း၊ သီတာၾကည္၊ ၀င္း၀င္းမာႏွင့္ လွလွသန္းတို႔ ျဖစ္သည္။

ဇင္းမယ္ဆီးဂိမ္းတြင္ ျမန္မာအမ်ဳိးသမီး ေဘာလံုးအသင္းသည္ ပထမပြဲ၌ စင္ကာပူအသင္းႏွင့္ ကစားရသည္။ ၁း၀ ဂုိးျဖင့္ ႏုိင္သည္။ ဒုတိယပြဲတြင္ ဖိလစ္ပိုင္အသင္းႏွင့္ ကစားရသည္ တဂုိးစီ သေရက်သည္။ တတိယပဲြ အျဖစ္ ထုိင္းအမ်ဳိးသမီး အသင္းႏွင့္ ျမန္မာအမ်ဳိးသမီးတို႔ ကစားရာ ၃ ဂုိးစီ သေရက်သည္။

ေနာက္ဆံုး အျဖစ္ မေလးရွားႏွင့္ ကစားရာ ၃း၅ ဂုိးျဖင့္ ႐ံႈးသည္။ ျမန္မာအမ်ဳိးသမီး အသင္းသည္ ၄ ပြဲကစားရာ တပြဲႏုိင္၊ ႏွစ္ပြဲသေရ၊ တဂုိး႐ံႈးျဖင့္ ၅ မွတ္ရသည္။ ၉ ဂုိးသြင္းၿပီး ၉ ဂိုးျပန္အသြင္းခံရသည္။ ဖိလစ္ပိုင္ အသင္းႏွင့္ အမွတ္ျခင္း တူေသာ္လည္း ဂုိးကြာဟခ်က္ျဖင့္ တတိယရသည္။ ယင္းပြဲမွ စတင္ကာ အမ်ဳိးသမီးေဘာလံုးပြဲ ထည့္သြင္း က်င္းပသည့္ ဆီးဂိမ္း တုိင္းတုိင္းတြင္ ဒုတိယ၊ တတိယ တဆုဆု အၿမဲရသည္။

ဆီးဂိမ္းတြင္ ေရႊမရ ေသးေတာ္လည္း အာဆီယံေဒသ တြင္း သက္တမ္း အလုိက္ၿပိဳင္ပြဲမ်ား၊ အာဆီယံေဘာလံုး အဖြဲ႔ခ်ဳပ္ အမ်ဳိးသမီးတံခြန္စုိက္ ေဘာလံုးၿပိဳင္ပြဲမ်ားတြင္ ေရႊတံဆိပ္မ်ား ဆြတ္ခူးထားသည္။

အုိလံပစ္ႏွင့္ ကမၻာ့ေဘာလံုးပြဲ

ကမၻာ့အိုလံပစ္ အားကစားပြဲတြင္ အမ်ဳိးသမီးေဘာလံုးပြဲ စတင္ထည့္သြင္း က်င္းပသည့္မွာ ၁၉၉၆ ခုႏွစ္က်မွ ျဖစ္သည္။ အေမရိကန္ ျပည္ေထာင္စုက ပထမ၊ တ႐ုတ္ ျပည္သူ႔သမၼတႏုိင္ငံက ဒုတိယႏွင့္ ေနာ္ေ၀အသင္းက တတိယ ရသည္။

ကမၻာ့ဖလား အမ်ဳိးသမီး ေဘာလံုးၿပိဳင္ပြဲမွာ အိုလံပစ္ထက္ ေလးႏွစ္ေစာ၍ ၁၉၉၁ ခုနွစ္တြင္ က်င္းပခဲ့သည္။ တ႐ုတ္ႏုိင္ငံ တြင္ က်င္းပခဲ့သည္။ပထမဆံုး အမ်ဳိးသမီးကမၻာ့ေဘာလံုး ၿပိဳင္ပြဲတြင္ အေမရိကန္ အမ်ဳိးသမီး ေဘာလံုး အသင္းက ေနာ္ေ၀ အသင္းကုိ ၂း၁ ဂိုးျဖင့္ ႏိုင္ၿပီး ပထမ ရရိွခဲ့သည္။ ၂၀၁၁ ကမၻာ့ဖလား အမ်ဳိးသမီး ေဘာလံုးၿပိဳင္ပြဲတြင္ ဂ်ပန္ အသင္းက အိမ္ရွင္ ဂ်ာမနီအသင္းကို ႏုိင္ၿပီး ပထမရခဲ့သည္။

ျမန္မာႏိုင္ငံတြင္မူ ျပည္တြင္း၌ တုိင္းႏွင့္ ျပည္နယ္ ၿပိဳင္ပြဲမွတပါး၊ အမ်ဳိးသမီး ေဘာလံုးပြဲမ်ား မယ္မယ္ရရ မရွိပါဘဲႏွင့္ လက္ေရြးစင္ အသင္းဖြဲ႔စည္းၿပီး အုိလံပစ္ႏွင့္ ကမၻာ့အဆင့္တြင္ ေျခစစ္ပြဲ၀င္ေရာက္ ကစားခဲ့သည္။ အာရွ အဆင့္ ၿပိဳင္ပြဲမ်ား ၀င္ေရာက္ ယွဥ္ၿပိဳင္ခဲ့သည္။

ယခုအခါ အမ်ဳိးသမီး ေဘာလံုး ကလပ္အသင္းမ်ား ဖြဲ႔စည္းၿပီး အမ်ဳိးသမီးလိဂ္ ေဘာလံုးၿပိဳင္ပြဲမ်ား က်င္းပရန္ စီစဥ္ေနၿပီ ျဖစ္ရာ၊ ျမန္မာအမ်ဳိးသမီး ေဘာလံုး အဆင့္အတန္း ယခုထက္ ပိုမုိျမင့္မားလာဖြယ္ ရွိသည္ဟု သံုးသပ္ရပါသည္။ ။

The post ျမန္မာအမ်ိဳးသမီး ေဘာလံုးအသင္း စတင္ရာႏွင့္ အမ်ဳိးသမီးလိဂ္ ၿပိဳင္ပြဲမ်ား ေရွ႕ခရီး ဘယ္လိုလဲ appeared first on ဧရာ၀တီ.

ျမန္မာ ယူ-၁၉ အသင္း (ဓာတ္ပံု – MFF)

ပထမဆုံး ၀န္ခံလိုသည္ကေတာ့ အေရွ႕ေတာင္အာရွ ေဘာလုံးအဖြဲ႔ခ်ဳပ္ AFF ယူ-၁၉ အမ်ဳိးသား တံခြန္စိုက္ ေဘာလုံးၿပိဳင္ပြဲႏွင့္ ပတ္သက္၍ စာေရးသူ၏ အမွား ျဖစ္ပါသည္။ စာေရးသူက မေလးရွား ယူ-၁၉ အသင္းကို ျမန္မာ ယူ-၁၉ အသင္းက အႏုိင္ရၿပီးသည့္အခါ ျမန္မာအသင္း အႀကိဳ ဗိုလ္လုပြဲတက္ၿပီဟု ေျပာခဲ့၊ ေရးခဲ့ပါသည္။

မေလးရွား အသင္းႏွင့္ ရမွတ္ခ်င္းတူေသာ္လည္း ႏွစ္သင္းေတြ႔ဆုံ ကစားစဥ္က ထြက္ေပၚလာသည့္ အရႈံး အႏုိင္္ရလဒ္ Head to Head ျဖင့္ ပထမဦးစြာ ဆုံးျဖတ္လိမ့္မည္ဟု ယုံၾကည္ထားပါသည္။

ယုံၾကည္ရျခင္းမွာလည္း အေၾကာင္းမဲ့ မဟုတ္ပါ။ ၂၀၁၃ ေနျပည္ေတာ္ ဆီးဂိမ္း ေဘာလုံးၿပိဳင္ပြဲတြင္ သု၀ဏၰကြင္း၌ ျမန္မာ အသင္းႏွင့္ အင္ဒိုနီးရွား အသင္းတို႔ အုပ္စုပြဲ ကစားရသည္။ အင္ဒိုနီးရွားက ျမန္မာအသင္းကို ၁-၀ ျဖင့္ ႏိုင္သည္။ ျမန္မာႏွင့္ ရမွတ္ခ်င္း တူသည္။ ျမန္မာက ဂိုးကြာခ်က္သာသည္။ သို႔ေသာ္ အမွတ္ခ်င္းတူလွ်င္ ႏွစ္သင္း ကစားခဲ့စဥ္က အရႈံးအႏိုင္ ရလဒ္ Head to Head ျဖင့္ ဆုံးျဖတ္ၿပီး အင္ဒိုနီးရွားအသင္း အႀကိဳဗိုလ္လုပြဲတက္သည္။ ျမန္မာအသင္းက အုပ္စုက ထြက္ရသည္။ ပြဲပ်က္သည္။

ေနာက္ ၂ ႏွစ္ခန္႔ ၾကာေသာအခါ ၂၀၁၅ ခုႏွစ္ အတြင္း အာဆီယံ ယူ-၁၉ ေဘာလုံးၿပိဳင္ပြဲ က်င္းပသည္။ ျမန္မာ အသင္းက စင္ကာပူကို ၁-၀၊ မေလးရွားကိုလည္း ၁-၁ ျဖင့္ ႏုိင္သည္။ အေရွ႕တီေမာ အသင္းႏွင့္ တဂိုးစီ သေရက်သည္။ ဗီယက္နမ္ႏွင့္ ကစားရန္ လက္က်န္ တပြဲရွိသည္။ မေလးရွားကလည္း ၂ ပြဲႏိုင္၊ တပြဲသေရ၊ တပြဲရႈံးျဖင့္ ၇ မွတ္ ပင္ရသည္။ ကစားရန္ လက္က်န္ပြဲ မရွိေတာ့ပါ။ သို႔ျဖစ္ရာ ယခင္ AFC တို႔ AFF တို႔ က်င့္သုံးသည့္ အုပ္စုတြင္း အမွတ္တူလွ်င္ Head to Head စနစ္ျဖင့္ မဆုံးျဖတ္ဘဲ ဂိုးကြာဟခ်က္ အသာျဖင့္သာ ဆုံးဖတ္မည္ဟု ျမန္မာ မီဒီယာမ်ားတြင္ သတင္းပါလာသည္။ ဤသတင္းသာ အမွန္ျဖစ္လွ်င္ AFC သည္ လည္းေကာင္း၊ AFF သည္ လည္းေကာင္း ေဘာလုံးၿပိဳင္ပြဲ က်င္းပရာ တူညီမႈ မရွိဟုသာ စြပ္စြဲရေတာ့မလို ျဖစ္ေနသည္။

အာရွေျခစစ္ပြဲ

သို႔ရာတြင္ တခုေတာ့ ရွိသည္။ ယခု က်င္းပလ်က္ ရွိသည့္ အာဆီယံ ယူ-၁၉ ေဘာလုံးၿပိဳင္ပြဲမွာ ၂၀၁၆ ခုႏွစ္တြင္ ေတာင္ကိုရီးယား ႏိုင္ငံ၌ က်င္းပမည့္ ကမၻာ့ယူ-၂၀ ေဘာလုံးၿပိဳင္ပါ အတြက္ အေရွ႕ေတာင္အာရွ ႏိုင္ငံမ်ားအတြက္ ေျခစစ္ပြဲဆိုလွ်င္ေတာ့ Head to Head မဟုတ္ဘဲ ဂိုးကြာခ်က္ျဖင့္ အမွတ္တူႏွစ္သင္း အရႈံးအႏုိင္ ဆုံးျဖတ္ပါလိမ့္မည္။

သို႔ျဖစ္ရာ ယခုက်င္းပလ်က္ ရွိသည့္ အာဆီယံ ယူ-၁၉ ေဘာလုံးပြဲသည္ မည္သည့္ အမ်ဳိးအစား ၿပိဳင္ပြဲမ်ဳိးပါနည္း၊ FIFA ယူ-၂၀ ကမၻာ့ဖလားပြဲ အတြက္ ေျခစစ္ပြဲေလာ၊ သို႔တည္းမဟုတ္ AFF ယူ-၁၉ ေဘာလုံးၿပိဳင္ပြဲေလာ၊ ႐ိုးသားစြာ ၀န္ခံရလွ်င္ စာေရးသူေတာ့ ကြဲကြဲျပားျပား မသိပါ။ တျခားမီဒီယာမ်ားမွလည္း သိၾကမည္ မထင္ပါ။

အာဆီယံ ယူ-၁၉ ေဘာလုံးၿပိဳင္ပြဲႏွင့္ ပတ္သက္၍ ယခုပြဲသည္ မည္သည့္ အမ်ဳိးအစား ၿပိဳင္ပြဲတြင္ ပါ၀င္သည္ ဆိုျခင္းကို ျမန္မာႏုိင္ငံ ေဘာလုံးအဖြဲ႔ခ်ဳပ္ မီဒီယာဌာနက ျမန္မာျပည္သူမ်ား သိရွိႏိုင္ေအာင္ ႀကိဳတင္ သတင္း ထုတ္ျပန္ေပးသင့္သည္။ ျမန္မာျပည္သူတို႔က အနည္းႏွင့္အမ်ား ျမန္မာလက္ေရြးစင္ ေဘာလုံးအသင္းမ်ား အေပၚ ျပန္လည္ စိတ္၀င္စား လာေနခ်ိန္တြင္ ျမန္မာႏိုင္ငံ ေဘာလုံးအဖြဲ႔ခ်ဳပ္က ေဘာလုံး၀ါသနာရွင္ ျပည္သူမ်ားကို ေလးစားသင့္သည္။

ယခု ယွဥ္ၿပိဳင္ခဲ့သည့္ အာဆီယံ ယူ-၁၉ ေဘာလုံးၿပိဳင္ပြဲမွာ အာဆီယံႏိုင္ငံမ်ားအတြင္း ၿပိဳင္ပြဲသာ ဆိုလွ်င္ အေရးမႀကီးပါ။ သို႔ေသာ္ ကမာၻ႔ ယူ-၂၀ ေဘာလုံးၿပိဳင္ပြဲအတြက္ အာဆီယံႏိုင္ငံ အခ်င္းခ်င္း ေျခစစ္ပြဲဆိုလွ်င္ သတင္းတိုင္း အတြက္ အေရးႀကီး ပါသည္။ ဤေျခစစ္ပြဲေအာင္မွ အာရွဇုန္ေျခစစ္ပြဲ ၀င္ခြင့္ရမည္ ျဖစ္ပါသည္။

Head to Head မဟုတ္၊ ဂိုးကြာဟခ်က္ျဖင့္သာ ဆုံးျဖတ္ခဲ့လွ်င္ ၾသဂုတ္လ ၃၁ ရက္ေန႔တြင္ ကစားခဲ့သည့္ ျမန္မာႏွင့္ ဗီယက္နမ္ပြဲကို ႏွလုံးသားႏွင့္ေရာ ဦးေႏွာက္ႏွင့္ပါ ခံစားၾကည့္ရႈမိသည္။

ျမန္မာ လက္ေရြးစင္ ေဘာလုံးအသင္းမ်ားမွာ သေရက်ၿပီး ၁ မွတ္ ရ႐ုံျဖင့္ အႀကိဳဗိုလ္လုပြဲ ေရာက္ႏုိင္သည့္ အခြင့္အေရးေကာင္းကို စြန္႔လႊတ္ခဲ့ေသာေၾကာင့္ ျဖစ္သည္။

ယခုလည္း အာဆီယံ ယူ-၁၉ တံခြန္စိုက္ ၿပိဳင္ပြဲတြင္ မေလးရွားအသင္းကို ႏိုင္ၿပီး သြင္းဂိုး၊ ေပးဂိုး ျခားနားခ်က္ေၾကာင့္ အုပ္စုတြင္းမွပင္ ထြက္ခဲ့ရ ျပန္သည္။

အာရွ သို႔မဟုတ္ အေရွ႕ေတာင္အာရွ ေဘာလုံးအဖြဲ႔ခ်ဳပ္တို႔၏ ၿပိဳင္ပြဲက်င္းပေရး စည္းကမ္းဥပေဒမ်ား ခုတမ်ဳိး၊ ေတာ္ေတာ္ၾကာတမ်ဳိး၊ အမ်ဳိးမ်ဳိးေျပာင္းလဲမႈ၏ သားေကာင္မွာ ျမန္မာလက္ေရြးစင္ ေဘာလုံးအသင္းတခ်ဳိ႕ ျဖစ္ေနသည္။ အနီးကပ္ဆုံး ေျပာရလွ်င္ ၂၀၁၃ ေနျပည္ေတာ္ ဆီးဂိမ္း ေဘာလုံးၿပိဳင္ပြဲ အုပ္စုပြဲ အတြင္း၌ အင္ဒိုနီးရွား အသင္းက ျမန္မာ ယူ-၂၃ အသင္းကို ႏိုင္ၿပီး အမွတ္ခ်င္းတူသည္။ ျမန္မာအသင္းက ဂိုးကြာျခားခ်က္ေကာင္းသည္။ သို႔ေသာ္ အမွတ္တူရသည့္ အသင္းႏွစ္သင္း ရွိေနလ်င္ ယင္းႏွစ္သင္း ကစားစဥ္က Head to Head ထြက္ေပၚလာသည့္ ရလဒ္အတိုင္း ဆုံးျဖတ္ရမည္ ဟူသည့္ စည္းကမ္းစည္းမ်ဥ္း အရ၊ အင္ဒိုနီးရွားက အႀကိဳဗိုလ္လုပြဲတက္သည္။ ျမန္မာ အသင္းက ၿပိဳင္ပြဲမွ ထြက္ရသည္။

၂၀၁၅ အာဆီယံ ယူ-၁၉ တံခြန္စိုက္ ေဘာလုံးက်ေတာ့ Head to Head မဟုတ္ျပန္၍ ျမန္မာ ယူ-၁၉ အသင္း အုပ္စုအဆင့္မွ လွည့္ျပန္ခဲ့ရသည္မွာ အားလုံးအသိပင္ ျဖစ္သည္။ ဤစနစ္အတိုင္း ဆက္သြားေနလွ်င္ အေရွ႕ေတာင္ အာရွ ေဒသအတြင္းမွ ႏိုင္ငံမ်ား ေဘာလုံးအဆင့္အတန္း တိုးတက္ေရးဆိုသည္မွာ ေရႊျပည္ေတာ္ ေမွ်ာ္ေလတိုင္း ေ၀းေနဦးမည္ ျဖစ္သည္။

ေျပးခုန္ပစ္

တ႐ုတ္ႏိုင္ငံ ေဘက်င္းၿမိဳ႕တြင္ ကမာၻ႔တံခြန္စိုက္ ေျပးခုန္ပစ္ၿပိဳင္ပြဲ က်င္းပခဲ့သည္။ ႐ုပ္ျမင္သံၾကားမွ တိုက္႐ိုက္ျပသည္။ ၿပိဳင္ပြဲ အားလုံးနီးပါး ၾကည့့့့့္ျဖစ္ခဲ့သည္။ ပထမဆုံး ေျပာျပခ်င္သည္ကေတာ့ ပိတ္ပြဲ အခမ္းအနားပင္ ျဖစ္သည္။ ႐ိုး႐ိုးေလးႏွင့္ ရွင္းရွင္းေလး ျဖစ္သည္။ ဖြင့္ပြဲအခမ္းအနားလည္း ဤသို႔ပင္ ရွိမည္ ထင္သည္။

စာေရးသူ တင္ျပခ်င္သည္က ကမာၻ႔အဆင့္ ၿပိဳင္ပြဲႀကီး ဖြင့္ပြဲ၊ ပိတ္ပြဲ အတြက္ တ႐ုတ္ယြမ္ေငြ သိန္းေသာင္းခ်ီ၍ မကုန္မည္ကေတာ့ ေသခ်ာသည္။ ေနာက္ထပ္ ထူးဆန္းအ့ံၾသဖြယ္ ေကာင္းသည္ကေတာ့ ေဘက်င္းပြဲၿပိဳင္ပြဲတြင္ ကမာၻ႔ ေျပးခုန္ပစ္ အင္အားႀကီးႏိုင္ငံမ်ား ျဖစ္ၾကသည့္ အေမရိကန္၊ ႐ုရွား၊ ဂ်ာမနီ၊ အဂၤလန္ စသည့္ႏိုင္ငံမ်ား ေက်ာ္လႊားကာ ကင္ညာႏိုင္ငံက ေရႊတံဆိပ္ ၇ ဆု၊ ေငြတံဆိပ္ ၆ ဆု၊ ေၾကးတံဆိပ္ ၃ ဆုျဖင့္ ႏိုင္ငံအလုိက္ ဆုတံဆိပ္ရရွိကာ ပထမေနရာ ရရွိျခင္း ျဖစ္သည္။ ဒုတိယေနရာကိုလည္း ဂ်ေမကာႏိုင္ငံက ေရႊတံဆိပ္ ၇ ဆု၊ ေငြတံဆိပ္ ၄ ဆု၊ ေၾကးတံဆိပ္ ၃ ဆုျဖင့္ ဒုတိယအဆင့္ ရပ္တည္ခဲ့သည္။ ေျပးခုန္ပစ္ အင္အားႀကီးႏုိင္ငံျဖစ္သည့္ အေမရိကန္ႏုိင္ငံကမူ ေရႊ ၆၊ ေငြ ၆၊ ေၾကး ၆ ျဖင့္ တတိယေနရာသာ ရသည္။

အိမ္ရွင္ တ႐ုတ္ႏိုင္ငံကမူ ေရႊတံဆိပ္ ၁ ဆုသာ ဆြတ္ခူးႏိုင္ၿပီး အဆင့္ ၁၁ ေနရာတြင္ ရပ္တည္ခဲ့သည္။

ကမာၻ႔တံခြန္စိုက္ ေျပးခုန္ပစ္ ၿပိဳင္ပြဲတြင္ အာရွတိုက္မွ အိမ္ရွင္ တ႐ုတ္၊ ဂ်ပန္ႏွင့္ ကာတာႏုိင္ငံတို႔ကသာ ၀င္ေရာက္ ယွဥ္ၿပိဳင္ၾကဟန္ ရွိသည္။ ယခင္က ကမၻာ့အဆင့္ ေျပးခုန္ပစ္ ၿပိဳင္ပြဲမ်ားတြင္ ျမင္ေတြ႔ရေလ့သည့္ ေျမာက္ကိုရီးယား၊ အိႏိၵယ၊ အီရန္ စသည့္ႏိုင္ငံမ်ားမွ ေျပးခုန္ပစ္သမားမ်ား မေတြ႔ရပါ။

တႏုိင္ငံတည္းပဲ၊ သို႔ေသာ္ အမွား

အေရွ႕ေတာင္အာရွ ေဒသမွာလည္း ေဒသတြင္း၌ ေျပးခုန္ပစ္ ခ်န္ပီယံ ႏိုင္ငံမ်ား ျဖစ္ၾကသည့္ ထုိင္း၊ ဗီယက္နမ္၊ အင္ဒိုနီးရွား၊ ဖိလစ္ပိုင္ႏိုင္ငံတို႔ ပါ၀င္ ယွဥ္ၿပိဳင္ၾကသည္ကို မေတြ႔ရပါ။

စာေရးသူ ၾကည့္လိုက္ရသည့္ ၿပိဳင္ပြဲမ်ားတြင္ ျမန္မာႏိုင္ငံက အမ်ဳိးသမီး မီတာ ၈၀၀ ေျပးပြဲတြင္ ၀င္ၿပိဳင္သည္ကို ေတြ႔လိုက္ရသည္။ အမ်ဳိးသမီး မီတာ ၈၀၀ ေျပးပြဲ လူေရြးပြဲအဆင့္မွပင္ ထြက္ရသည္။

ဆီးဂိမ္းမွာပင္ ေရႊတံဆိပ္မရသူကို ကမာၻ႔ေျပးခုန္ပစ္ၿပိဳင္ပြဲသို႔ ဘာေၾကာင့္ ေစလႊတ္ယွဥ္ၿပိဳင္ေစခဲ့သနည္းဟု ေမးစရာ ျဖစ္ေနသည္။ ေျပးခုန္ပစ္ ၿပိဳင္ပြဲမ်ားတြင္ စံခ်ိန္ (Record) ဟူ၍ရွိသည္။ စံခ်ိန္ ကြာလြန္းေသာေၾကာင့္ ထိုင္းတို႔ ဗီယက္နမ္ ေျပးခုန္ပစ္သမားမ်ား ကမာၻ႔တံခြန္စိုက္ ေျပးခုန္ပစ္ၿပိဳင္ပြဲသို႔ ေစလႊတ္ယွဥ္ၿပိဳင္ျခင္း မရွိဟန္တူပါသည္။ အေရွ႕ေတာင္ အာရွေဒသ၏ အားကစား အဆင့္အတန္းကို ေလ့လာလွ်င္ ႏြားေျခရာခြက္မွ်သာ ရွိသည္။ အားကစား သမားမ်ားမွာလည္း ႏြားေျခရာခြက္ေရထဲမွ ငါး ဖားေလာင္းမွ်အဆင့္သာ ရွိသည္။ ၀ါလုံးေခါင္းထဲတြင္ မလင္းတလင္း သာေနသည့္ ႀကိဳးတိုးက်ဲတဲ လေရာင္မႈန္ျပျပ အဆင့္သာ ရွိသည္။

ဆီးဂိမ္းတြင္ ေရႊတံဆိပ္မ်ားမ်ား ရရွိေရးကိုသာ ဦးစားေပးေနၾကလွ်င္ အေရွ႕ေတာင္အာရွေဒသ အားကစား အဆင့္အတန္းမွာ ကမၻာ့အားကစား အဆင့္အတန္းႏွင့္ ၾကာေလေ၀းေလ ျဖစ္မည္မွာ လြန္စြာမွ ေသခ်ာေနေၾကာင္း သံုးသပ္ရပါသည္ အားကစား ၀ါသနာရွင္ အေပါင္းတို႔ခင္ဗ်ား။    ။

The post ျမန္မာယူ- ၁၉ အသင္း အ႐ႈံုး ေနာက္ကြယ္က Head to Head ႏွင့္ ေျပးခုန္ပစ္ၿပိဳင္ပြဲ အမွားမ်ား appeared first on ဧရာ၀တီ.

ကမၻာ့ဖလား ေဘာလုံးၿပိဳင္ပြဲ၊ အာရွဇုန္ ေျခစစ္ပြဲတြင္ ၀င္ေရာက္ ယွဥ္ၿပိဳင္လ်က္ ရွိသည့္ ျမန္မာ့လက္ေရြးစင္ ေဘာလုံးအသင္းက ကူ၀ိတ္အသင္းကို ၀း၉ ျဖင့္ ရႈံးနိမ့္ေသာ အခါ ျမန္မာေဘာလုံးအဖြဲ႔ခ်ဳပ္ကို ျပစ္တင္ေ၀ဖန္မႈမ်ား ျမန္မာ မီဒီယာတခ်ဳိ႕တြင္ ေရးသားလာၾကသည္။ ျပစ္တင္ေ၀ဖန္သူမ်ားကို အဆိုးဆိုစရာ မရွိပါ။ ကူ၀ိတ္အသင္းအား ၉ ဂိုးျပတ္ ရႈံးနိမ့္ျခင္းသည္ ျမန္မာလက္ေရြးစင္ ေဘာလုံးအသင္း အတြက္ အရႈံးစံခ်ိန္ေဟာင္းကိုခ်ဳိး၍ စံခ်ိန္သစ္ တင္လိုက္ျခင္းပင္ ျဖစ္သည္။ စံခ်ိန္ေဟာင္းမွာ ဆီးဂိမ္း အျဖစ္ ေျပာင္းလဲ က်င္းပသည့္ ၁၉၇၇ ခုႏွစ္၊ မေလးရွား ဆီးဂိမ္း ေဘာလုံးၿပိဳင္ပြဲတြင္ အႀကိဳဗိုလ္လုပြဲ၌ အိမ္ရွင္ မေလးရွားအသင္းကို ၁း၉ ဂုိးျဖင့္ ရႈံးခဲ့ျခင္း ျဖစ္သည္။ အေရွ႕ေတာင္ အာရွအဆင့္တြင္ မေလးရွားအသင္းကို ၁း၉ ဂိုးျဖင့္ ရႈံးျခင္းမွာ အေရွ႕အာရွစံခ်ိန္ ျဖစ္သည္။

ယခု ကူ၀ိတ္အသင္းကို ရႈံးနိမ့္ရျခင္း အေပၚ ေ၀ဖန္မႈမ်ားကို ဖတ္ရႈမိေသာ အခါ ငယ္စဥ္က ဖတ္ရႈမိခဲ့သည့္ ခုံေတာ္ ေမာင္က်ဘမ္း မွတ္တမ္းစာအုပ္ပါ အျဖစ္အပ်က္တခုကို သြားသတိရမိသည္။ ေရွးဘုရင္ မင္းေကာင္းမင္းျမတ္မ်ား လက္ထက္ ခုံ႐ံုး (တရား႐ံုး) တြင္ ယခုေခတ္ အေခၚအေ၀ၚ အရ ေရွ႕ေန (ဖဲႀကိဳး၀ါတပ္ မတပ္ မသိပါ) ေမာင္က်ဘမ္း ဆိုသူတဦး ရွိသည္။

ခုံေတာ္ ေမာင္က်ဘမ္းအား အမ်ဳိးသားတဦးက လင္ကြာ၊ မယားကြာ အမႈအတြက္ ေရွ႕ေနငွားသည္။ အမႈက ဇနီးျဖစ္သူ က သူ၏ ခင္ပြန္းအား အသားအေရာင္ မည္းလြန္းသျဖင့္ ကြာရွင္းခြင့္ ေတာင္းျခင္း ျဖစ္သည္။ ယင္းအမႈတြင္ ခုံေတာ္ ေမာင္က်ဘမ္းက ခင္ပြန္းသည္ဘက္မွ ေလွ်ာက္လဲခ်က္ ေပးရာတြင္ ခုမွ မမည္း၊ ေမြးကတည္းက မည္းသည့္ ေမာင္မည္းတူကို ကြာသင့္ မကြာသင့္ ေခ်ပခ်က္ သြင္းခဲ့သည္။

ယခုလည္း အခုမွ မရႈံး၊ ၁၉၇၇ ခုႏွစ္ကတည္းက တရႈံးထဲရႈံးေနသည့္ ျမန္မာေဘာလုံး အေပၚ ေ၀ဖန္သင့္ မသင့္ဟု ေျပာခ်င္သည္။ ျမန္မာ ေဘာလုံးေလာက၏ ေအာင္ျမင္မႈ (ေရႊဆုရရွိမႈ) သည္ ၁၉၇၇ ခုႏွစ္ကတည္းက ရပ္တန္႔ သြားခဲ့ သည္။ ျမန္မာလက္ေရြးစင္ ေဘာလုံးအသင္းႀကီးသည္ ၁၉၉၃ ခုႏွစ္တြင္ စင္ကာပူႏိုင္ငံတြင္ က်င္းပသည့္ ဆီးဂိမ္း(စ) ၿပိဳင္ပြဲတြင္ တႀကိမ္သာ ေနာက္ဆုံး ဗိုလ္လုပြဲ ေရာက္ခဲ့သည္။ ထုိင္းအသင္းကို ၃း၄ ဂိုးျဖင့္ရႈံးၿပီး ဒုတိယ ေငြတံဆိပ္သာ ရသည္။ လက္ေရြးစင္ အသင္းႀကီး အတြက္ ေနာက္ဆုံး ေအာင္ျမင္မႈပင္ ျဖစ္သည္။

၂၀၀၁ ခုႏွစ္တြင္ ဆီးဂိမ္း ေဘာလုံးၿပိဳင္ပြဲ၀င္ အသင္းမ်ား၏ သက္တမ္းကို ယူ-၂၃ ဟု ေျပာင္းလဲခဲ့သည္။ ျမန္မာ ယူ-၂၃ အသင္း ကလည္း ေရႊတံဆိပ္ မရပါ။ ေငြတံဆိပ္ အလြန္ဆုံး ျဖစ္သည္။ ျမန္မာ ေဘာလုံးအသင္း မည္မွ် ဆီးဂိမ္းတြင္ ဆုတံဆိပ္ရရွိမႈ နည္းပါးေနသလဲ ဆိုရင္ ၂၀၁၁ ဂ်ာကာတာ ဆီးဂိမ္းတြင္ ဗီယက္နမ္အသင္းကို ႏိုင္ၿပီး  တတိယ ေၾကးတံဆိပ္ရေသာ အခါ ျမန္မာအသင္းမွ အုပ္ခ်ဳပ္သူတခ်ဳိ႕ ေဆြ႔ေဆြ႔ခုန္ ၀မ္းသာေနၾကပုံကို ရုပ္သံမွာ ၾကည့္လိုက္ရ သည္။

လြန္ခဲ့သည့္ ၁၉၇၇ ခုႏွစ္၊ မေလးရွား ဆီးဂိမ္းမွ စကာ ၂၀၀၉ ခုႏွစ္ အထိ ႏွစ္ေပါင္း ၃၂ ႏွစ္အတြင္း ျမန္မာ ေဘာလုံးေလာကသည္ (အမ်ဳိးသမီးအသင္းမွလြဲ၍) ေအာင္ျမင္မႈႏွင့္ ေ၀းကြာခဲ့သည္။

လက္ရွိ ေဘာလုံးအဖြဲ႔ခ်ဳပ္ကုိ ၂၀၀၅ ခုႏွစ္ ေဖေဖာ္၀ါရီလ ၁၅ ရက္ေန႔တြင္ အသစ္တဖန္ ျပန္လည္ဖြဲ႔စည္းခဲ့သည္။ ဥကၠ႒ အသစ္မွာ လက္ရွိ ဥကၠ႒ႏွင့္ ဦးေဇာ္ေဇာ္ျဖစ္သည္။ ယင္း ျမန္္မာႏိုင္ငံ ေဘာလုံးအဖြဲ႔ခ်ဳပ္ အသစ္သည္ ၃ ႏွစ္မွ် ေျမစမ္းခရမ္းပ်ဳိး လုပ္ခဲ့ေသာ္လည္း ေဘာလုံးအသင္းမ်ား ေအာင္ျမင္မႈ နည္းပါးခဲ့သည္။

သို႔ျဖစ္၍ ၂၀၀၇-၂၀၀၈ ခုႏွစ္တြင္ ျမန္မာႏိုင္ငံ ေဘာလုံးေလာကကို အေပ်ာ္တမ္းစနစ္မွ ဆုေၾကးစားေဘာလုံး (Professional) စနစ္သို႔ ကူးေျပာင္းရန္ စတင္ ျပင္ဆင္ခဲ့သည္။ ျမန္မာ့လက္ေရြးစင္ ေဘာလုံးသမား ေဟာင္းႀကီးမ်ား၊ နည္းဆရာမ်ား၊ ဒိုင္လူႀကီးမ်ားႏွင့္ ျမန္မာေဘာလုံး (၀ါ) ျမန္မာအားကစား အေၾကာင္းကို အစဥ္အဆက္ ေရးသားခဲ့ၾက သည့္၊ ေရးသားေနၾကသည့္ အားကစား ကေလာင္ရွင္မ်ားပါ အႀကိမ္ႀကိမ္ အခါခါ စုေ၀းတုိင္ပင္ၾကၿပီး ေနာက္ ဆုေၾကး စားစနစ္ကို အေျခခံသည့္ ျမန္မာအမ်ဳိးသားလိဂ္ “Myanmar National League” ေဘာလုံးၿပိဳင္ပြဲ စနစ္တက် က်င္းပႏိုင္ေရး အတြက္ အျပည္ျပည္ဆိုင္ရာ ေဘာလုံးအဖြဲ႔ခ်ဳပ္ FIFA ႏွင့္ အာရွေဘာလုံးအဖြဲ႔ခ်ဳပ္ AFC တို႔ထံမွ ျမန္မာ ေဘာလုံးေလာကႏွင့္ လိုက္ေလ်ာညီေထြ ရွိသည့္ အႀကံဉာဏ္တို႔ ကိုလည္း ရယူခဲ့သည္။

ယင္းေနာက္ ၂၀၀၉ ခုႏွစ္ ေမလ ၁၆ ရက္မွစတင္ကာ MNL ေဘာလုံးၿပိဳင္ပြဲမ်ား စတင္က်င္းပခဲ့သည္။ စတင္က်င္းပစဥ္က ဆုေၾကးစားအသင္း ၈ သင္း ပါ၀င္ယွဥ္ၿပိဳင္ခဲ့သည္။ MNL ၏ ပထမဆုံး ဆုဖလားကို မႏၲေလးတိုင္း အေျချပဳ ရတနာပုံအသင္းက ဆြတ္ခူးသြားခဲ့သည္။
ယခုဆိုလွ်င္ MNL သက္တမ္း ၆ ႏွစ္ေက်ာ္ ၇ ႏွစ္ထဲသို႔ ၀င္စျပဳပါၿပီ။ လက္ရွိ အမႈေဆာင္မ်ား လက္ထက္တြင္ အျမင့္ဆုံး ေအာင္ျမင္မႈမွာ ယူ-၁၉ အသင္း အာရွ ယူ-၁၉ ၿပိဳင္ပြဲတြင္ တတိယရရွိၿပီး ကမၻာ့ ယူ-၂၀ ေဘာလုံးၿပိဳင္ပြဲတြင္ ၀င္ေရာက္ ယွဥ္ၿပိဳင္ခြင့္ ရျခင္းပင္ ျဖစ္သည္။ ဒုတိယ ေအာင္ျမင္မႈမွာ စင္ကာပူ ဆီးဂိမ္းတြင္ ဗိုလ္လုပြဲတက္ၿပီး ဒုတိယ ေငြတံဆိပ္ရျခင္း ျဖစ္သည္။ ဖိတ္ေခၚၿပိဳင္ပြဲမ်ား ျဖစ္သည့္ မေလးရွား လြတ္လပ္ေရးေန႔ အထိမ္းအမွတ္ အျဖစ္ က်င္းပသည့္ မာေဒးကား ေဘာလုံးၿပိဳင္ပြဲတြင္ ပထမရသည္ (၄ သင္းထဲၿပိဳင္သည္)၊ ဘရူႏိုင္း ဘုရင့္ေရႊဖလား ၿပိဳင္ပြဲတြင္ ပထမရျခင္း၊ ဖိလစ္ပိုင္ ၿငိမ္းခ်မ္းေရးဖလား ေဘာလုံးၿပိဳင္ပြဲတြင္ ပထမရျခင္းတို႔သာ ရွိသည္။

မေအာင္ျမင္မႈမ်ားမွာ ယခု ေဘာလုံးအဖြဲ႔ခ်ဳပ္ လက္ထက္တြင္ ၀င္ေရာက္ယွဥ္ၿပိဳင္သည့္ ဆီးဂိမ္း ေဘာလုံးၿပိဳင္ပြဲမ်ား၊ လက္ေရြးစင္ အသင္းႀကီး ယွဥ္ၿပိဳင္သည့္ ယခင္ တိုက္ဂါး၊ ယခု ဆူဇူးကီးဖလား ေဘာလုံးၿပိဳင္ပြဲမ်ား၊ အာရွဖလား ၿပိဳင္ပြဲမ်ား၊ ကမၻာ့ဖလား ေျခစစ္ပြဲမ်ား ျဖစ္သည္။ ယင္းအရႈံးမ်ားမွာ ယခုမွ ရႈံးသည္ မဟုတ္၊ ၁၉၇၇ ခုႏွစ္ကတည္းက ရႈံးလာျခင္း ျဖစ္သည္ကို သတိမူသင့္ၾကသည္။

ေဘာလုံး ေလာက တိုးတက္မႈကို ဆုတံဆိပ္ရရွိမႈ တခုတည္းႏွင့္ တိုင္းတာ၍ မရပါ။ ေဘာလုံး အသင္းတသင္း ဆုတံဆိပ္ရရွိျခင္း သည္ တဒဂၤ ေျမာ္ျမင္မႈသာ ျဖစ္သည္။ ထာ၀ရ ေအာင္ျမင္မႈမွာ ေဘာလုံးနယ္ပယ္ အားလုံးတြင္ ေအာင္ျမင္မႈ ရရွိေရးသာ ျဖစ္သည္။ အဂၤလန္ႏိုင္ငံကို သင္ခန္းစာယူသင့္သည္။ အဂၤလန္ႏိုင္ငံတြင္ ကမၻာေက်ာ္ ပရီမီးယားလိဂ္ ၿပိဳင္ပြဲႀကီး ရွိသည္။ သို႔ရာတြင္ အဂၤလန္ လက္ေရြးစင္ ေဘာလုံးအသင္း သူ႔အဆင့္ႏွင့္ သူ ေအာင္ျမင္မႈ မရပါ။ ဥေရာပ တံခြန္စုိက္ၿပိဳင္ပြဲမ်ား၊ အိုလံပစ္ အားကစားပြဲတြင္ ထည့္သြင္းက်င္းပသည့္ ေဘာလုံးၿပိဳင္ပြဲမ်ားတြင္ အဂၤလန္ လက္ေရြးစင္ ေဘာလုံးအသင္းမ်ား ဆုတံဆိပ္ ဆြတ္ခူးမႈတြင္ ေအာင္ျမင္မႈ မရွိေသးပါ။ ကမၻာ့ဖလား ေဘာလုံးပြဲ တြင္ အိမ္ရွင္ အျဖစ္ လက္ခံက်င္းပ ႏိုင္သည့္ ၁၉၆၆ ခုႏွစ္တြင္သာ ပထမ ရဖူးသည္။

သို႔ျဖစ္ရာ အဂၤလန္ေဘာလုံးအဖြဲ႔ခ်ဳပ္ မေအာင္ျမင္ဟု သတ္မွတ္၍ မရပါ။ အားကစားတြင္ ေအာင္ျမင္မႈမွာ ၿပိဳင္ပြဲရလဒ္ တခုတည္းျဖင့္ သတ္မွတ္၍ မရပါ။

၂၀၁၄ ကမၻာ့ဖလား ေဘာလုံးပြဲတြင္ ဘရာဇီးလက္ေရြးစင္ ေဘာလုံး အသင္းသည္ ဂ်ာမနီအသင္းကို ဂိုးအျပတ္ျဖင့္ ရႈံးသျဖင့္ ဘရာဇီး ေဘာလုံးအဆင့္အတန္း က်သြားသည္ဟု ယတိျပတ္ေျပာ၍ မရပါ။

ႏိုင္ငံ တႏိုင္ငံတြင္ ေဘာလုံး အပါအ၀င္ အားကစား အဆင့္အတန္း တိုးတက္ျမင့္မားေရးမွာ အားကစားႏွင့္ ဆက္ႏြယ္ ေနသည့္ အင္အားစုအားလုံး တိုးတက္ၾကရမည္ ျဖစ္သည္။ အားကစားကြင္း၊ အားကစား႐ုံမ်ား၊ အားကစား သမားမ်ား၊ အားကစား အသင္းအဖြဲ႔မ်ား၊ အားကစား ဒိုင္လူႀကီးမ်ား၊ အားကစား နည္းျပဆရာမ်ား၊ အားကစားကို စီမံခန္႔ခြဲ အုပ္ခ်ဳပ္သူမ်ား (လုံၿခဳံေရး အပါအ၀င္) အားကစားကို အားေပးသူမ်ားႏွင့္ ေနာက္ဆုံး အားကစား ၿပိဳင္ပြဲမ်ားကို ၾကည့္ရႈ အားေပးသူမ်ား အထိ ေခတ္ႏွင့္အညီ အဆင့္အတန္း တိုးတက္ၾကဖို႔လိုသည္။

အားကစားၿပိဳင္၀င္းႏွင့္ အားကစား႐ုံမ်ားသည္ ျမန္မာႏိုင္ငံ၌ က်င္းပခဲ့သည့္ ၂၀၁၃ ေနျပည္ေတာ္ ဆီးဂိမ္း မတိုင္မီအထိ ႏိုင္ငံတကာ အဆင့္မီ အားကစားၿပိဳင္၀င္း၊ အားကစား႐ံုမ်ားမွာ ရန္ကုန္ၿမိဳ႕မွ လြဲ၍ တျခားၿမိဳ႕ႀကီးမ်ားတြင္ လုံး၀ မရွိပါ။ ေအာင္ဆန္း အားကစားၿပိဳင္၀င္းမွာ ကိုလုိနီေခတ္ လက္က်န္ အားကစားၿပိဳင္၀င္းငယ္သာ ျဖစ္သည္။ သကၤန္းကၽြန္း သု၀ဏၰ လူငယ္ေလ့က်င့္ေရး စခန္း အားကစားၿပိဳင္၀င္း (YTC) မွာ ဂ်ပန္ႏိုင္ငံက ေဆာက္လုပ္လႉဒါန္းသည့္ ႏိုင္ငံတကာ တတိယတန္း အဆင့္သာ ရွိသည့္ အားကစားၿပိဳင္၀င္း ျဖစ္သည္။ ႏိုင္ငံတကာအဆင့္ရွိ အမ်ဳိးသား အားကစား႐ံု အမွတ္ ၁ ကလည္း တရုတ္ျပည္သူ႔ သမၼတႏိုင္ငံက ေဆာက္လုပ္လႉဒါန္းျခင္း ျဖစ္သည္။

ဦး၀ိစာရလမ္းရွိ အက်ယ္အ၀န္း ႏိုင္ငံတကာအဆင့္ရွိ မီတာ ၅၀ ေရကူးကန္မွာလည္း ၁၉၆၉ ခုႏွစ္ ျမန္မာႏိုင္ငံတြင္ ပဥၥမ အႀကိမ္ေျမာက္ ကၽြန္းဆြယ္ အားကစားၿပိဳင္ပြဲက်မွသာ တူးေဖာ္ႏိုင္ခဲ့ျခင္း ျဖစ္သည္။ ေရကူးကန္သာပါသည္။ ပြဲၾကည့္စင္မ်ား မပါပါ။

ထိုင္းႏိုင္ငံ ဇင္းမယ္ၿမိဳ႕တြင္ ဇင္းမယ္ ၿမိဳ႕တည္ နန္းတည္ ႏွစ္ ၇၀၀ ျပည့္ အထိမ္းအမွတ္ျဖင့္ ေဆာက္ထားသည့္ အားကစား ၿပိဳင္၀င္းက သု၀ဏၰ ႏွင့္ ေအာင္ဆန္းကြင္းတို႔ထက္ ပိုမိုေကာင္းမြန္သည္။ ထိုင္းႏိုင္ငံ ဘန္ေကာက္ၿမိဳ႕တြင္ ၿမိဳ႕ျပင္ထြက္၍ အသစ္ေဆာက္ထားသည့္ ရာဇမဂၤလာ အားကစားၿပိဳင္၀င္းမွာ ႏိုင္ငံတကာ ပထမတန္း အဆင့္ရွိ အားကစား ၿပိဳင္၀င္း ျဖစ္သည္။

ျမန္မာႏိုင္ငံတြင္မူ အားကစား႐ံု၊ အားကစားကြင္း သစ္မ်ား ေပၚေပါက္လာရမည့္ အစား မိုးရြာလွ်င္ ေဘာလုံးကစား၊ ေဆာင္းႏွင့္ ေႏြကာလမ်ားတြင္ ေဘာ္လီေဘာကစား၊ ျခင္းလုံးခတ္၊ ကေလးငယ္မ်ား ေျပးလႊား ေဆာ့ကစားၾကသည့္ ေျမကြက္လပ္မ်ားပင္လွ်င္ သက္ဆိုင္ရာတို႔၏ ေက်းဇူးေတာ္ အသိႏုံနဲ႔မႈေၾကာင့္ နည္းမ်ဳိးစုံႏွင့္ တစတစ ေပ်ာက္ကြယ္ ကုန္သည္။

ထိုသို႔ေသာ အမ်ားျပည္သူမ်ား ကစားခုန္စားႏိုင္မည့္ ေျမကြက္လပ္ငယ္မ်ား မဆုံးရႈံးေရး ဆႏၵေဖာ္ထုတ္ ေနသူမ်ားမွာ လည္း တရားစြဲ ခံေနရၿပီး ရဲစခန္းေရာက္ တရား႐ံုးေရာက္ ျဖစ္ေနခ်ိန္တြင္ ျမန္မာ ေဘာလုံးအသင္းေတြ ရႈံးရျခင္း တခုတည္းကိုသာ ၾကည့္ၿပီး ေ၀ဖန္ အျပစ္တင္ေနၾကလွ်င္ ေမာ႐ံုသာ ရွိေပလိမ့္မည္။ အားကစားကြင္း၊ အားကစား ေလ့က်င့္႐ံုမ်ား မရွိဘဲ ေအာင္ျမင္သည့္ အားကစားသမားမ်ား ထြက္ေပၚလာေရး၊ ေအာင္ျမင္သည့္ အားကစားေလာက ေပၚေပါက္လာေရး ဆိုသည္မွာ လုံး၀ (လုံး၀) မျဖစ္ႏိုင္ေၾကာင္း သက္ဆိုင္ရာမ်ား ေတြးျမင္ သိရွိဖို႔ သတိေပး ေရးသား လိုက္ရ ပါေၾကာင္း။    ။

The post ျမန္မာ့ အားကစား ျပန္ေခါင္းေထာင္ပါဦး မလား appeared first on ဧရာ၀တီ.

ေနျပည္ေတာ္မွာ က်င္းပခဲ့တဲ့ ၂၇ ႀကိမ္ေျမာက္ ဆီးဂိမ္း ဘက္စ္ကက္ေဘာ ၿပိဳင္ပြဲမွာ ျမန္မာ နဲ႔ ထုုိင္း ယွဥ္ျပဳိင္ေနစဥ္ (ဓာတ္ပုံ – ေဂ်ပုိင္/ဧရာဝတီ)

အစိုးရသစ္ရဲ႕ ဦးေဆာင္မႈနဲ႔ ျပဳျပင္ေျပာင္းလဲမႈေတြ ျပဳလုပ္လာခ်ိန္မွာ ဦးစီးဌာနအဆင့္ကို ေလွ်ာ့ခ် ကိုင္တြယ္သြားေတာ့မယ့္ အား ကစား ေလာကဟာ ေအာင္ျမင္မႈေတြနဲ႔အတူ တေခတ္ဆန္းလာ မလားဆိုတာ ေမးခြန္းေတြ ရိွေနပါတယ္။

၀န္ႀကီးဌာနတခုအျဖစ္ လုပ္ကိုင္လာခ့ဲတ့ဲ အားကစားေလာကကို က်န္းမာေရး၀န္ႀကီးဌာန လက္ေအာက္ ဦးစီးဌာနတခု အေနနဲ႔သာ ဖြဲ႔စည္း ကိုင္တြယ္သြားဖို႔ ျပည္ေထာင္စုလႊတ္ေတာ္ ကေန အတည္ျပဳဆံုးျဖတ္ခ့ဲတာ ျဖစ္ပါတယ္။

ယေန႔လို ေဒသတြင္း အိမ္နီးခ်င္းႏိုင္ငံအမ်ားစုက အားကစားေလာက တိုးတက္ေရးကို အရိွန္အဟုန္နဲ႔ လုပ္ေဆာင္ေနၾကခ်ိန္မွာ အစိုးရသစ္အေနနဲ႔ ၀န္ႀကီးဌာနအဆင့္ကေန ဦးစီးဌာနအဆင့္ကို ျပန္လည္ေလွ်ာ့ခ်ခ့ဲတ့ဲ လုပ္ရပ္ကိုလည္း ေ၀ဖန္ ေျပာဆိုမႈေတြ ရိွေန ပါတယ္။

တကယ္တမ္း အားကစားေလာက ဖြံ႔ၿဖိဳးတိုးတက္ဖို႔ဆိုရာမွာ ဦးစီးဌာနျဖစ္ေစ၊ ၀န္ႀကီးဌာနျဖစ္ေစ အဓိကမက်ဘဲ ဦးေဆာင္ကိုင္တြယ္ မယ့္သူရဲ႕ စိတ္အားထက္သန္မႈနဲ႔ ေရရွည္စီမံခ်က္ အစီအစဥ္ေတြကသာ အဓိကက်ေၾကာင္း အားကစားေလာက အသိုင္းအ၀ိုင္းက ေျပာဆိုၾကပါတယ္။

ယခင္ ေအာင္ျမင္မႈေတြ ရယူႏိုင္ခ့ဲစဥ္ကလည္း ျမန္မာ့အားကစားေလာကကို အခုလို က်န္းမာေရး ၀န္ႀကီးဌာန လက္ေအာက္ကေန ဦးစီးဌာနေလး တခုအေနနဲ႔ဲ ရပ္တည္ လုပ္ေဆာင္ခ့ဲတာ ျဖစ္ပါတယ္။

အားကစားနည္းမ်ားစြာ ရွိတဲ့အထဲက ျမန္မာ့ေဘာလံုးေလာက အေနနဲ႔ၾကည့္ရင္ ၁၉၆၀ ဝန္းက်င္ကေန ၁၉၇ ၀န္းက်င္ေတြအထိ  အာရွအဆင့္ အားကစားၿပိဳင္ပြဲေတြမွာ ေအာင္ျမင္မႈ မွတ္တိုင္ေတြ စိုက္ထူႏိုင္ခ့ဲတာျဖစ္ၿပီး အဲဒီေနာက္ပိုင္းကစလို႔ ဒီေန႔ ကာလအထိ ေအာင္ျမင္မႈေတြနဲ႔ ေ၀းကြာေနခ့ဲပါတယ္။

အားကစားနည္း အားလံုးအေနနဲ႔ေျပာရင္ ေနာက္ဆံုးယွဥ္ၿပိဳင္ခ့ဲတ့ဲ အေရွ႕ေတာင္အာရွ အားကစား ၿပိဳင္ပြဲ(SEA GAMES) ၁၀ ႀကိမ္မွာ အိမ္ရွင္အျဖစ္က်င္းပတ့ဲ ၂၇ ႀကိမ္ေျမာက္ၿပိဳင္ပြဲမွာ ႏိုင္ငံအလိုက္ဆုရရိွမႈ ရလဒ္ေတြအရ အဆင့္ ၂ မွာရပ္တည္ႏိုင္ခ့ဲတာက လြဲရင္ ျမန္မာ အားကစား အသင္းဟာ ရလဒ္ေတြမေကာင္းခ့ဲတာ ေတြ႔ရပါတယ္။

ဧည့္သည္အျဖစ္ သြားေရာက္ယွဥ္ၿပိဳင္ရတ့ဲ က်န္ၿပိဳင္ပြဲ ၉ ႀကိမ္စလံုးမွာေတာ့ အဆင့္ ၇ ကေနတက္ မလာခ့ဲဘဲ ေရႊတံဆိပ္အမ်ားဆံုး ရရိွမႈ မွတ္တမ္းအျဖစ္ ၂၀၀၁ ခုႏွစ္က မေလးရွားႏိုင္ငံမွာ က်င္းပခ့ဲတ့ဲ ၂၁ ႀကိမ္ေျမာက္ ၿပိဳင္ပြဲမွာ ေရႊ ၁၉ ဆုသာ ရယူႏိုင္ခ့ဲတာျဖစ္ပါတယ္။

“အားကစားေလာက က်ရံႈးလာတာ စီမံခန္႔ခြဲမႈ အားနည္းလုိ႔ပဲ၊ ၀န္ႀကီးလက္ထက္ တေလွ်ာက္လံုး အားကစား ဖြံ႔ၿဖိဳး တိုးတက္မႈမရိွခ့ဲဘူး၊ ေအာင္ျမင္မႈမရဘဲ ဆံုးရံႈးခ့ဲတယ္”လို႔ အားကစားကေလာင္ရွင္ ဦးခ်စ္၀င္းေမာင္က ေျပာပါတယ္။

၀န္ႀကီးဌာန လက္ထက္ အိမ္ရွင္အျဖစ္လက္ခံက်င္းပတ့ဲ ၂၀၁၃ ခုႏွစ္ ဆီးဂိမ္းၿပိဳင္ပြဲကို ေဒသတြင္းႏိုင္ငံေတြထက္ ပိုမိုခမ္းနားေအာင္ ျပဳလုပ္ႏိုင္ခ့ဲေပမယ့္ ဒီအတြက္ သံုးစြဲခ့ဲတ့ဲ ဘတ္ဂ်က္ေတြက အားကစားေလာက တိုးတက္ေရးကို ထိေရာက္တ့ဲပ့ံံပိုးမႈ မျဖစ္ခ့ဲပါဘူး။

ေနျပည္ေတာ္လိုေနရာမွာ ႏိုင္ငံေတာ္ ဘတ္ဂ်က္မ်ားစြာသံုးစြဲၿပီး တည္ေဆာက္ခ့ဲတ့ဲ ေဘာလံုးကြင္းသစ္ႀကီးေတြ၊ အားကစား႐ုံေတြ ဆိုတာကလည္း အားကစားနည္းအလိုက္ ျပည္တြင္းၿပိဳင္ပြဲေတြ က်င္းပႏိုင္ျခင္းမရိွတ့ဲအတြက္ ထိထိေရာက္ေရာက္ အသံုးမခ်ႏိုင္ဘဲ အသံုးမ၀င္သလို ျဖစ္ေနပါတယ္။

လက္ရိွ၀န္ႀကီးဌာန လက္ေအာက္ အားကစားအဖြဲ႔ခ်ဳပ္ ၃၆ ခုဖြဲ႔စည္းထားရာမွာ အားလံုးနီးပါး စီးပြားေရးလုပ္ ငန္းရွင္ေတြကုိ ဥကၠ႒ တာ၀န္ယူေစၿပီး သူတို႔ရဲ႕ အိပ္စိုက္ပ့ံပိုးမႈနဲ႔ လည္ပတ္ေနတာပါ။ ဒီေနရာမွာ အဖြဲ႔ခ်ဳပ္က တခ်ိဳ႕ အေနနဲ႔ ၿပိဳင္ပြဲမရိွခ်ိန္မွာ ေလ့က်င့္ လည္ပတ္မႈမရိွ သေလာက္ ျဖစ္ေနပါတယ္။

ေဘာလံုးအဖြဲ႔ခ်ဳပ္ကေတာ့ သီးျခားအေနနဲ႔ သမၼတ႐ုံး ေအာက္ကေန ဖြဲ႔စည္းထားတာျဖစ္ၿပီး လက္ေရြးစင္အသင္းရဲ႕ ေအာင္ျမင္မႈကို ေမွ်ာ္လင့္လို႔ရတ့ဲ အေနအထားမ်ိဳးျပန္ေရာက္လာတာဟာ ႏိုင္ငံတကာနဲ႔ စီးပြားေရးလုပ္ငန္းရွင္ေတြရဲ႕ ပ့ံပိုးမႈေတြက အဓိကေနရာက ရိွေနတာကိုလည္း ေတြ႔ရမွာပါ။

တိုင္းျပည္စီးပြားေရး ဖြံ႔ၿဖိဳးမႈ နိမ့္က်ျခင္းက အားကစားေလာက တိုးတက္မႈကို ဆုတ္ယုတ္ေစတ့ဲ အေၾကာင္းအရင္းတခု ဆိုေပမယ့္ ေအာက္ေျခ အဆင့္အထိ အားလံုးပါ၀င္ႏိုင္မယ့္ အားကစားၿပိဳင္ပြဲေတြ၊ အေလ့အက်င့္ေကာင္းေတြ ေလ်ာ့ပါးေပ်ာက္ဆံုးကုန္တာက အဓိက အခ်က္ပဲလို႔လည္း ဆိုၾကပါတယ္။

“လူထုလႈပ္ရွားမႈအေနနဲ႔ အားလံုးပါ၀င္ႏိုင္ေအာင္ လုပ္ႏိုုင္ရင္ ၀န္ႀကီးဌာနျဖစ္ေစ၊ ဦးစီးဌာနျဖစ္ေစ ေအာင္ျမင္မွာပါ။ လက္ရိွအေန အထားနဲ႔ လုပ္လုိ႔ရသေလာက္ အေကာင္းဆံုးလုပ္ထားတာ လက္ရိွရလဒ္ေတြက အေကာင္းဆံုး အေျဖပါပဲ၊ ငါတို႔မွာ လံုေလာက္တ့ဲ ေရြးခ်ယ္စရာ သိပ္မရိွခ့ဲဘူး”လို႔ အားကစား ၀န္ႀကီးဌာနက ဦးသက္လြင္က ေျပာပါတယ္။

တာ၀န္ရိွသူေတြအေနနဲ႔ အားကစားကို ပညာရပ္အျဖစ္ေရာ ဘ၀တက္လမ္း အခြင့္အေရး တခုအေနနဲ႔ပါ ရပ္တည္ႏိုင္ေအာင္ အခြင့္ အလမ္းေတြ ဖန္းတီးေပးႏိုင္ပါက လူငယ္မ်ိဳးဆက္သစ္ေတြရဲ႕ အားကစားအေပၚ စိတ္ပါ၀င္စားမႈ တိုးတက္လာမွာျဖစ္ၿပီး မိဘေတြဘက္ ကလည္း ခြင့္ျပဳေပးႏိုင္မွာ ျဖစ္ပါတယ္။

ေက်ာင္းသားမိဘ တဦးျဖစ္တ့ဲ ေဒၚႏွင္းေရႊ ကေတာ့“အားကစားလုပ္တာ ေကာင္းေပမယ့္ ပညာေရးကို ထိခိုက္မွာစိုးရိမ္တယ္၊ ဒီအားကစားနဲ႔ သူ႔ဘ၀ ရပ္တည္လို႔ ရမလား၊ သူ႔ဘ၀အတြက္ ပညာပဲ သင္ေစခ်င္တယ္”လို႔ ေျပာဆိုပါတယ္။

အကယ္ဒမီေတြ အားကစားသိပၸံေက်ာင္းေတြ ဖြင့္လွစ္သင္ၾကားေနေပမယ့္ လက္ခံေလ့က်င့္ သင္ၾကားေပးႏိုင္မႈ အကန္႔အသတ္ရိွပါတယ္။ အားကစားေလာက ေရရွည္ဖြံ႔ၿဖိဳးတိုးတက္ဖို႔  အေျခခံပညာေက်ာင္းေတြက စၿပီး အားကစားကို က်န္းမာေရးအရေရာ အခြင့္ အလမ္း တခုအေနနဲ႔ပါ လုပ္ေဆာင္ဖို႔လိုအပ္ေနတာ ျဖစ္ပါတယ္။

“အေျခခံပညာ ေက်ာင္းေတြက အစ ကေလးေတြရဲ႕ အားကစားတိုးတက္ေရးကို တာ၀န္ယူသင့္ပါတယ္၊ အတင္းခ်က္ခ်င္း လုပ္လို႔ေတာ့မရဘူး။ အခ်ိန္ေပးၿပီး အားလံုးအခြင့္အေရးရေအာင္ လုပ္ေပးဖို႔လုိတယ္”လို႔ ျမန္မာႏိုင္ငံ ေဘာလံုးအဖြဲ႔ခ်ဳပ္ အေထြေထြအတြင္း ေရးမႉး (ၿငိမ္း) ဦးတင္ေအာင္က ေျပာပါတယ္။

လက္ရိွ ေက်ာင္းေတြရဲ႕ ဖြဲ႔စည္းပံုအရ အားကစား ဆိုင္ရာ ကာယ နည္းျပေတြနဲ႔ အခ်ိန္ဇယားေတြ ရိွေနေပမယ့္ ေက်ာင္းအမ်ားစုမွာ ကစား စရာ ကြင္းေတြ၊ ပစၥည္းေတြ မရိွပါဘူး။ ရပ္ကြက္ေတြမွာလည္း ကစားကြင္းေတြ မေပ်ာက္ေရးအတြက္ ဆႏၵျပေတာင္းဆိုမႈေတြ လုပ္ရ တ့ဲအထိ ျဖစ္ေနပါတယ္။

ဒီလို ကုမၸဏီလုပ္ငန္းစုေတြ၊ စီးပြားေရးသမားေတြ လက္ထဲေရာက္ေနတ့ဲ ေဘာလံုးကြင္းေတြ၊ ပန္းၿခံေတြကေန အမ်ားျပည္သူပိုင္ ေန ရာ ေတြအျဖစ္ ျပန္လည္ ေဖာ္ေဆာင္ ရယူေပးႏိုင္ေရးဟာ အသစ္တက္လာမယ့္ အစိုးရအဖြဲ႔ ရင္ဆိုင္ေျဖရွင္းရမယ့္ စိန္ေခၚမႈ တခု လည္း ျဖစ္ပါတယ္။

အေျခခံ အေဆာက္အအံုေတြနဲ႔ ပ့ံပိုးမႈနဲ႔ပတ္သက္လို႔ ၂၈ ႀကိမ္ေျမာက္ စင္ကာပူ ဆီးဂိမ္းၿပိဳင္ပြဲမွာ ထိုင္းအသင္းကို ရံႈးနိမ့္တ့ဲပြဲအၿပီး ေဘာလံုးအဖြ႔ဲခ်ဳပ္ ဥကၠ႒ ဦးေဇာ္ေဇာ္က “သူမ်ားလို ေအာင္ျမင္ခ်င္ရင္ သူမ်ားလို ပ့ံပိုးေပးဖို႔လိုတယ္၊ ထိုင္းမွာ ဘန္ေကာက္တၿမိဳ႕တည္း တင္ ေဘာလံုးကြင္း ငါးရာေလာက္ ရိွတယ္”လို႔ ထိုင္းႏိုင္ငံနဲ႔ ႏိႈင္းယွဥ္ၿပီး ေထာက္ျပခ့ဲပါတယ္။

ျမန္မာ့အားကစား ေလာကဟာ လိုအပ္ခ်က္မ်ားစြာနဲ႔ ေလ်ာ့က်ေနခ့ဲတာ ၾကာပါၿပီ။ ေခတ္အဆက္ဆက္ လက္သိပ္ထိုး လႊဲေျပာင္းမႈေတြ ေၾကာင့္ ေပ်ာက္ဆံုးေနတ့ဲ ကစားကြင္းေတြ၊ က်ဴးေက်ာ္ခံခ့ဲရတ့ဲ ေဘာလံုးကြင္းေတြကို ျပန္လည္ေဖာ္ထုတ္ၿပီး အစက ျပန္စဖို႔ လုိ ေနပါၿပီ။

မၾကာခင္ တာ၀န္လႊဲေျပာင္းရယူေတာ့မယ့္ အစိုးရသစ္လက္ထက္မွာ ျမန္မာ့အားကစား ေလာကကို ေဒသတြင္း ၿပိဳင္ဘက္ေတြထက္ သာလြန္ၿပီး ယခင္လိုေအာင္ျမင္မႈေတြ ျပန္လည္ရယူႏိုင္ဖို႔ ျပည္သူအမ်ားရဲ႕ ေမွ်ာ္လင့္ခ်က္ေတြလည္း ရိွေနပါတယ္။

ဒါေၾကာင့္ အရင္ စစ္အစိုးရလက္ထက္က ေႂကြးေၾကာ္ခဲ့တဲ့ “ျမန္မာအားကစား ကမၻာကိုလႊမ္းရမယ္”ဆိုတာမ်ိဳး မဟုတ္ေပမယ့္ ျမန္မာ့ အားကစား တေခတ္ဆန္းလာႏုိင္မလား ဆိုတာကိုေတာ့ ေမွ်ာ္လင့္ေနမိေၾကာင္းပါ။    ။

The post ျမန္မာ့အားကစား တေခတ္ဆန္းလာႏုိင္မလား appeared first on ဧရာ၀တီ.

အိမ်ရှင်မြန်မာရဲ့ ဆိုးသွမ်း ပရိတ်သတ်တချို့ ဘောလုံးကွင်းထဲမှာ သောင်းကျန်းမှာ ကိုတော့ မြန်မာနိုင်ငံ ဘောလုံးအဖွဲ့ချုပ် အနေနဲ့ ရင်တထိတ်ထိတ်နဲ့ စိုးရိမ်ပူပန်နေပါတယ်။

The post ေဘာလုံးပရိသတ္ေသာင္းက်န္းရင္ အနာဂတ္အိမ္ရွင္ျဖစ္ခြင့္ ေဝးမည္ appeared first on ဧရာဝတီ.

မြန်မာကစားသမား ၃ဦးကို ခေါ်ယူခဲ့တဲ့ စင်ကာပူလိဂ်က Balestier Khalsa အသင်းဟာ ၂၀၁၇ခုနှစ် ဘောလုံးရာသီမှာ ကစားသမားအသစ်တွေအနေနဲ့ အသင်းကို လုံလောက်တဲ့ အထောက်အကူပေး လိမ့်မယ်လို့ မျှော်လင့်ကြောင်း ESPN သတင်းမှာဆိုပါတယ်။

အမည်ပြောင် “ကျား”လို့ လူသိများတဲ့ Balestier Khalsa အသင်းဟာ မနှစ်ကတော့ စင်ကာပူလိဂ် ဇယားအောက်ခြေမှာ ရပ်တည်နေတာကြောင့်၊ ဒီနှစ်မှာ မြန်မာကစားတွေဖြစ်တဲ့ ရတနာပုံ နဲ့ နေပြည် တော် အသင်းက ကွင်းလယ်ကစားသမား နန္ဒလင်းကျော်ချစ် နဲ့  အောင်ကျော်နိုင်၊ ဧရာဝတီက ကျော်ဇေယျဝင်း တို့ကို ထပ်မံအားဖြည့်ခဲ့တာဖြစ်ပါတယ်။

သူတို့ ၃ဦးဟာ ၂၀၁၄ခုနှစ်က AFF ဆူစကီးဖလားမှာ မြန်မာကိုယ်စားပြု ဝင်ရောက်ယှဉ်ပြိုင်ခဲ့သူတွေ ဖြစ်ပါတယ်။

Balestier Khalsa နည်းပြ Marko Kraljevic ကလည်း အခုထပ်မံဖြည့်တင်းလိုက်တဲ့ ၃ယောက်ဟာ အလွန်လျင်မြန်တဲ့ တိုက်စစ်ပိုင်း အားသန်သူ ကစားသမားတွေဖြစ်ကြောင်း ဆိုပါတယ်။

“ကျနော်ထင်တယ် ကလပ်အနေနဲ့တော့ ဒါဟာ ကောင်းတဲ့ရွေ့ပြောင်းမှု တရပ်ပဲ၊ သူတို့နဲ့ ပတ်သက်လို့ တုံ့ပြန်မှုကောင်းတွေကိုလည်း ရရှိထားတယ်၊ အထိုင်ကျဖို့အတွက် ကျနော်တို့ အချိန်တခုတော့ ပေးရ မယ်” လို့ဆိုပါတယ်။

ပြီးခဲ့တဲ့နှစ်က အသင်းဟာ ရုန်းကန်ခဲ့ရတာကြောင့် အင်အားဖြည့်ဖို့ လိုကြောင်း အခုခေါ်ယူလိုက် သူတွေဟာ အလွန်လျင်မြန်ပြီး တိုက်စစ်ပိုင်းမှာ အားသန်သူတွေဖြစ်ကြောင်း ကောက်ချက်ချပြော ဆိုပါတယ်။

Balestier Khalsa အသင်းအနေနဲ့ ငယ်ရွယ်ပျိုမြစ်တဲ့ အသင်းတသင်းရှိနေပြီလို့ ဆိုရမှာဖြစ်သလို၊ အနာဂတ်အတွက်လည်း တည်ဆောက်ခြင်ကြောင်း၊ ကစားသမားအသစ်တွေကိုလည်း ကောင်းကောင်းပေါင်းထည့်သွားမှာ ဖြစ်ကြောင်းလည်း နည်းပြက ဆိုပါတယ်။

လက်ရှိမှာတော့ မြန်မာ ၃ဦးအပြင် ဂိုးသမား Zaiful Nizam အပြင် ခံစစ်သမား Sheikh Abdul Hadi တို့ကို ဆက်လက်ထိန်းထားတဲ့အပြင် စင်ကာပူ ကွင်းလယ်သမား Raihan Rahmanကိုလည်း ခေါ်ဖို့ လုပ်နေပါတယ်။

The post စင်ကာပူကလပ် Balestier မြန်မာကစားသမား ၃ဦးဖြင့် အင်အားဖြည့် appeared first on ဧရာဝတီ.

Lion Energy Drink မှ ကမ္ဘာကျော်လက်ဝှေ့ကစားသမား Aung La NSang(အောင်လအန်ဆန်း)နှင့် ကြော်ငြာရိုက်ကူးရန် သဘောတူစာချုပ် ချုပ်ဆိုပွဲကို ရန်ကုန်မြို့ Central Hotel မှာ ကျင်းပခဲ့ပါတယ်။

စာချုပ်သက်တမ်း တနှစ်ဖြစ်ပြီး Aung La NSang က ဒီစာချုပ် ချုပ်ဆိုရခြင်းကြောင့် သူ့နောက်မှာ အထောက်အပံ့ရှိသွားခြင်းဖြစ်တဲ့အတွက် သူ့အနေနဲ့ ပိုပြီး အားရှိကြောင်း ပြောဆိုခဲ့ပါတယ်။ သူဟာ ကချင်တိုင်းရင်းသားတဦးလည်း ဖြစ်ပါတယ်။

သူ့အနေနဲ့ ရည်မှန်းချက်ဖြစ်တဲ့ ကမ္ဘာ့ချန်ပီယံဖြစ်အောင် ကြိုးစားသွားမှာဖြစ်ပြီး သူ့ရဲ့ အသုံးအဆောင်ပစ္စည်းများ လေလံပွဲမှ ရရှိလာမယ့် ငွေများကို လိုအပ်တဲ့နေရာတွေမှာ လှူဒါန်းသွာမယ့်အကြောင်းလည်း ပြောပါတယ်။

“ကျနော့်ရည်မှန်းချက်က ကမ္ဘာ့ချန်ပီယံဖြစ်ဖို့ပဲ။ ဘယ်လိုပဲဖြစ်ဖြစ် ကမ္ဘာ့ချန်ပီယံဖြစ်အောင် ကျနော်ကြိုးစားမယ်။ လေလံပစ်မယ့်အထဲမှာ ကျနော် မြန်မာပြည်မှာ ထိုးတဲ့ပွဲက လက်အိတ်ပါမယ်၊ ကျနော့် Training လက်အိတ်ပါမယ်၊ ကျနော်ထိုးတဲ့ ဘောင်းဘီပါမယ်။ အရင်က အမေရိကန်မှာ ထိုးတုန်းက ဝတ်တဲ့အင်္ကျီပါမယ်။ ရတဲ့ အလှူငွေကိုတော့ မြစ်ကြီးနားဘက်ကို လှူမယ်၊ နောက်ပြီး မိဘမဲ့ကလေးတွေကို လှူမယ်” လို့ Aung La NSang က ဧရာဝတီကို ပြောပြပါတယ်။

ဆက်လက်ပြီး မြန်မာနိုင်ငံမှာ ပြုလုပ်သွားတဲ့ သူ့ရဲ့ နောက်ဆုံးပွဲစဉ်မှာ သူရှုံးနိမ့်ခဲ့ရခြင်းနဲ့ ပတ်သက်ပြီးတော့ သူက “တကယ်တမ်းက ကျနော်နဲ့ သူက ဇူလိုင်လမှာ ထိုးဖို့ စီစဉ်ထားတာ။ ဒါပေမယ့် အဲဒီကြားထဲမှာ သူနဲ့ထိုးရမယ့်သူက injury ဖြစ်တယ်ဆိုတော့ ကျနော် ဝင်ထိုးရတယ်။ ၂ ပတ်အတွင်းမှာ ကျနော် ဝင်ကစားရတယ်။ စာချုပ်ထဲမှာလည်း သူ့ကို ပြန်ပြီး စိန်ခေါ်ဖို့ ပါပြီးသားပါ” လို့ သူက ဧရာဝတီကို ပြောပြပါတယ်။

အဲဒီပွဲပြီးတဲ့နောက်မှာ သူ့အနေနဲ့ ပြင်ဆင်ဖို့ လိုအပ်တာတွေနဲ့ နောက်တပွဲမှာ ပိုကောင်းအောင် ကြိုးစားသွားမယ်လို့ ပြောခဲ့ပါတယ်။

“ကျနော် အများကြီးပိုပြီး ပြင်ဆင်ရမယ်၊ ပိုကောင်းအောင် ကြိုးစားမယ်၊ ဒီပွဲမှာ ကျနော်က အချိန် ၂ ပတ်ပဲ ရလိုက်တယ်၊ အဲဒီအချိန်မှာ ကျနော် ဒူးရယ်၊ ခါးရယ် သိပ်မကောင်းဘူး။ နောက်ပြီး ဒီပွဲက championship ဆိုတော့ ၅ ချီထိုးရတယ်လေ၊ အဲဒီ ၅ ချီက လက်ဝှေ့၊ နပန်းလုံး အားလုံးစုံအောင် ကစားရတဲ့အတွက် လူကို တအား မောစေတယ်၊ လုံးဝ မလွယ်ဘူးလေ” လို့ ဆက်ရှင်းပြပါတယ်။

သူ့အနေနဲ့ ဒီနှစ်ထဲမှာ အနည်းဆုံး ၂ ပွဲ ထိုးဖို့ ရှိကြောင်း ပြောဆိုခဲ့ပါတယ်။ ၂ ပွဲလုံးက မြန်မာနိုင်ငံမှာပဲ ထိုးမှာဖြစ်ပြီး ကြားထဲမှာတော့ ပွဲစဉ်တွေ ထပ်ရှိနိုင်တယ်လို့ သူက ပြောပါတယ်။

The post ကမ္ဘာကျော်လက်ဝှေ့သမား အောင်လအန်ဆန်း ကြော်ငြာရိုက်ကူးမည် appeared first on ဧရာဝတီ.

AFC Women’s Asian Cup Jordan 2018 အတွက် ခြေစစ်ပွဲများကို ယှဉ်ပြိုင်နေရာ အုပ်စု (ဃ)၌ မြန်မာ့လက်ရွေးစင်အမျိုးသမီးအသင်းနှင့် စင်ကာပူလက်ရွေးစင် အမျိုးသမီး အသင်းတို့ ယနေ့ ဗီယက်နမ် နိုင်ငံ ဟနွိုင်းမြို့ ယနေ့ ယှဉ်ပြိုင်ကစားရာ မြန်မာ့အမျိုးသမီးလက်ရွေးစင်အသင်းက စင်ကာပူအမျိုးသမီးလက်ရွေးစင် အသင်းကို ၆ ဂိုး ဂိုးမရှိဖြင့် အနိုင်ရသွားပါတယ်။

မြန်မာအမျိုးသမီး လက်ရွေးစင်အသင်းအတွက် ပထမပိုင်း ၂၁ မိနစ်မှာ လှယဉ်ဝင်းကအဖွင့်ဂိုးသွင်းခဲ့ပြီး  ဝေဝေအောင် မိနစ် ၄၀ နဲ့ ၇၉ မိနစ်မှာ ၂ဂိုး၊ ဝင်းသိင်္ဂီထွန်းက ၅၈မိနစ်နှင့် ၈၈ မိနစ်တွင် ၂ဂိုး၊ ရီရီဦးက မိနစ် ၇၀မှာ ၁ဂိုးသွင်းယူခဲ့ပါတယ်။

မြန်မာအမျိုးသမီး လက်ရွေးစင်အသင်းပါဝင်တဲ့ အုပ်စု(ဃ)မှာ အိမ်ရှင် ဗီယက်နမ်၊ အီရန်၊ ဆီးရီးယား၊ စင်ကာပူ တို့ ပါဝင်ပြီး၊ မြန်မာအမျိုးသမီး လက်ရွေးစင်အသင်းဟာ အီရန်ကို ၂ ဂိုး ဂိုးမရှိ၊ ဆီးရီးယားအမျိုးသမီးအသင်းကို ၁၄ဂိုး ဂိုးမရှိ အနိုင်ရထားပြီးဖြစ်ပါတယ်။

အုပ်စု (ဃ)မှာ မြန်မာအသင်းဟာ ၃ပွဲနိုင်ကာ ပေးဂိုးမရှိ၊ သွင်းဂိုး ၂၂ ဂိုး ရရှိကာ အုပ်စုပထမနေရာမှာ ရှိနေကာ အိမ်ရှင်ဗီယက်နမ်က ၂ပွဲ ကစားပြီး အုပ်စု ဒုတိယရှိနေပြီး၊ ယနေ့ အီရန်အသင်းနဲ့ ယှဉ်ပြိုင်ရမှာဖြစ်ပါတယ်။

The post အာရှဖလားခြေစစ်ပွဲ မြန်မာအမျိုးသမီးလက်ရွေးစင် စင်ကာပူကို ဂိုးပြတ်အနိုင်ယူပြန် appeared first on ဧရာဝတီ.

အီတလီနိုင်ငံ စပိုလီတိုမြို့မှာ ဧပြီ ၁ ရက်ကနေ ၈ ရက်နေ့အထိ ကျင်းပခဲ့တဲ့ ကမ္ဘာ့အပျော်တမ်း စစ်တုရင် ပြိုင်ပွဲမှာ မြန်မာနိုင်ငံကိုယ်စားပြု ဝင်ရောက်ယှဉ်ပြိုင်ခဲ့သူ ဝင်းထွန်းက ချန်ပီယံဆုကို ရယူနိုင်ခဲ့ပါတယ်။

ကမ္ဘာ့အဆင့် အပျော်တမ်း စစ်တုရင် ပြိုင်ပွဲကို မြန်မာနိုင်ငံ ကိုယ်စားပြုအနေနဲ့ ဝင်းထွန်းနဲ့ စည်သူတို့ ပထမဆုံး အကြိမ်အဖြစ် ဝင်ရောက်ယှဉ်ပြိုင်ခဲ့တာဖြစ်ပြီး ဝင်းထွန်းအနေနဲ့ ပထမဆုံးပြိုင်ပွဲမှာပင် ချန်ပီယံဆုကို ရယူနိုင်ခဲ့တာလည်း ဖြစ်ပါတယ်။

နှစ်စဉ်ကျင်းပတဲ့ ကမ္ဘာ့အပျော်တမ်း စစ်တုရင် ပြိုင်ပွဲကို ယခုနှစ်မှာ နိုင်ငံပေါင်း ၂၇ နိုင်ငံ မှ ကစားသမား ၆၄ ဦး ဝင်ရောက် ယှဉ်ပြိုင်ခဲ့တာ ဖြစ်ပြီး ပွဲစဉ် ၉ ပွဲ ကစားရတဲ့ ပြိုင်ပွဲမှာ ဝင်းထွန်းအနေနဲ့ ၇ ပွဲနိုင်၊ ၁ ပွဲသရေ၊ ၁ ပွဲရှုံးရလဒ်နဲ့ ရမှတ် ၇ ဒသမ ၅ ရရှိခဲ့တာ ဖြစ်ပါတယ်။

FIDE (World Chess Federation) အနေနဲ့ ပြိုင်ပွဲကို လက်ရည်အဆင့် U 2300 အောက်၊ U 2000 အောက်နဲ့ U 1700 အောက် စတဲ့ အတန်း ၃ တန်း ကျင်းပခဲ့တာ ဖြစ်ပြီး ဝင်းထွန်းအနေနဲ့ ယင်း ပြိုင်ပွဲရဲ့ အမြှင့်ဆုံး ဖြစ်တဲ့ U 2300 အောက် အဆင့်မှာ ဆုရခဲ့တာ ဖြစ်ပါတယ်။

အခြား ပြိုင်ပွဲဝင် တဦးဖြစ်တဲ့ စည်သူကလည်း U 2300 အောက် ပြိုင်ပွဲမှာပင် ဝင်ရောက် ယှဉ်ပြိုင်ခဲ့တာ ဖြစ်ပြီး သူ့အနေနဲ့ ၂ ပွဲနိုင်၊ သုံးပွဲ သရေ၊ ၄ ပွဲရှုံးရလဒ်နဲ့ ရမှတ် ၃ ဒသမ ၅ မှတ် ရရှိကာ တန်းစီဇယား အဆင့် ၅၀ မှာ ရပ်တည်နိုင်ခဲ့တာ ဖြစ်ပါတယ်။

ပြိုင်ပွဲပုံစံမှာ လက်ရည် အဆင့်အလိုက် စီကာ ခေါက်ချိုးတွဲ ပြိုင်စေတဲ့ ပုံစံ (ဥပမာ- ၁ နဲ့ ၃၃၊ ၂ နဲ့ ၃၄၊ ၃၂ နဲ့ ၆၄ စသဖြင့်) ဖြစ်ပြီး နောက် အဆင့်များမှာ အမှတ်တူချင်း ပြန်လည် ယှဉ်ပြိုင်သွားစေတဲ့ ပုံစံစနစ်နဲ့ ကျင်းပခဲ့တာ ဖြစ်ပါတယ်။ အမှတ်ပေးပုံမှာလည်း အနိုင်ပွဲ ၁ မှတ်၊ သရေပွဲ အမှတ် တဝက်၊ ရှုံးပွဲ သုည သတ်မှတ်ထားပြီး၊ ပွဲစဉ် ၉ ပွဲ ကစားပြီးချိန် အမှတ်အများဆုံး ရယူကို ချန်ပီယံဖြစ် ရွေးချယ်တာ ဖြစ်ပါတယ်။

၂၀၁၈ ခုနှစ် ကမ္ဘာ့အပျော်တမ်း စစ်တုရင်ပြိုင်ပွဲကို အီတလီနိုင်ငံ ကက်ကလီယာရီမြို့မှာ ကျင်းပမှာဖြစ်ပြီး ချန်ပီယံဆုရရှိထားတဲ့ ကိုဝင်းထွန်းအတွက် နောက်နှစ်ပြိုင်ပွဲမှာ ပြိုင်ပွဲဝင်ကြေးနဲ့ နေစရိတ် စားစရိတ် အားလုံးကို ပြိုင်ပွဲ ကျင်းပရေး အဖွဲ့က ကျခံပေးမှာ ဖြစ်တယ် လို့ သိရပါတယ်။

ဝင်းထွန်းဟာ ၂၀၁၂ ခုနှစ်မှာ မြန်မာပြည် စစ်တုရင် တံခွန်စိုက် ပြိုင်ပွဲမှာ ချိန်ပီယံဆု ရရှိခဲ့ပြီး ၂၀၁၃ ခုနှစ်၊ ဆီးဂိမ်း အာဆီယံစစ်တုရင် အသင်းလိုက် ပြိုင်ပွဲမှာ လည်း ကြေးတံဆိပ် ရရှိခဲ့ပါတယ်။

ချန်ပီယံ ဝင်းထွန်းရဲ့ ဇနီး မမေဆက်လွင်ကလည်း မြန်မာပြည် စစ်တုရင် အမျိုးသမီး လက်ရွေးစင်တဦး ဖြစ်သလို ၎င်း၏ အမွှာအစ်မ မမေဆုလွင် ကလည်း စစ်တုရင် အမျိုးသမီးလက်ရွေးစင် ဖြစ်ပါတယ်။

၎င်းတို့ညီအမ နှစ်ဦးလုံးမှာ မြန်မာပြည်စစ်တုရင် အမျိုးသမီးတံခွန်းစိုက်ပြိုင်ပွဲ ချန်ပီယံဆုရရှိဖူး သူများ ဖြစ်ကြပြီး ၂၀၁၃ ခုနှစ် ဆီးဂိမ်းပြိုင်ပွဲမှာလည်း ရွှေတံဆိပ် ဆုရယူနိုင်ခဲ့သူများ ဖြစ်ကြပါတယ်။

နောက်နှစ် ပြိုင်ပွဲကို မြန်မာနိုင်ငံ ကိုယ်စားပြု အဖြစ် သွားရောက်ယှဉ်ပြိုင်ရန် မသေချားသေး သော်လည်း ဝင်ရောက် ယှဉ်ပြိုင်နိုင်ရေး ကြိုးပမ်းသွားမယ် လို့ အပျော်တမ်း စစ်တုရင် ချန်ပီယံ ဝင်းထွန်းက ပြောပါတယ်။

ဝင်းထွန်းဟာ ဇနီးဖြစ်သူ မမေဆက်လွင်၊ သမီးငယ်တဦးနဲ့ အတူ လည်းကူးမြို့နယ်၊ ဇရပ်ကွင်းကျေးရွာမှာ နေထိုင်လျက် ရှိပါတယ်။ ။

The post မြန်မာ့ပထမဆုံး ကမ္ဘာ့အပျော်တမ်း စစ်တုရင်ချန်ပီယံ ဝင်းထွန်း appeared first on ဧရာဝတီ.

လက်ရှိ ပြည်တွင်းက အားကစား ပရိတ်သတ်တွေ အများဆုံး စိတ်ဝင်စားကြတဲ့ ဘောလုံးပြိုင်ပွဲတွေ ရှိနေ တဲ့ အင်္ဂလန်၊ စပိန်၊ ဂျာမနီ၊ ပြင်သစ်တိုရဲ့ ဌာနေ ဥရောပမှာ ရှိတဲ့ ဘောလုံးကွင်းတွေထဲက အကြီးဆုံးကွင်းတွေ အကြောင်းကို သိရအောင် ပြောပြချင်ပါတယ်။

(၁) Camp Nou
စပိန် ဘောလုံးအသင်း ဘာစီလိုနာရဲ့ အိမ်ကွင်းပါ။ ပရိတ်သတ် ဝင်ဆံ့မှုအရတော့ ဥရောပမှာ အကြီးဆုံးပါပဲ။ ကမ္ဘာ့ဒုတိယ အကြီးဆုံးအားကစားကွင်းပါ။ ချန်ပီယံလိဒ်ဗိုလ်လုပွဲနဲ့ ကမ္ဘာ့ဖလား ဆီမီးဖိုင်နယ်တွေကို လက်ခံ ကစားဖူးပါတယ်။ ဘာစီ လိုနာရဲ့ကတ်တလိုနာနယ်မှာ ရှိပါတယ်။ ပရိတ်သတ် ၉၉၃၅၄ ဦး ဆံ့ပါတယ်။

(၂) Wembley Stadium
အင်္ဂလန် ဘောလုံးအဖွ့ဲချုပ်ကနေ ပိုင်ဆိုင်ထားတဲ့ ကွင်းပါ။ ပရိတ်သတ် ၉ သောင်း ဆံ့ပါတယ်။ အင်္ဂလန်နိုင်ငံ၊ လန်ဒန်မှာ ရှိတာပါ။ အင်္ဂလန်နိုင်ငံ ကိုယ်စားပြု ဘောလုံးအသင်းရဲ့ အိမ်ကွင်းအဖြစ် သုံးပါတယ်။ လေ့ကျင့်ရေးကွင်း အဖြစ်လည်း သုံး ပါတယ်။ ဒါအပြင် FA ဖလား၊ UEFA ဖလားတွေရဲ့ ဗိုလ်လုပွဲတွေကိုလည်း လက်ခံကျင်းပနေတာ တွေ့ရပါတယ်။

(၃) Signal Iduna Park
ဂျာမနီ အခြေစိုက် ဒေါ့မွန်အသင်းရဲ့ အိမ်ကွင်းပါ။ ဒေါ့မွန်နယ်သားတွေ အပါအဝင် အသင်းက အခုလို ကမ္ဘာ့အဆင့်ရှိ အိမ် ကွင်းကြီးကို ပိုင်ဆိုင်ထားလို့ အထူး ဂုဏ်ယူလေ့ရှိတာ တွေ့ရပါတယ်။ ပွဲစဉ်အများစုမှာ မီးပန်းတွေနဲ့ ဖွင့်လှစ် ကျင်းပလေ့ရှိ ပါတယ်။ လက်ရှိ ဂျာမနီမှာ အကြီးဆုံးကွင်း ဖြစ်ပြီး ပရိတ်သတ် ၈၁၃၆၀ ဦး ဆံ့ပါတယ်။

(၄) Estadio Santiago Bernabeu
၁၁ကြိမ်မြောက် UEFAဖလားကို ရရှိထားတဲ့ စပိန်အသင်း ရီးရဲမက်ဒရစ်ရဲ့ အိမ်ကွင်းပါ။ ကလပ်အသင်းကနေ အနားယူ သွားပြီ ဖြစ်တဲ့ ဥက္ကဌ Santiago Bernabeuရဲ့ အမည်ကို ရယူမှည့်ခေါ်ထားတာပါ။ ၁၉၄၇ ခုနှစ်ကတည်းက အိမ်ကွင်းအဖြစ် သုံးလာခဲ့တာ ဖြစ်ပြီး ကြားကာလတွေမှာ ကွင်းကို ပိုမို ချဲ့ထွင်တည်ဆောက်မှု အကြိမ်ပေါင်းများစွာ လုပ်ဆောင် ထားပါတယ်။ လက်ရှိမှာတော့ ပရိတ်သတ် ၈၁၀၄၄ ဦး ဆံ့ပါတယ်။ လက်ရှိမှာလည်း ကမ္ဘာ့အကြီးဆုံးကွင်းဖြစ်ဖို့ နောက် ထပ်ချဲ့ထွင် တည် ဆောက်မှု လုပ်ဆောင်နေတာ တွေ့ရပါတယ်။

(၅) San Siro
အီတလီအခြေစိုက် နာမည်ကျော် အေစီမီလန်ရော အင်တာမီလန် ၂သင်းလုံးရဲ့ အိမ်ကွင်းပါ။ မီလန်မြို့ရဲ့ဆန်စီရို အပိုင်းမှာ ရှိပါတယ်။ ၁၉၂၆ ခုနှစ်ကတည်းက အေစီမီလန်က အိမ်ကွင်းအဖြစ် သုံးခဲ့ပြီး ၁၉၄၅ခုနှစ်မှာ အင်တာမီလန်ကိုပါ အိမ်ကွင်း အဖြစ် သုံးဖို့ လက်ခံထားခဲ့တာပါ။ ပရိတ်သတ် ၈၀၀၁၈ ဦး ဆံ့ပါတယ်။ တည်ဆောက်မှုအရ Sdade de France ထက် ကြီးမားလို့ အဆင့် ၅မှာ ရှိနေတာပါ။

(၆) Stade de France
ပြင်သစ်နိုင်ငံ ပဲရစ်မြို့ရဲ့ မြောက်ဘက်မှာ ရှိပါတယ်။ ပြင်သစ်နိုင်ငံ ကိုယ်စားပြု ဘောလုံးအသင်းရဲ့ အိမ်ကွင်းပါ။ ပရိတ် သတ် ၈၁၃၃၈ဦး ဆံ့ပါတယ်။ ၁၉၉၈ခုနှစ်အတွင်း ကမ္ဘာ့ဖလား ဘောလုံးပွဲကို ပြင်သစ်က အိမ်ရှင်အဖြစ် လက်ခံကျင်းပခွင့် ရခဲ့လို့ အဆိုပါ ပွဲစဉ်တွေအတွက် တည်ဆောက်ခဲ့တာပါ။ ပြင်သစ်အစိုးရက ဖျော်ဖြေပွဲတွေနဲ့ UEFA ဘောလုံးပွဲတွေကိုလည်း လက် ခံကစားခွင့် ပေးထားပါတယ်။

(၇) Luzhnikl Stadium
ရုရှနိုင်ငံ၊ မော်စကိုမှာ ရှိပါတယ်။ ပရိတ်သတ် ၇၈၃၆၀ ဦး ဆံ့ပါတယ်။ အရင်ကတော့ ရုရှပြည်တွင်း ဘောလုံးအသင်းတွေ ဖြစ်တဲ့ တော်ပီဒိုမော်စကို၊ စီအက်ကေအေ မော်စကိုနဲ့ စပါးတပ်မော်စကိုလို အသင်းတွေက အိမ်ကွင်းအဖြစ် သုံးခဲ့ကြပါ သေးတယ်။ လက်ရှိမှာတော့ ရုရှနိုင်ငံ ကိုယ်စားပြု ဘောလုံးအသင်းရဲ့အိမ်ကွင်းအဖြစ် သုံးနေပါတယ်။

(၈) Ataturk Olympic Stadium
၂၀၀၂ခုနှစ်ကမှ တည်ဆောက်ပြီးစီး အသုံးပြုနေတဲ့ တူရီကီမှာရှိတဲ့ အကြီးဆုံး အားကစားကွင်းပါ။ ၂၀၀၈ ခုနှစ် အိုလံပစ် အားကစားပွဲအတွက် အစိုးရကနေ တည်ဆောက်ခဲ့တာပါ။ ဒါပေမယ့် အိုလံပစ် အားကစားပွဲ လက်ခံ ကျင်းပခွင့်မရခဲ့ဘဲ တရုတ်နိုင်ငံ၊ ဘေကျင်းမှာ ကျင်းပခဲ့တာ တွေ့ရပါတယ်။ ပရိတ်သတ် ၇၆၀၉၂ ဦး ဆံ့ပါတယ်။
၂၀၀၃-၀၄ ဘောလုံးရာသီမှာ တော့ တူရကီ ကလပ် ဂါလာတာစရေးအသင်းရဲ့အိမ်ကွင်း ပြင်ဆင်နေလို့ ဒီကွင်းကို တနှစ် တာအိမ်ကွင်းအဖြစ် ထားရှိ ကစားခဲ့တာ တွေ့ရပါသေးတယ်။

(၉) Old Trafford
အင်္ဂလန်နိုင်ငံ၊ မန်ချက်စတာ မြို့မှာ ရှိပြီး ပြည်တွင်းမှာပါ လူကြိုက်များတဲ့ မန်ယူအသင်းရဲ့ အိမ်ကွင်းပါ။ ပရိတ်သတ် ၇၆၅၄၃ ဦး ဆ့ံ့ပါတယ်။ Theatre of Dreams အဖြစ်လည်း လူသိများပါတယ်။

၁၉၁၀ ခုနှစ်ကလည်းက အိမ်ကွင်းအဖြစ် လက်ခံ ကစားနေတာပါ။ ဒုတိယကမ္ဘာစစ်အတွင်းမှာတော့ လေကြောင်း တိုက် ခိုက်ခံရမှုတွေကြောင့် ၈နှစ်ကြာ အကြီးစား ပြင်ဆင်မှုတွေ လုပ်ဆောင်ခဲ့ရပြီး အဆိုပါ ကာလအတွင်း မန်ယူ ကစားသမား တွေဟာ အိမ်ကွင်းအဖြစ် မြို့ခံ ပြိုင်ဘက် မန်းစီးတီးအိမ်ကွင်းကို သုံးခဲ့ကြပါတယ်။

(၁၀) Allianz Arena
ဂျာမနီ အခြေစိုက် နာမည်ကြီးကလပ် ဘိုင်ယန်မြူးနစ်ရဲ့အိမ်ကွင်းဖြစ်ပါတယ်။ ကွင်းရဲ့အမည်က အသင်းကို စပွန်ဆာပေး ထားတဲ့ Allianz SE ရဲ့ အမည်ကို ရယူထားတာပါ။
ပရိတ်သတ် ၇၅၀၀၀ ထိအောင် ဆံ့ဝင်ပါတယ်။ ဒီကွင်းရဲ့အတွင်းပိုင်း အပြင်အဆင်တွေက ပလတ်စတစ်သား ဦးစားပေး အလှဆင်ထားပြီး ယူရို သန်း ၃၄၀ အကုန်အကျခံ တည်ဆောက်ထားတာပါ။ နောက်ပြီး အားကစားသမားတွေ အကောင်း ဆုံး လေကို ရှူရှိုက်နိုင်အောင် လေသန့်စင်စနစ်တွေ ထည့်ထားတယ်လို့ ဆိုပါတယ်။

Ref: www.wonderslist.com

The post ဥရောပရဲ့ အကြီးဆုံး ဘောလုံးကွင်းများ appeared first on ဧရာဝတီ.