Quantcast
Channel: အားကစား - ဧရာဝတီ
Viewing all articles
Browse latest Browse all 511

အားကစားကွင်းထဲ တားမြစ်ပိတ်ပင်ထားတဲ့ ပစ္စည်းများ

$
0
0

ကမ္ဘာပေါ်မှာ ပရိသတ်ရင်ခုန်စိတ်လှုပ်ရှားစရာအကောင်းဆုံး အားကစားပွဲတွေ ကျင်းပရာ အားကစားကွင်းထဲကို ထူးထူးခြားခြား ပိတ်ပင်ထားတဲ့အရာတွေရှိပါတယ်။ တကမ္ဘာလုံးနီးပါး သတ်မှတ်ထားတဲ့ အန္တရာယ်ရှိပစ္စည်းတွေ မဟုတ်ဘဲ သူတို့အရပ်ဒေသပေါ်မူတည်ပြီး တခြားပွဲကြည့်ပရိသတ်တွေ အနှောင့်အယှက်မဖြစ်အောင် ကန့် သတ်ထားတာမျိုးပါ။

နောက်တွဲကားနဲ့ရောင်းချသော အကင်ဆိုင်များ

အားကစားပြိုင်ပွဲတွေမစားခင် ဗိုက်ဖြည့်ဖို့အကောင်းဆုံး အတွဲအစပ်ကတော့ ကိုလာနဲ့ဝက်အူချောင်းကင်ပါ။ အမေရိကန် Super Bowl ပွဲစဉ်တွေရှေ့ကားပါးကင်မှာ နောက်တွဲကားတွေနဲ့ ခုံချပြီး အကင်တွေလာရောင်းတာ မျိုးကို ပိတ်ပင်ထား ပါတယ်။ အပြင်လူအနေနဲ့ အအေးနဲ့အကင်ကို ကိုယ့်ကားထဲမှာပဲ စားသောက်တာလက်ခံပေမယ့် ကားပါကင်မှာ နောက်တွဲကားနဲ့ တနေရာစာမက နေရာယူပြီးရောင်းချတာမျိုးကိုတော့ ပိတ်ပင်ထားပါ တယ်။

အရက်

၂၀၁၄ ခုနှစ် ဘရာဇီးနိုင်ငံမှာ ကျင်းပသွားတဲ့ ကမ္ဘာ့ဖလားပြိုင်ပွဲကျင်းပရာ ဘောလုံးကွင်းတွေမှာ အရက်၊ ဘီယာ ရောင်းချခွင့်ကို ပိတ်ပင်ခဲ့ပါတယ်။ ဒါကြောင့် ၂၀၁၈ ခုနှစ် ရုရှားနိုင်ငံမှာ ကျင်းပတဲ့ ကမ္ဘာ့ဖလားပွဲမှာပါ ဒီအတိုင်း ဆက်ကျင့်သုံးပြီး အရက်ရောင်းချခွင့်ကို ပိတ်ပင်ခဲ့ပေမယ့် သတ်မှတ်ထားတဲ့ ပွဲကြည့်စင်တွေမှာ အရက်သောက် ခွင့်တွေရှိခဲ့ပါတယ်။

မြေပဲ

ဘေ့စ်ဘောကွင်းတွေမှာ မြေပဲနဲ့ ဓာတ်မတည့်သူတွေအတွက် မြေပဲကင်းမဲ့ဇုန်သတ်မှတ်ပေးထားပါတယ်။ ကန့်သတ် နေရာမှာ မြေပဲစားခွင့်မရှိသလို၊ ယူလာခွင့်လည်း မရှိပါဘူး။ အရေးပေါ် မြေပဲဓာတ်မတည့်တာဖြစ်ခဲ့ရင် ကုသနိုင်ဖို့ ဆေးအကူတွေပါ ထားရှိပေးထားပါတယ်။

ထီး

အခုနောက်ပိုင်း အားကစားပွဲတွေမှာ တခါသုံးမိုးကာတွေ ခေတ်စားလာတဲ့အကြောင်းရင်းက တချို့သော အား ကစားကွင်းတွေမှာ ထီးမဆောင်းရ ကန့်သတ်ထားလို့ပါ။ ကစားပွဲကြည့်နေရင်း မိုးရွာလို့ ထီးထုတ်ဆောင်းတဲ့အခါ တခြားပွဲကြည့်သူတွေ မြင်ကွင်းကို အနှောင့်အယှက်ဖြစ်စေသလို ရန်ဖြစ်တဲ့အခါ ထီးကိုတလွဲအသုံးပြုမှာဆိုးလို့ ပိတ်ပင်ထားတာပါ။

ပလတ်စတစ်ဘောလုံး

အားကစားကွင်းတော်တော်များများမှာ ပလတ်စတစ်ဘောလုံးတွေကို ပိတ်ပင်ထားပါတယ်။ တခြားပွဲကြည့်သူ တွေကို အနှောင့်အယှက်ဖြစ်စေသလို ကွင်းထဲထိ ပစ်ပေါက်ကြလို့ ကန့်သတ်လိုက်ရတာပါ။

ကလေးတွန်းလှည်

ကလေးတွေနဲ့တူတူ အားကစားပွဲသွားကြည့်မယ်ဆို ဖေဖေ၊ မေမေတို့ သတိထားရမှာက အားကစားကွင်းထဲကို ကလေးတွန်းလှည်းယူဆောင်ခွင့်မပေးထားပါဘူး။

လေဆာ

လေဆာပွိုင့်တာနဲ့ထိုးလိုက်ရင် မျက်စိထိခိုက်နိုင်လို့ အားကစားပွဲတွေမှာ ယူဆောင်ခွင့်ပိတ်ထားပါတယ်။ အထူး သဖြင့် အနီ၊ အပြာ၊ အဝါ၊ အစိမ်းနဲ့ ခရမ်းရောင် လေဆာတွေကို ကစားသမားတွေဆီ သွားထိုးမိရင် အန္တရာယ်ရှိ ပါတယ်။ ၂၀၁၂ ခုနှစ်က ရုရှားက ဘောလုံးပွဲတပွဲမှာ ဆယ်ကျော်သက်တဦး လေဆာနဲ့ ဂိုးဖမ်းသမားမျက်လုံးကို ထိုးလိုက်လို့ မျက်စိထိခိုက် သွားတာကြောင့် အဖမ်းခံခဲ့ရပါတယ်။

Ref: Reader’s Digest

The post အားကစားကွင်းထဲ တားမြစ်ပိတ်ပင်ထားတဲ့ ပစ္စည်းများ appeared first on ဧရာဝတီ.


Viewing all articles
Browse latest Browse all 511

Trending Articles


အစ္စရေး တိုက်နေတဲ့စစ်ပွဲတွေက နိုင်ငံ့ စီးပွားရေးအပေါ် ဘယ်လောက်အထိနာစေလဲ


TTA Oreo Gapp Installer


အခ်ိန္ကုန္သက္သာေစမယ့္ အုတ္ခင္းစက္


ဘာျဖစ္လို႕ စစ္သားေတြ အေလးျပဳၾကသလဲဆိုတဲ့ ေမးခြန္းအတြက္ပါ


မယ္ႏု ႏွင့္ ေမာင္အို အုပ္စု တန္ခုိးထြားျခင္း


“ေတြးမိတိုင္း အ႐ိုးနာသည္ အမ်ဳိးပါ ဆဲခ်င္ေပါ့ေလး”


သားသမီး ရင္ေသြးရတနာအတြက္ ပူပင္ေသာက မ်ားေနတယ္ဆိုရင္


♪ ေလးျဖဴ -BOB - ဘဂၤလားပင္လယ္ေအာ္ MP3 Album ♫


ပူေဇာ္ျခင္းႏွစ္မ်ိဳး


ေထာင္ထဲမွာ ေတြ႕ခဲ့ရေသာ ဆင္ဖမ္းမယ္ က်ားဖမ္းမယ္ဆုိတဲ့ ဗုိလ္မွဴး ဗုိလ္ခ်ဳပ္ေတြ -...